ନନ୍ଦପୁର, ନନ୍ଦପୁର, ୨୮ା୩ (ଡି.ଏନ.ଏ.): ନନ୍ଦପୁର ବ୍ଲକ କାର୍ଯ୍ୟାଳୟ ପରିସରରେ ମଙ୍ଗଳବାର ୨୩ ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନା ଓ ଏମଜିଏନଆରଇଜିଏସ୍ରେ ୨୦୧୬ରୁ ୨୦୨୧ପର୍ଯ୍ୟନ୍ତ ହୋଇଥିବା କାର୍ଯ୍ୟର ସମୀକ୍ଷା ହୋଇଥିଲା। ଏଥିରେ ଅନିୟମତତା ହୋଇଥିବା ଧରାପଡିବା ପରେ ପିଇଓ, ଜିଆରଏସ ଓ ଯନ୍ତ୍ରୀଙ୍କଠାରୁ ଜରିମାନା ଆଦାୟ ଲାଗି ନିଷ୍ପତ୍ତି ହୋଇଛି।
ସମୀକ୍ଷାରୁ ଜଣାପଡିଛି, ଆବାସ ଯୋଜନାରେ ୩୧୧ଟି ଗୃହ ଅଦ୍ୟାବଧି ସମ୍ପୂର୍ଣ ହୋଇ ନ ଥିବା ସହ ୧୦୯ଟି ଅନିୟମିତତା କରାଯାଇଥିବା ସାମାଜିକ ସମୀକ୍ଷାରେ ଜଣାପଡ଼ିଛି। ସେଥିମଧ୍ୟରୁ ଥୁବା ପଞ୍ଚାୟତରେ ୪ଟି ଓ ନନ୍ଦକା ପଞ୍ଚାୟତରେ ୧ ଗୃହ ନିର୍ମାଣ ନ ହୋଇ ଅନ୍ୟ ଲୋକଙ୍କ ବ୍ୟାଙ୍କ୍ ଖାତାକୁ ଟଙ୍କା ପ୍ରଦାନ କରାଯାଇଥିବା ଜଣାପଡ଼ିଥିଲା। ଏମଜିଏନଆରଇଜିଏସ୍ରେ ୧୧ଟି କାର୍ଯ୍ୟରେ ଅନିୟମିତତା କରାଯାଇ ୩ ଲକ୍ଷ ୧ହଜାର ଟଙ୍କାର ଆର୍ଥିକ ଅନିୟମିତତା ହୋଇଥିବା ଜଣାପଡିଥିଲା। ଅଟକଳ ଠାରୁ ଅଧିକ ପ୍ରାପ୍ୟ ପ୍ରଦାନ କରାଯାଇଥିବାରୁ ଖିନବର ପଞ୍ଚାୟତର ଜିଆରଏସ୍ଙ୍କଠାରୁ ୮ହଜାର ୯୮୯ ଟଙ୍କା ଆଦାୟ କରାଯାଇଥିଲା। ଏହି ସାମାଜିକ ସମୀକ୍ଷା ବୈଠକରେ ଏଡିଏମ ରାଜେନ୍ଦ୍ର ମାଝୀ, ଆମ୍ବୁଡସମ୍ୟାନ, ଜିଲା ପରିଷଦ ସଭ୍ୟ ନଳିନୀ ଟାକ୍ରି, ଜିଲା ସାମାଜିକ ସମୀକ୍ଷକ ଅନିଲ ମହାରଣା, ବିଡିଓ ସୁଜିତ ମିଶ୍ର, ସହକାରୀ ନିର୍ବାହୀ ଯନ୍ତ୍ରୀ ଜସକେତନ ବେହେରା, ଜିପିଇଓ ବେଦାନ୍ତ ମାଝୀ ଉପସ୍ଥିତ ଥିଲେ। ଏଡିଏମ, ଓ ଜିଲା ସାମାଜିକ ସମୀକ୍ଷକ କାର୍ଯ୍ୟରେ ଅବହେଳା କରିଥିବା ପିଇଓ, ଜିଆରଏସ ଓ ଯନ୍ତ୍ରୀଙ୍କଠାରୁ ଅନିୟମିତତା ବାବଦ ଅର୍ଥ ଆସନ୍ତା ୧୫ ଦିନ ମଧ୍ୟରେ ଆଦାୟ କରିବାକୁ ବିଡିଓ ମିଶ୍ରଙ୍କୁ ନିର୍ଦ୍ଦେଶ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ଏମ୍ପି ପ୍ରତିନିଧି ଗୋପାଳ ମାଟାମ, ବ୍ଲକ ଅଧ୍ୟକ୍ଷା ସାବିତ୍ରୀ କାର୍ତ୍ତୁଲ୍, ୨୩ ପଞ୍ଚାୟତର ସରପଞ୍ଚ, ସମିତିସଭ୍ୟ, ପିଇଓ, ଜିଆରଏସ, ଯନ୍ତ୍ରୀ, ଏପିଓ ଚିନ୍ତାମଣି ତାଣ୍ଡି, ଆବାସ ସଂଯୋଜକ ଜନାର୍ଦ୍ଧନ ଚୌଧୁରୀ ଉପସ୍ଥିତ ଥିଲେ। ବ୍ଲକ ସାମାଜିକ ସମୀକ୍ଷକ ନବୀନ ଖରା ପରିଚାଳନା କରିଥିଲେ।
(ଡି.ଏନ.ଏ.)
ନନ୍ଦପୁର ବ୍ଲକ କାର୍ଯ୍ୟାଳୟ ପରିସରରେ ମଙ୍ଗଳବାର ୨୩ ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନା ଓ ଏମଜିଏନଆରଇଜିଏସ୍ରେ ୨୦୧୬ରୁ ୨୦୨୧ପର୍ଯ୍ୟନ୍ତ ହୋଇଥିବା କାର୍ଯ୍ୟର ସମୀକ୍ଷା ହୋଇଥିଲା। ଏଥିରେ ଅନିୟମତତା ହୋଇଥିବା ଧରାପଡିବା ପରେ ପିଇଓ, ଜିଆରଏସ ଓ ଯନ୍ତ୍ରୀଙ୍କଠାରୁ ଜରିମାନା ଆଦାୟ ଲାଗି ନିଷ୍ପତ୍ତି ହୋଇଛି।
ସମୀକ୍ଷାରୁ ଜଣାପଡିଛି, ଆବାସ ଯୋଜନାରେ ୩୧୧ଟି ଗୃହ ଅଦ୍ୟାବଧି ସମ୍ପୂର୍ଣ ହୋଇ ନ ଥିବା ସହ ୧୦୯ଟି ଅନିୟମିତତା କରାଯାଇଥିବା ସାମାଜିକ ସମୀକ୍ଷାରେ ଜଣାପଡ଼ିଛି। ସେଥିମଧ୍ୟରୁ ଥୁବା ପଞ୍ଚାୟତରେ ୪ଟି ଓ ନନ୍ଦକା ପଞ୍ଚାୟତରେ ୧ ଗୃହ ନିର୍ମାଣ ନ ହୋଇ ଅନ୍ୟ ଲୋକଙ୍କ ବ୍ୟାଙ୍କ୍ ଖାତାକୁ ଟଙ୍କା ପ୍ରଦାନ କରାଯାଇଥିବା ଜଣାପଡ଼ିଥିଲା। ଏମଜିଏନଆରଇଜିଏସ୍ରେ ୧୧ଟି କାର୍ଯ୍ୟରେ ଅନିୟମିତତା କରାଯାଇ ୩ ଲକ୍ଷ ୧ହଜାର ଟଙ୍କାର ଆର୍ଥିକ ଅନିୟମିତତା ହୋଇଥିବା ଜଣାପଡିଥିଲା। ଅଟକଳ ଠାରୁ ଅଧିକ ପ୍ରାପ୍ୟ ପ୍ରଦାନ କରାଯାଇଥିବାରୁ ଖିନବର ପଞ୍ଚାୟତର ଜିଆରଏସ୍ଙ୍କଠାରୁ ୮ହଜାର ୯୮୯ ଟଙ୍କା ଆଦାୟ କରାଯାଇଥିଲା। ଏହି ସାମାଜିକ ସମୀକ୍ଷା ବୈଠକରେ ଏଡିଏମ ରାଜେନ୍ଦ୍ର ମାଝୀ, ଆମ୍ବୁଡସମ୍ୟାନ, ଜିଲା ପରିଷଦ ସଭ୍ୟ ନଳିନୀ ଟାକ୍ରି, ଜିଲା ସାମାଜିକ ସମୀକ୍ଷକ ଅନିଲ ମହାରଣା, ବିଡିଓ ସୁଜିତ ମିଶ୍ର, ସହକାରୀ ନିର୍ବାହୀ ଯନ୍ତ୍ରୀ ଜସକେତନ ବେହେରା, ଜିପିଇଓ ବେଦାନ୍ତ ମାଝୀ ଉପସ୍ଥିତ ଥିଲେ। ଏଡିଏମ, ଓ ଜିଲା ସାମାଜିକ ସମୀକ୍ଷକ କାର୍ଯ୍ୟରେ ଅବହେଳା କରିଥିବା ପିଇଓ, ଜିଆରଏସ ଓ ଯନ୍ତ୍ରୀଙ୍କଠାରୁ ଅନିୟମିତତା ବାବଦ ଅର୍ଥ ଆସନ୍ତା ୧୫ ଦିନ ମଧ୍ୟରେ ଆଦାୟ କରିବାକୁ ବିଡିଓ ମିଶ୍ରଙ୍କୁ ନିର୍ଦ୍ଦେଶ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ଏମ୍ପି ପ୍ରତିନିଧି ଗୋପାଳ ମାଟାମ, ବ୍ଲକ ଅଧ୍ୟକ୍ଷା ସାବିତ୍ରୀ କାର୍ତ୍ତୁଲ୍, ୨୩ ପଞ୍ଚାୟତର ସରପଞ୍ଚ, ସମିତିସଭ୍ୟ, ପିଇଓ, ଜିଆରଏସ, ଯନ୍ତ୍ରୀ, ଏପିଓ ଚିନ୍ତାମଣି ତାଣ୍ଡି, ଆବାସ ସଂଯୋଜକ ଜନାର୍ଦ୍ଧନ ଚୌଧୁରୀ ଉପସ୍ଥିତ ଥିଲେ। ବ୍ଲକ ସାମାଜିକ ସମୀକ୍ଷକ ନବୀନ ଖରା ପରିଚାଳନା କରିଥିଲେ।
