ବ୍ରାସିଲା,୩୦।୧୨: କିମ୍ବଦନ୍ତୀ ବ୍ରାଜିଲର ଫୁଟବଲର୍ ପେଲେଙ୍କ ଦେହାନ୍ତ ହୋଇଛି। ତାଙ୍କୁ ୮୨ ବର୍ଷ ବୟସ ହୋଇଥିଲା। ତାଙ୍କ ମୃତ୍ୟୁକୁ ଝିଅ କେଲି ନାସିମେଣ୍ଟୋ ଇନଷ୍ଟାଗ୍ରାମରେ ନିଶ୍ଚିତ କରିଛନ୍ତି। ପେଲେ କ୍ୟାନ୍ସର ସହିତ ଲଢୁଥିଲେ। ନିକଟରେ ପେଲେଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କର ଶ୍ୱାସକ୍ରିୟାରେ ମଧ୍ୟ ସଂକ୍ରମଣ ଥିବା ଜଣାପଡିଥିଲା। ପେଲେ ସବୁ ସମୟର ସର୍ବଶ୍ରେଷ୍ଠ ଫୁଟବଲ ଖେଳାଳି ଭାବରେ ପରିଗଣିତ ଏବଂ ତିନିଥର ବିଶ୍ୱକପ ବିଜେତା।
ତାଙ୍କ ମୃତ୍ୟୁରେ କେବଳ ବ୍ରାଜିଲରେ ନୁହେଁ, ସମଗ୍ର ବିଶ୍ୱରେ ଏବଂ ସମଗ୍ର ଫୁଟବଲ ଜଗତରେ ଶୋକର ଛାୟା ଖେଳିଯାଇଛି। ବର୍ତ୍ତମାନର ପିଢିର ତିନିଜଣ ଶ୍ରେଷ୍ଠ ଫୁଟବଲର୍, ଆର୍ଜେଣ୍ଟିନାର ଲିଓନେଲ ମେସି, ପର୍ତ୍ତୁଗାଲର କ୍ରିଷ୍ଟିଆନୋ ରୋନାଲଡୋ ଏବଂ ବ୍ରାଜିଲର ନେମାର ପେଲେଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
ସେ ବ୍ରାଜିଲକୁ ୩ଥର ଚାମ୍ପିୟନ କରିଥିଲେ।
ପେଲେଙ୍କ ଅଧୀନରେ ୧୯୫୮, ୧୯୬୨ ଏବଂ ୧୯୭୦ରେ ବ୍ରାଜିଲ ବିଶ୍ୱକପ ଜିତିଥିଲା। ସେ ୧୯୫୮ ବିଶ୍ୱକପ ଫାଇନାଲରେ ସୁଦାନ ବିପକ୍ଷରେ ଦୁଇଟି ଗୋଲ ସ୍କୋର କରିଥିଲେ। ପେଲେ ତାଙ୍କ ବୃତ୍ତିଗତ କ୍ୟାରିୟରରେ ମୋଟ ୧୩୬୩ ମ୍ୟାଚ ଖେଳି ୧୨୮୧ ଗୋଲ ସ୍କୋର କରିଥିଲେ। ବ୍ରାଜିଲ ପାଇଁ ସେ ୯୧ଟି ମ୍ୟାଚରେ ସେ ୭୭ ଗୋଲ ସ୍କୋର କରିଥିଲେ।
