ନୂଆଦିଲ୍ଲୀ(ପିଆଇବି),୬।୪:ଦେଶର ମିଡିଆ, ଏଣ୍ଟରଟେନ୍ମେଣ୍ଟ ଏବଂ ଜନସଚେତନତା କ୍ଷେତ୍ରରେ ମିଳିତ ଭାବେ କାର୍ଯ୍ୟ କରିବା ଲକ୍ଷ୍ୟରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ (ଏମ୍ଆଇବି) ଏବଂ ଆମାଜନ ଇଣ୍ଡିଆ ମଧ୍ୟରେ ସହଭାଗିତା ହୋଇଥିବା ଜଣାପଡ଼ିଛି। ଏପରିକି ବିଭାଗୀୟ ମନ୍ତ୍ରୀ ଅନୁରାଗ ଠାକୁର ବୁଧବାର ଏହି ସହଭାଗିତା ସମ୍ପର୍କରେ ଘୋଷଣା କରିଛନ୍ତି।
ଏ ସମ୍ପର୍କରେ ଠାକୁର କହିଛନ୍ତି, ଭାରତ ଏକ ପ୍ରାଚୀନ ସଭ୍ୟତା ହୋଇଥିବାରୁ ଏଥିରେ ଲକ୍ଷ ଲକ୍ଷ କାହାଣୀର ସମାହାର ରହିଛି। ଯାହା ବର୍ତ୍ତମାନ ପ୍ରକାଶ କରିବାକୁ ରହିଛି, କାହାଣୀର ପରିସର ଅତ୍ୟନ୍ତ ବ୍ୟାପକ ଏବଂ ଏଥିରେ ଆଧ୍ୟାତ୍ମିକତାଠାରୁ ସଫ୍ଟୱେର୍, ପରମ୍ପରା, ଟ୍ରେଣ୍ଡ, ଲୋକନୃତ୍ୟ ଏବଂ ପର୍ବପର୍ବାଣି ଏବଂ ଗ୍ରାମାଞ୍ଚଳ ଭାରତରୁ ଉଦୀୟମାନ ଭାରତ ପର୍ଯ୍ୟନ୍ତ ବିସ୍ତୃତ ଦିଗ ରହିଛି। ସେହିଭଳି ଆମାଜନ ସହ ସହଭାଗିତା ବିଷୟରେ ବିସ୍ତୃତ ସୂଚନା ଦେଇ ଠାକୁର କହିଛନ୍ତି, ଆମାଜନ ଇଣ୍ଡିଆ ସହ ସହଭାଗିତା ଅନେକ କ୍ଷେତ୍ରରେ ଅନନ୍ୟ ଏବଂ ସୃଜନଶୀଳ ଶିଳ୍ପର ବିଭିନ୍ନ ଦିଗରେ ରହିଛି ଏବଂ ଏହି ଲେଟର ଅଫ୍ ଏନ୍ଗେଜମେଣ୍ଟ ଏ ସବୁକୁ ବିସ୍ତାର ହୋଇଛି। ବିଶେଷକରି ଏହି ସହଭାଗିତା ଫିଲ୍ମ ଆଣ୍ଡ ଟେଲିଭିଜନ ଇନ୍ଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ସତ୍ୟଜିତ ରାଇ ଫିଲ୍ମ ଆଣ୍ଡ ଟେଲିଭିଜନ ଇନ୍ଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ଛାତ୍ରମାନଙ୍କ ପାଇଁ ଛାତ୍ରବୃତ୍ତି, ଇଣ୍ଟର୍ନଶିପ୍,ମାଷ୍ଟରକ୍ଲାସ୍ ଏବଂ ଅନ୍ୟାନ୍ୟ ସୁଯୋଗ ପାଇଁ ଶିଳ୍ପ-ଶିକ୍ଷା ସଂଯୋଗକୁ ମଜଭୁତ କରିବାରେ ସାହାଯ୍ୟ କରିବ। ସେହିଭଳି ସୂଚନା ଓ ପ୍ରସାରଣ ମନ୍ତ୍ରଣାଳୟର ସେକ୍ରେଟାରି ଅପୂର୍ବ ଚନ୍ଦ୍ରା କହିଛନ୍ତି, ଏମ୍ଆଇବି ଏବଂ ଆମାଜନ ମଧ୍ୟରେ ସହଭାଗିତା ଜାତୀୟ ତଥା ଅନ୍ତର୍ଜାତୀୟ ସ୍ତରରେ ଭାରତୀୟ ପ୍ରତିଭାଙ୍କ ପାଇଁ ସୁଯୋଗ ସୃଷ୍ଟି କରିବ। ଭାଇସ୍ ପ୍ରେସିଡେଣ୍ଟ ଏସିଆ ପାସିଫିକ୍, ଆମାଜନ ପ୍ରାଇମ ଭିଡିଓ ଗୌରବ ଗାନ୍ଧୀ କହିଛନ୍ତି, ସୂଚନା ଓ ପ୍ରସାରଣ ମନ୍ତ୍ରଣାଳୟ ସହିତ ଆମର ସମ୍ପୂର୍ଣ୍ଣ ସହଯୋଗ ପ୍ରତ୍ୟେକ ଜୀବନର ପର୍ଯ୍ୟାୟ ଏବଂ ଶିଳ୍ପର ଅଭିବୃଦ୍ଧିକୁ ଉତ୍ସାହିତ କରିବା ସହିତ ଏହା ସମଗ୍ରିକ ଉନ୍ନତିରେ ସହାୟକ ବୋଲି ଆମେ ଆଶା କରୁଛୁ ଓ ଏହା ନୂତନ ପ୍ରତିଭାମାନଙ୍କୁ ନିଶ୍ଚିତ ଭାବରେ ସୁଯୋଗ ଦେବାରେ ସହାୟକ ହେବ। ଏହି ପରିପ୍ରେକ୍ଷୀରେ ଚେତନ କୃଷ୍ଣସ୍ବାମୀ, ଭାଇସ୍ ପ୍ରେସିଡେଣ୍ଟ, ପବ୍ଲିକ୍ ପଲିସି, ଆମାଜନ ଇଣ୍ଡିଆ, ବିକ୍ରମ ସହାୟ, ଜଏଣ୍ଟ ସେକ୍ରେଟାରି, ସୂଚନା ଓ ପ୍ରସାରଣ ମନ୍ତ୍ରଣାଳୟ, ଭାରତ ସରକାର ଏବଂ ମନ୍ତ୍ରଣାଳୟର ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।
