ରଥଯାତ୍ରା ପାଇଁ ପାର୍କିଂ ଟେଣ୍ଡରରେ ପାତରଅନ୍ତର

ପୁରୀ ଅଫିସ,୧୨।୬: ରଥଯାତ୍ରା ପାଇଁ ପାର୍କିଂ, ଜୋତାଷ୍ଟାଣ୍ଡ ଓ ଉଠା ଦୋକାନୀଙ୍କଠାରୁ ଶୁଳ୍କ ଆଦାୟ କରିବା ପାଇଁ ପୁରୀ ମ୍ୟୁନିସିପାଲିଟି ଟେଣ୍ଡର ବିଜ୍ଞପ୍ତି ପ୍ରକାଶ କରିଛି। ତେବେ ଟେଣ୍ଡର ଡକାଯିବା ପୂର୍ବରୁ ମ୍ୟୁନିସିପାଲିଟି କର୍ତ୍ତୃପକ୍ଷ ପାତରଅନ୍ତର କରି ଟେଣ୍ଡର ବାଣ୍ଟୁଥିବା ଅଭିଯୋଗ ହୋଇଛି। ସୂଚନା ଅନୁଯାୟୀ, ଦୁଇ ଦିନ ତଳେ ପୁରୀ ମ୍ୟୁନିସିପାଲିଟି କାର୍ଯ୍ୟାଳୟରେ ଉପରୋକ୍ତ ସେବା ଲାଗି ଟେଣ୍ଡରର ଏକ ତାଲିକା ଲଗାଯାଇଥିଲା। ଯେଉଁଥିରେ ଉଭୟ ଦୁଇଚକିଆ ଓ ଚାରିଚକିଆ ଯାନର ପାର୍କିଂସ୍ଥଳୀ ପାଇଁ ଟେଣ୍ଡର ଡକାଯାଇଥିବା ଦର୍ଶାଯାଇଥିଲା। ସର୍ବମୋଟ୍‌ ୨୩ଟି ଟେଣ୍ଡର ପାଇଁ ମ୍ୟୁନିସିପାଲିଟି ସାଧାରଣଙ୍କୁ ଆମନ୍ତ୍ରଣ ଦେଇଥିଲା। ମାତ୍ର ଶନିବାର ଜିଲା ପ୍ରଶାସନର ଅନଲାଇନ୍‌ ପୋର୍ଟାଲରେ ପ୍ରକାଶ ପାଇଥିବା ତାଲିକା ସମ୍ପୃକ୍ତ ଅଫଲାଇନ୍‌ ତାଲିକାଠାରୁ ଭିନ୍ନ ଅଛି। ଟେଣ୍ଡରରେ ଅଂଶଗ୍ରହଣ କରିବାକୁ ଥିବା ଲୋକେ ଅନ୍‌ଲାଇନ ତାଲିକାରେ ୨୩ଟି ଟେଣ୍ଡରରୁ କମ୍‌ ଥିବା ଦେଖି ଅସନ୍ତୋଷ ପ୍ରକାଶ କରିବା ସହ ଆର୍‌ ଆଣ୍ଡ ଟି ଓଡ଼ିଶା ଗ୍ରୁପ ପକ୍ଷରୁ ଟୁଇଟ୍‌ ଯୋଗେ ଅଭିଯୋଗ କରାଯାଇଛି।
ଅଭିଯୋଗ ହେଉଛି ଯେ, ଟେଣ୍ଡରର ସଂଖ୍ୟାକୁ ଜାଣିଶୁଣି କମାଇ ଦିଆଯାଇ ବିତ୍ତଶାଳୀ ଲୋକଙ୍କୁ ଟେଣ୍ଡର ଦିଆଯାଉଛି। ଫଳରେ ଟେଣ୍ଡର ସର୍ବସାଧାରଣ ଉଦ୍ଦେଶ୍ୟରେ ଉପଲବ୍ଧ ହେଉ ନାହିଁ। ବିଶେଷ କରି ଚାରିଚକିଆ ଯାନ ପାର୍କିଂ ପାଇଁ ଟେଣ୍ଡର ତାଲିକାକୁ ଅନ୍‌ଲାଇନରେ ସାମିଲ କରାଯାଇ ନ ଥିବାରୁ ମ୍ୟୁନିସିପାଲିଟିର ସ୍ବଚ୍ଛତା ଓ ନିରପେକ୍ଷତା ନେଇ ପ୍ରଶ୍ନ ଉଠୁଛି। ଏ ସମ୍ପର୍କରେ ଯୁବନେତା ଆଲୋକ କୁମାର ଦାସ କହିଛନ୍ତି, ରଥଯାତ୍ରା ଲାଗି ହୋଇଥିବା ପାର୍କିଂ ଭଳି ସବୁ ଟେଣ୍ଡରରେ ମ୍ୟୁନିସିପାଲିଟି ସବୁ ଦଳକୁ ସନ୍ତୁଷ୍ଟ କରିବାକୁ ଚେଷ୍ଟା କରୁଛି। ଏଣୁ ଦଳ ଭିତରେ ଥିବା ମୁଷ୍ଟିମେୟ ଲୋକଙ୍କୁ ଟେଣ୍ଡର ମିଳୁଛି। ସାଧାରଣ ଲୋକେ ପାର୍କିଂ ଷ୍ଟାଣ୍ଡ ଓ ସମସ୍ତ ପ୍ରକାର ଟେଣ୍ଡରିଂରୁ ବଞ୍ଚିତ ହେଉଛନ୍ତି। ମ୍ୟୁନିସିପାଲିଟି ଭୁଲ୍‌ରେ ଟେଣ୍ଡରର ସଂଖ୍ୟା କମାଇବାକୁ ଚେଷ୍ଟା କରିଛି, ଅଥବା ଜାଣିଶୁଣି କାହାରି ଫାଇଦା ପାଇଁ ଏପରି କରିଛି। ସାଧାରଣ ଲୋକେ ଟେଣ୍ଡର ପ୍ରକ୍ରିୟାରେ ସାମିଲ ହେବାର ସୁଯୋଗ ପାଆନ୍ତୁ ବୋଲି ସେ କହିଛନ୍ତି। ଏ ନେଇ ପୁରୀ ମ୍ୟୁନିସିପାଲିଟି କାର୍ଯ୍ୟନିର୍ବାହୀ ଅଧିକାରୀ ସରୋଜ କୁମାର ସ୍ବାଇଁ କହିଛନ୍ତି, ଯାନ୍ତ୍ରିକ ତ୍ରୁଟି ହେତୁ ଏଭଳି ହୋଇଛି। ଟେଣ୍ଡର ତାଲିକାର ଗୋଟିଏ ପୃଷ୍ଠାକୁ ଭୁଲବଶତଃ ଅପଲୋଡ୍‌ କରାଯାଇପାରି ନ ଥିଲା। ଫଳରେ ସାଧାରଣରେ ଭ୍ରମ ଧାରଣା ସୃଷ୍ଟି ହୋଇଛି। ଟେଣ୍ଡର ପ୍ରକ୍ରିୟା ସ୍ବଚ୍ଛ ଭାବେ ସମ୍ପାଦିତ ହେବ।
ସଦ୍ୟ ପ୍ରକାଶିତ ଟେଣ୍ଡର ତାଲିକାରେ ମୁକ୍ତାକାଶ ରଙ୍ଗମଞ୍ଚ ଓ ମୁଣ୍ଡିଆମରାଠାରେ ଜୋତାଷ୍ଟାଣ୍ଡ, ଭୋଳାନାଥ ବିଦ୍ୟାଳୟ ନିକଟରେ ସାଇକେଲ ଷ୍ଟାଣ୍ଡ, ମଶାଣିଚଣ୍ଡୀ, କୃଷକ ବଜାର, ଜିଲା ସ୍କୁଲ, ମୋଚିସାହି, ନୀଳାଦ୍ରି ବିଚ୍‌, ବ୍ଲୁଫ୍ଲାଗ୍‌ ବିଚ୍‌, ନୀଳାଚଳ ଅଶୋକ, ଦିଗବାରେଣୀ ଖୁଣ୍ଟିଠାରେ ଦୁଇଚକିଆଯାନ ଷ୍ଟାଣ୍ଡ ପାଇଁ ଟେଣ୍ଡର ଡକାଯିବ। ସେହିଭଳି ଫ୍ଲୋରିସ୍‌ ଇଣ୍ଡିଆ, ଭୂଦାନ ଛକ, ଏସ୍‌ସିଏସ୍‌ କଲେଜ୍‌, ସଂସ୍କୃତ ବିଶ୍ୱବିଦ୍ୟାଳୟ, ଇନ୍‌ଡୋର ଷ୍ଟାଡିୟମ୍‌, ହେଲିପ୍ୟାଡ୍‌, ବଳିଆପଣ୍ଡା, ଷ୍ଟରଲିଂ ରୋଡ୍‌ ଓ ଦିଗବାରେଣୀ ଖୁଣ୍ଟିଠାରେ ଚାରିଚକିଆ ଯାନ ଷ୍ଟାଣ୍ଡ ପାଇଁ ଟେଣ୍ଡର ବିଜ୍ଞପ୍ତି ପ୍ରକାଶ ପାଇଛି। ଉଲ୍ଲେଖଯୋଗ୍ୟ, ରଥଯାତ୍ରା ସମୟରେ ପାର୍କିଂ ବାବଦକୁ ଜୋତା ପାଇଁ ୫ ଟଙ୍କା, ଆସବାବପତ୍ର ବାବଦକୁ ଜଣକା ୧୦ ଟଙ୍କା, ସାଇକେଲକୁ ୫ ଟଙ୍କା, ଦୁଇଚକିଆ ଯାନକୁ ୧୦ ଟଙ୍କା ଓ ଚାରିଚକିଆ ଯାନ ବାବଦକୁ ୫୦ ଟଙ୍କା ଦେବାକୁ ପଡ଼ିବ।


Enter your email to get our daily news in your inbox.

All Right Reserved By Dharitri.Com

ଗ୍ରୀଷ୍ମଛୁଟି ସତ୍ତ୍ୱେ ଚାଲିଲା ସ୍କୁଲ

ମଙ୍ଗୁଳି-ଜଗତପୁର,୨୬।୪(ମାନସ ସାମଲ): ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁ ରାଜ୍ୟ ସରକାର ଏପ୍ରିଲ ୨୫ରୁ ସମସ୍ତ ସରକାରୀ ଓ ବେସରକାରୀ ବିଦ୍ୟାଳୟଗୁଡ଼ିକୁ ଗ୍ରୀଷ୍ମଛୁଟି ଘୋଷଣା କରିଛନ୍ତି। ତେବେ...

ବିଜେଡିରୁ ପ୍ରାର୍ଥୀ ଦୌଡ଼ରେ ୪ ମହିଳା

ଖୋର୍ଦ୍ଧା,୨୬ା୪(ପ୍ରଭାତ ପାଣିଗ୍ରାହୀ): ରାଜ୍ୟରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରକ୍ରିୟା ଆରମ୍ଭ ହୋଇସାରିଛି। ଆସନ୍ତା ମେ’୨୫ତାରିଖରେ ଭୁବନେଶ୍ୱର ଲୋକ ସଭା ସଂସଦୀୟ କ୍ଷେତ୍ରରେ ନିର୍ବାଚନ ହେବ।...

୮ ବର୍ଷ ହେଲା ସରୁନି ବିଦ୍ୟୁତ୍‌ ସବ୍‌ଷ୍ଟେଶନ କାର୍ଯ୍ୟ

କୋଣାର୍କ,୨୬।୪(ଜ୍ୟୋତିରାଜ ମହାନ୍ତି): କୋଣାର୍କ ନିକଟସ୍ଥ ସୁତନ ପଞ୍ଚାୟତର ୬ଟି ଗ୍ରାମକୁ ନିରବଛିନ୍ନ ବିଦ୍ୟୁତ୍‌ ଯୋଗାଣ ନିମନ୍ତେ ୨୦୧୬ରେ ଓପିଟିସିଏଲ୍‌ ମାଧ୍ୟମରେ ଆରମ୍ଭ ହୋଇଥିବା ସୁତନ ୩୩...

ଭାଜପା ରାଜ୍ୟ ସମ୍ପାଦକ ଦଳ ଛାଡ଼ିଲେ, ଆଜି ବିଜେଡିରେ ମିଶିବେ

ଭଞ୍ଜନଗର/ସୋରଡ଼ା,୨୬।୪(ବାବୁଲା ପ୍ରଧାନ/ଲମ୍ବୋଦର ପାଣିଗ୍ରାହୀ): ଗଞ୍ଜାମ ଜିଲା ସୋରଡ଼ା ନିର୍ବାଚନ ମଣ୍ଡଳୀର ପୂର୍ବତନ ଭାଜପା ବିଧାୟକ ପ୍ରାର୍ଥୀ ତଥା ବର୍ତ୍ତମାନର ଭାଜପା ରାଜ୍ୟ କୃଷକ ମୋର୍ଚ୍ଚା ସମ୍ପାଦକ...

୩ ଜଣଙ୍କୁ ଚାପିଦେଲା ଟ୍ରକ୍‌

ସୁନ୍ଦରଗଡ଼,୨୬ା୪: ସୁନ୍ଦରଗଡ଼ ଜିଲା ଭସ୍ମା ଥାନା ଅନ୍ତର୍ଗତ ଦର୍ଲିପାଲି ଏନ୍‌ଟିପିସି ପାଓ୍ବାର ପ୍ଲାଣ୍ଟ ନିକଟରେ ଏକ ଟ୍ରକ୍‌ ୩ ବାଇକ୍‌ ଆରୋହୀଙ୍କ ଉପରେ ମାଡ଼ିଯିବାରୁ ଘଟଣାସ୍ଥଳରେ...

ଚାଷୀ ଦେଉଛନ୍ତି ଜଳକର, ଜମିରେ ମାଡୁନି ପାଣି

ନୂଆଗାଁ,୨୬।୪( ଧନେଶ୍ୱର ସାହୁ): ଚାଷ ଜମିକୁ ଜଳସେଚନର ସୁବିଧା ଯୋଗାଇ ଦେବା ପାଇଁ ସରକାର ଅନେକ କୋଟି ଟଙ୍କା ବ୍ୟୟ କରୁଛନ୍ତି। ଜଳସେଚନ ପ୍ରକଳ୍ପ ନିର୍ମାଣ...

ପ୍ରଶାସନିକ ଅବହେଳା, ଆଇନଶୃଙ୍ଖଳା ବିପର୍ଯ୍ୟସ୍ତ

ପଟ୍ଟାମୁଣ୍ଡାଇ, ୨୬ା୪ (କଳ୍ପତରୁ ନାୟକ): କେନ୍ଦ୍ରାପଡ଼ା ଜିଲାର ପଟ୍ଟାମୁଣ୍ଡାଇ ଅଞ୍ଚଳରେ କାର୍ଯ୍ୟରତ ସରକାରୀ କର୍ମଚାରୀ, ଜନପ୍ରତିନିଧିମାନେ ସାମ୍ବିଧାନିକ ବିଧି ବ୍ୟବସ୍ଥାର ନୀତିନିୟମ ଓ ଆଇନକୁ ଉଲ୍ଲଂଘନ...

ଲଢ଼େଇରେ ନୂଆ ବନାମ ଅଭିଜ୍ଞ

ରାଜକନିକା,୨୬ା୪(ସଞ୍ଜୟ କୁମାର ଦାଶ): କେନ୍ଦ୍ରାପଡ଼ା ଜିଲାର ଶେଷ ସୀମା ହେଉଛି ଆଳି ନିର୍ବାଚନମଣ୍ଡଳୀ। ରାଜକନିକାର ୨୯ଟି ପଞ୍ଚାୟତ ଓ ଆଳିର ୩୪ଟି ପଞ୍ଚାୟତକୁ ମିଶାଇ ଆଳି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri