ନୟାଗଡ଼ ଅଫିସ,୨୪।୧୨: ମୋ ପୁଅ ନିର୍ଦ୍ଦୋଶ। ତାକୁ ଚାପରେ ପକାଯାଉଛି। ଫୋନ୍ରେ ପୁଅ କେବଳ ଭଜନ ଦେଖେ ବୋଲି ଯଦୁପୁରର ଶିଶୁକନ୍ୟା ପରୀ ଅପହରଣ ଓ ହତ୍ୟା ଘଟଣାରେ କହିଛନ୍ତି ଅଭିଯୁକ୍ତ ସରୋଜ ସେଠୀଙ୍କ ମା’। ଗୁରୁବାର ପୋଖରୀ କୂଳରେ କ୍ରାଇମ୍ ସିନ୍ ରିକ୍ରିଏସନ କରାଯିବା ପରେ ଏଭଳି ପ୍ରତିକ୍ରିୟା ରଖିଛନ୍ତି ସେ। ଏହାଛଡ଼ା ସରୋଜଙ୍କ ଭଉଣୀ ମଧ୍ୟ ଅଶ୍ଳିଳ ଭିଡିଓ ଦେଖିବା କଥାକୁ ଅସ୍ବିକାର କରିଛନ୍ତି। ଭାଇ କେବଳ କିଛି ସମୟ ପାଇଁ ଫୋନ ଧରନ୍ତି ବୋଲି ସେ କହିଛନ୍ତି। ଏହାଛଡ଼ା ସକାଳୁ ପୋଲିସ ତାଙ୍କୁ ଘର ଭିତରେ ବନ୍ଦ କରି ସିନ୍ ରିକ୍ରିଏସନ କରିଥିବାକୁ ନେଇ ସେ ପ୍ରଶ୍ନ ଉଠାଇଛନ୍ତି। କ’ଣ ପାଇଁ ତାଙ୍କୁ ଘରେ ବନ୍ଦ ରଖାଯାଇ ଏଭଳି କରାଗଲା ବୋଲି ସେ ପଚାରିଛନ୍ତି। ଘଟଣାଦିନ ଭଉଣୀଭିଣୋଇଙ୍କ ପାଖରେ ସରୋଜ ଶୋଇଥିଲେ। ଏଣୁ ଅଶ୍ଳିଳ ଭିଡିଓ ଦେଖିବା ଓ ହତ୍ୟା କରିବା କଥା ମିଥ୍ୟା ବୋଲି ସେ କହିଛନ୍ତି।
