ଭୋପାଳ, ୨୩।୭: କରୋନା ମହାମାରୀ ସମୟରେ ମଧ୍ୟପ୍ରଦେଶର ଭୋପାଳରୁ ଏକ ନିଆରା ପ୍ରେମ କାହାଣୀ ସାମ୍ନାକୁ ଆସିଛି। ଝିଅର ପ୍ରେମ ବିବାହକୁ ବିରୋଧ କରିବାକୁ ଯାଇ ମା ଓ ବାପା କରୋନାର ସହାୟତା ନେଇଥିଲେ। ଫଳରେ କୋର୍ଟରେ ଅଧାରେ ଅଟକି ଯାଇଥିଲା ପ୍ରେମୀ ଯୁଗଳଙ୍କ ବିବାହ। ଘଟଣାରୁ ଜଣାପଡ଼ିଛି ଯେ ଖଣ୍ଡଓ୍ବା ଜିଲା ଅମଲାପୁର ଅଞ୍ଚଳର ଜଣେ ୧୯ ବର୍ଷୀୟା ଯୁବତୀ ସେହି ଗ୍ରାମରେ ନିଜ ସମାଜର ଜଣେ ପୁଅ ସହ ପ୍ରେମ ସମ୍ପର୍କ ରହିଥିଲା। ପୁଅ ଘର ପକ୍ଷରୁ ଯୁବତୀଙ୍କୁ ସମସ୍ତେ ପସନ୍ଦ କରୁଥିଲେ। କିନ୍ତୁ ଯୁବତୀଙ୍କ ବାପା ଓ ମା ସେହି ପୁଅକୁ ପସନ୍ଦ କରୁ ନ ଥିଲେ। ଯୁବତୀ ଜଣକ ଅନେକଥର ପରିବାର ଲୋକଙ୍କୁ ବୁଝାଇ ବିଫଳ ହେବାପରେ ଶେଷରେ କୋର୍ଟରେ ବିବାହ କରିବାକୁ ନିଷ୍ପତ୍ତି ନେଇଥିଲେ। ଉଭୟ ପ୍ରେମୀ ଯୁଗଳ କୋର୍ଟରେ ପହଞ୍ଚତ୍ ଓକିଲଙ୍କ ସହାୟତାରେ ବିବାହ ପାଇଁ କାଗଜ ପତ୍ର କାମ କରିଥିଲେ। ଏହା ଜାଣିପାରି ଯୁବତୀଙ୍କ ପରିବାର ମଧ୍ୟ କୋର୍ଟରେ ପହଞ୍ଚତ୍ଥିଲେ। ବିବାହକୁ ବନ୍ଦ କରିବା ଲାଗି ସେମାନେ କରୋନାକୁ ଅସ୍ତ୍ର କରିଥିଲେ। ଏହାପରେ ଯୁବତୀଙ୍କ ବାପା ଓ ମା ତାଙ୍କ ଝିଅକୁ କରୋନା ହୋଇଥିବା ନେଇ ଓକିଲକୁ କହିଥିଲେ। ପରିବାର ଲୋକ ଏଥିସହିତ ସ୍ବାସ୍ଥ୍ୟ ବିଭାଗର ହେଲ୍ପ ଲାଇନ୍ ନମ୍ବର ୧୦୪କୁ ଫୋନ କରି ଜଣାଇଥିଲେ ଯେ, କୋର୍ଟରେ ଜଣେ କରୋନା ଆକ୍ରାନ୍ତ ଯୁବତୀଙ୍କ ବିବାହ ପାଇଁ ଶପଥ ପତ୍ର ପ୍ରସ୍ତୁତି କରାଯାଉଛି। ସ୍ବାସ୍ଥ୍ୟ ବିଭାଗ ପକ୍ଷରୁ ମଧ୍ୟ ତୁରନ୍ତ କୋର୍ଟରେ ପହଞ୍ଚତ୍ ଯୁବତୀଙ୍କୁ ହସ୍ପିଟାଲ ନିଆଯାଇଥିଲା। ସେଠାରେ ଯୁବତୀଙ୍କ ସାମ୍ପଲ୍ ସଂଗ୍ରହ କରାଯାଇ ତାଙ୍କୁ ୧୪ ଦିନ ପାଇଁ ହୋମ୍ କ୍ୱାରାଣ୍ଟାଇନକୁ ପଠାଇ ଦିଆଯାଇଛି। ଫଳରେ ଏହି ଚର୍ଚ୍ଚିତ ପ୍ରେମ ବିବାହ ଏବେ ୧୪ ଦିନ ଲାଗି ଘୁଞ୍ଚତ୍ ଯାଇଛି। ତେବେ ଯୁବତୀ ଜଣଙ୍କ କହିଛନ୍ତି ଯେ, କରୋନା ମୋ ପ୍ରେମ ବିବାହକୁ ପରାସ୍ତ କରିପାରିବ ନାହିଁ। ବର୍ତ୍ତମାନ ନ ହେଲେ ମଧ୍ୟ ଆମେ ପରେ ବିବାହ କରି ଏକାଠି ରହିବୁ। କରୋନା ହାରିବ ମୋ ପ୍ରେମ ଜିତିବ। ଅପରପକ୍ଷରେ ଓକିଲ ଜଣଙ୍କ କହିଛନ୍ତି, ଯୁବତୀଙ୍କ ନିକଟରେ କରୋନାର କୌଣସି ଲକ୍ଷଣ ନ ଥିଲା। କିନ୍ତୁ ତାଙ୍କ ପରିବାର ବିବାହ ବନ୍ଦ କରିବା ପାଇଁ କରୋନାକୁ ଅସ୍ତ୍ର କରିଥିଲେ।
