ଇସଲାମାବାଦ,୯ ।୬: ପାକିସ୍ତାନରେ ଦେଖାଯାଇଥିବା ଆର୍ଥିକ ସଙ୍କଟ ବେଳକୁ ବେଳ ତୀବ୍ର ହେବାରେ ଲାଗିଛି । ଏବେ ସେଠାରେ ବିଜୁଳି ବଞ୍ଚାଇବା ଲାଗି ଏକ ଗୁରୁତ୍ୱପୁର୍ଣ୍ଣ ଉପାୟ ଚିନ୍ତା କରାଯାଇଛି । ପାକିସ୍ତାନ ସମାଚାର ଏଜେନ୍ସି ଜିଓ ନ୍ୟୁଜର ସୂଚନା ଅନୁଯାୟୀ, ବିଜୁଳି ବଞ୍ଚାଇବା ପାଇଁ ପାକିସ୍ତାନର ନ୍ୟାଶନାଲ ଇକୋନମିକ କାଉନସିଲ(ଏନଇସି) ସାରା ଦେଶରେ ରାତି ୮ଟା ୩୦ ପରେ ବଜାର ବନ୍ଦ ରଖିବାକୁ ସ୍ଥିର କରାଯାଇଛି । ଏନଇସି ବୁଧବାର ପ୍ରଧାନମନ୍ତ୍ରୀ ଶହବାଜ ଶରିଫଙ୍କ ଅଧ୍ୟକ୍ଷତାରେ ଏକ ବୈଠକ ପରେ ଏହି ନିର୍ଣ୍ଣୟ ନେଇଛି ।
ଏହି ବୈଠକରେ ଶେହବାଜ ଶରିଫଙ୍କ ସହ ସବୁ ପ୍ରାନ୍ତର ମୁଖ୍ୟମନ୍ତ୍ରୀମାନେ ଯୋଗ ଦେଇଥିଲେ । ତେବେ ଏହି ବୈଠକର ଗୋଟିଏ ଦିନ ପୂର୍ବରୁ ପ୍ରଧାନମନ୍ତ୍ରୀ ଶେହବାଜ ଶରିଫ ରାଷ୍ଟ୍ରପତି ଆରିଫ ଅଲଭିଙ୍କ ସହ ଏକ ବୈଠକରେ ଏନଇସିର ପୁର୍ନଗଠନକୁ ମଞ୍ଜୁରୀ ପ୍ରଦାନ କରାଯାଇଥିଲା ।
