![](https://www.dharitri.com/wp-content/uploads/2023/11/6-41.jpg)
ଇସଲାମାବାଦ,୨୨ା୧୧: ବ୍ରିକ୍ସ ସଦସ୍ୟ ହେବା ପାଇଁ ପାକିସ୍ତାନ ଆବେଦନ କରିଛି। ଏହି ସଂଗଠନରେ ଆଉ ୬ଟି ଦେଶ ଯୋଗଦେବେ। ବ୍ରିକ୍ସ ୨୦୧୦ରେ ବ୍ରାଜିଲ, ରୁଷିଆ, ଭାରତ, ଚାଇନା ଏବଂ ଦକ୍ଷିଣ ଆଫ୍ରିକା ଦ୍ୱାରା ଗଠିତ ହୋଇଥିଲା। ଏହି ଦେଶର ପ୍ରଥମ ଅକ୍ଷରଗୁଡ଼ିକୁ ମିଶାଇ ବ୍ରିକ୍ସକୁ ସଂକ୍ଷିପ୍ତ ନାମ ଦିଆଯାଇଥିଲା। ବିଶ୍ୱର ଜନସଂଖ୍ୟାରେ ଏହି ପାଞ୍ଚଟି ବ୍ରିକ୍ସ ଦେଶର ଅଂଶଗ୍ରହଣ ହେଉଛି ୪୧ ପ୍ରତିଶତ, ବିଶ୍ୱର ବିକାଶରେ ୨୪ ପ୍ରତିଶତ ଏବଂ ବିଶ୍ୱ ବାଣିଜ୍ୟରେ ୧୬ ପ୍ରତିଶତ। ବର୍ତ୍ତମାନ ଆଞ୍ଚଳିକ ତଥା ବିଶ୍ୱ ସଂଗଠନର ଗୁରୁତ୍ୱକୁ ବୁଝି ପାକିସ୍ତାନ ମଧ୍ୟ ବ୍ରିକ୍ସର ସଦସ୍ୟ ହେବାକୁ ଚାହିଁଛି।
ଏହି ଦେଶଗୁଡ଼ିକ ହେଉଛି ଆର୍ଜେଣ୍ଟିନା, ଇଜିପ୍ଟ, ଇଥିଓପିଆ, ଇରାନ, ସାଉଦି ଆରବ ଏବଂ ସଂଯୁକ୍ତ ଆରବ ଏମିରେଟ୍ସ। ସେମାନଙ୍କର ସଦସ୍ୟତା ୧ ଜାନୁୟାରୀ ୨୦୨୪ରୁ କାର୍ଯ୍ୟକାରୀ ହେବ। ଅର୍ଥାତ୍ ଆସନ୍ତା ବର୍ଷ ଆରମ୍ଭରୁ ବ୍ରିକ୍ସରେ ସମୁଦାୟ ୧୧ ଜଣ ସଦସ୍ୟ ରହିବେ। ରୁଷିଆରେ ପାକିସ୍ତାନର ରାଷ୍ଟ୍ରଦୂତ ମହମ୍ମଦ ଖାଲିଦ ଜମାଲି କହିଛନ୍ତି ଯେ, ଏହା ୨୦୨୪ରେ ରୁଷିଆର ଅଧ୍ୟକ୍ଷତାରେ ଏହାର ସଦସ୍ୟ ହୋଇପାରିବ। ସେ ଏଥିପାଇଁ ଆବେଦନ କରିସାରିଛନ୍ତି।