ସମ୍ବଲପୁର,୨୯ା୭ (ବ୍ୟୁରୋ): ଅଲିମ୍ପିକ୍ସକୁ ନେଇ ଇଣ୍ଡିଆନ କଣ୍ଟେମ୍ପରାରି ଆଟର୍ସ ଆସୋସିଏଶନ ଦ୍ୱାରା ଆନ୍ତର୍ଜାତୀୟ ଭର୍ଚୁଆଲ ଆର୍ଟ ଶୋ ପ୍ରଦର୍ଶିତ ହୋଇଛି। ଏଥିରେ ପଶ୍ଚିମ ଓଡ଼ିଶାର ୮ ଚିତ୍ରଶିଳ୍ପୀଙ୍କ କଳାକୃତି ସାମିଲ ହୋଇଛି। ପୂର୍ବତନ ରାଜ୍ୟ ସଭା ସଦସ୍ୟ ତଥା ଆନ୍ତର୍ଜାତୀୟ ହକି ଖେଳାଳି ଦିଲୀପ ତିର୍କୀ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଶୋ’ରେ ଜାତୀୟ ଓ ଆନ୍ତର୍ଜାତୀୟ ସ୍ତରର ୭୨ ଚିତ୍ରଶିଳ୍ପୀଙ୍କ କଳାକୃତି ଚୟନ କରାଯାଇଥିଲା। ସେଥିରୁ ସମ୍ବଲପୁରର ୭ ଓ ବରଗଡର ଜଣେ ଚିତ୍ରଶିଳ୍ପୀଙ୍କ କୃତି ସ୍ଥାନ ପାଇଛି। ସଞ୍ଜୟ ସାହୁଙ୍କ ଡ୍ରିମ୍, ମନୋଜ ଚୌଧୁରୀଙ୍କ ଜିଙ୍ଗ୍ ଅଫ୍ ଦ ରିଂ, ମହେଶ ପାଣ୍ଡେଙ୍କ ଏ ପେନିଙ୍ଗ୍ ସେଲିବ୍ରେଶନ, ପ୍ରେମଚାନ୍ଦ ରାଉତଙ୍କ ଦ ହାଇଟ୍ସ ଅଫ୍ ଗ୍ଲୋରି, ବନ୍ଦନା ମିଶ୍ରଙ୍କ ଜମ୍ପ୍ ଅଫ୍ ପ୍ରାଇଟ୍, ସୁଜାତା ବେହେରାଙ୍କ ଡ୍ରାଇଭିଂ ଫର୍ ଗ୍ଲୋରି, ଅନୁରେଖା ଜେନାଙ୍କ ସ୍ପ୍ରାଇଣ୍ଟର ଏବଂ ବରଗଡର କୁଶ ଭୂୟାଁଙ୍କ ମିଶନ୍-୨୧ ସ୍ଥାନିତ ହୋଇଛି। ସେଗୁଡିକର ଭିଡିଓ ଟୋକିଓ ଅଲମ୍ପିକ୍ସରେ ମେମୋରିଆଲ ହଲ୍ରେ ଅଗଷ୍ଟ ୮ ପର୍ଯ୍ୟନ୍ତ ପ୍ରଦର୍ଶିତ ହେବ।
