ରୁଆ ହୋଇଥିବା ଧାନତଳି ପଚିଯିବା ଆଶଙ୍କା

ପଟ୍ଟାମୁଣ୍ଡାଇ,୧୨ା୮(ସ୍ବ.ପ୍ର.): ଚାଷ ପାଇଁ ଚଳିତ ବର୍ଷ ପାଗଯୋଗ ଠିକ୍‌ ନାହିଁ। ବିଳମ୍ବିତ ମୌସୁମୀ ସାଙ୍ଗକୁ ଧାନତଳି ପକା ଯାଇଥିଲା। ତା’ ମଧ୍ୟରୁ ଅନେକ ବିହନ ଗଜା ହେଲାନାହିଁ ତ ପୁଣି ଯେତିକି ତଳି ଉତୁରି ଥିଲା ତା’ ମଧ୍ୟରୁ ନୂଆ କରି ପୋତା ଯାଇଥିବା ଧାନ ତଳିଗୁଡ଼ିକ ପ୍ରାୟତଃ ୫୦ ଭାଗ ଲଘୁଚାପଜନିତ ଲଗାଣ ବର୍ଷାରେ ପଚିବାକୁ ବସିଲାଣି। ଆଉ ନୂଆ ତଳି ପକାଇବା ପାଇଁ ଚାଷୀ ପାଖରେ ସମୟ ନା ସମ୍ବଳ ଅଛି। ଏମିତିରେ ଏ ବର୍ଷ ଖରିଫ୍‌ ଋତୁର ଅଢେଇ ମାସ ଚାଲିଗଲା। ନଷ୍ଟ ହୋଇଯାଇଥିବା ବିହନ ବଦଳରେ ବିହନ ମିଳିବା ବି କଠିନ ହୋଇପଡିଲାଣି।
ଦୋସିଆ ପଞ୍ଚାୟତର ପୂର୍ବତନ ସରପଞ୍ଚ ପ୍ରଭାତ ପ୍ରଧାନ କହିଛନ୍ତି, ପଟ୍ଟାମୁଣ୍ଡାଇ ଅଞ୍ଚଳରେ ଚଳିତବର୍ଷ ଖରିଫ୍‌ ଧାନଚାଷ ପାଇଁ ପାଣିପାଗ ଅନୁକୂଳ ନ ଥିବା ଯୋଗୁ ପ୍ରାରମ୍ଭିକ ପର୍ଯ୍ୟାୟରେ ଧାନତଳି ପକାଇବା ସହ ପର୍ଯ୍ୟାୟକ୍ରମେ ବେଉଷଣ ଓ ଧାନତଳି ରୋଇବା କାର୍ଯ୍ୟ ବିଳମ୍ବ ହୋଇଥିଲା। ଚାଷୀଟିଏ ଶତପ୍ରତିଶତ ଧାନ ଅମଳ କରିବାର ଆଶା ବାନ୍ଧିଥିଲା। ମାତ୍ର ଚଳିତ ଲଘୁଚାପ ବର୍ଷା ସବୁ ଚାଷୀଙ୍କ ହସ ଛଡ଼ାଇ ନେଇଛି। ନୂଆ କରି ରୁଆଯାଇଥିବା ଧାନତଳି ଲଗାଣ ବର୍ଷା ଯୋଗୁ ପଚିଯିବାକୁ ବସିଲାଣି। ଚାଷୀ ହିଡ଼ କାଟି, ପାଣି ବୋହି ରୁଆ ହୋଇଥିବା ଧାନ ତଳିକୁ ବଞ୍ଚାଇ ରଖିବାର ସମସ୍ତ ଚେଷ୍ଟା ମଧ୍ୟ କରୁଛନ୍ତି। ରୁଆ ହୋଇଥିବା ତଳି ବଞ୍ଚାଇବାକୁ ପାଣି ବୋହି ବୋହି ଚାଷୀ ନୟାନ୍ତ ହେଉଛି। ତଥାପି ରୁଆ ହୋଇଥିବା ତଳିକୁ ବଞ୍ଚାଇ ପାରୁନି। ତଳି ଚେର ଧରିବା ପୂର୍ବରୁ ଚାଷଜମିରେ ପାଣି ଭର୍ତ୍ତି ହୋଇଯାଉଛି। ଏବେ ସୁଦ୍ଧା ଅନିୟମିତ ବର୍ଷା ପାଇଁ ୬୦% ଜମିରେ ହଳ ଗାର ପଡ଼ିପାରି ନାହିଁ। ୪୦% ଜମିରେ ତଳି ପକାଯାଉଛି ତ କେଉଁଠି ତଳି ରୁଆ ହୋଇଛି। ଆଗକୁ ରୁଆ ତଳି ବଞ୍ଚତ୍ ରହିବା, ବିଭିନ୍ନ ପ୍ରକାର ପୋକ ଲାଗିବା, କୀଟନାଶକ, ସାର ପଡିବା ଆଉ ପାଗର ଅବସ୍ଥା କିପରି ହେବ ସେ ନେଇ ଚାଷୀ ସନ୍ଦେହରେ ରହିଛନ୍ତି।
ସେହିପରି କୃଷକ ନେତା ବିଜୟ ଦାସ କହିଛନ୍ତି, ପଟ୍ଟାମୁଣ୍ଡାଇ ବ୍ଲକର କେତେକ ଅଞ୍ଚଳରେ ବର୍ଷା ଅଭାବରୁ ଶ୍ରାବଣରେ ବି ଜମି ଶୁଖିଲା ପଡିଥିଲା। ଆଉ କେତେକ ଅଞ୍ଚଳରେ ଉଚ୍ଚା ଜମିରେ ପାଣି ନାହିଁ। ଲଘୁଚାପଜନିତ ବର୍ଷା ଯୋଗୁ ତଳିଆ ଜମିରେ ପାଣି ଭର୍ତ୍ତି ହୋଇଯିବାରୁ ଚାଷୀ ହତାଶ ହୋଇପଡିଛନ୍ତି। ଅନ୍ୟପକ୍ଷରେ କେନାଲରେ ପାଣି ଛାଡିବା ସମୟରେ ପାଣି ମିଳିଲା ନାହିଁ। ମାତ୍ର ଲଗାଣ ବର୍ଷା ଫଳରେ ଦରକାର ନ ଥିବା ସମୟରେ କେନାଲରେ ଉଛୁଳା ପାଣି ଛଡାଯାଉଛି। ଗତବର୍ଷର ଅନିୟମିତ ବର୍ଷା ଯୋଗୁ ଉତ୍ପାଦନ ହ୍ରାସ ହେବା ସହ ଚାଷରେ ଖର୍ଚ୍ଚ ଅଧିକ ହୋଇଥିବା ନେଇ ଚାଷୀ ଭାଙ୍ଗି ପଡିଥିଲେ। ଚଳିତବର୍ଷ କ୍ଷତିଭରଣା ହେବ ଭାବି ମନକୁ ବୁଝାଉଥିବା ଚାଷୀ ଏ ବର୍ଷ ପ୍ରାକୃତିକ ଦୁର୍ବିପାକକୁ ସାମ୍ନା କରୁଛି। ଏହାଦ୍ୱାରା ଚାଷୀ କେତେଦୂର ଫସଲ ଆମଦାନୀ କରିପାରିବାରେ ସଫଳ ହେବ ସେ ନେଇ ପରିଶ୍ରମ କରି ଚାଲିଛି। ପଟ୍ଟାମୁଣ୍ଡାଇ ବ୍ଲକ କୃଷି ଅଧିକାରୀ ଭଦ୍ରନାରାୟଣ ଦାସଙ୍କୁ ପଚାରିବାରେ ଚଳିତବର୍ଷ ପଟ୍ଟାମୁଣ୍ଡାଇ ଅଞ୍ଚଳରେ ୧୧,୭୦୦ ହେକ୍ଟର ଜମିରେ ଖରିଫ୍‌ ଧାନଚାଷ ପାଇଁ ଲକ୍ଷ୍ୟ ରଖାଯାଇଥିଲା। ଅନିୟମିତ ବୃଷ୍ଟିପାତ ଯୋଗୁ ୮,୨୪୫ ହେକ୍ଟର ଜମିରେ ଚାଷ ପାଇଁ ତଳି ପଡି ରୁଆ କାର୍ଯ୍ୟ ଚାଲୁଅଛି। ମାତ୍ର ଲଘୁଚାପଜନିତ ଲଗାଣ ବର୍ଷା କିଛି ମାତ୍ରାରେ ନୂଆ ରୁଆ ଉପରେ କ୍ଷତି କରି ପାରେ। ଅଦ୍ୟାବଧି ପ୍ରାୟ ୪, ୩୦୦ ହେକ୍ଟର ଜମିରେ ଚାଷ କାର୍ଯ୍ୟ ହୋଇପାରିଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୈତୃକ ଗାଁରୁ ପ୍ରଚାର ମଇଦାନକୁ ଓହ୍ଲାଇଲେ ପ୍ରଦୀପ

ବରଗଡ଼,୨୯।୩(ପ୍ରେମାନନ୍ଦ ଖମାରୀ): ବରଗଡ଼ ଲୋକସଭା ଆସନ ପାଇଁ ଭାଜପା ପ୍ରଦୀପ ପୁରୋହିତଙ୍କୁ ପ୍ରାର୍ଥୀ କରିଛି। ବରଗଡ଼ ଲୋକସଭା କ୍ଷେତ୍ର ଅଧୀନ ବିଜେପୁର ନିର୍ବାଚନ ମଣ୍ଡଳି ପୈତୃକ...

ନବବିବାହିତ ଯୁବକଙ୍କୁ ଗଳାକାଟି ହତ୍ୟା

ଗଜପତି,୨୯।୩(ଗିରିଧାରୀ ପରିଛା): ଗଜପତି ଜିଲା ଗୋସାଣି ବ୍ଲକ ଗୁରାଣ୍ଡି ଥାନା ଅଧୀନ ତୋଟାଗୁମ୍ବୁଡା ଗାଁରେ ଏକ ଅଘଟଣ ଘଟିଛି। ଜଣେ ନବବିବାହିତ ଯୁବକଙ୍କୁ ଗଳାକାଟି ଅତି...

ମୁଖ୍ୟମନ୍ତ୍ରୀଙ୍କୁ ଭେଟି ଆଶୀର୍ବାଦ କାମନା କଲେ ଦେବେଶ ଆଚାର୍ଯ୍ୟ

ବରଗଡ଼,୨୯ା୩(ପ୍ରେମାନନ୍ଦ ଖମାରୀ): ବରଗଡ଼ ବିଧାନସଭା ନିର୍ବାଚନ ମଣ୍ଡଳୀ ପାଇଁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କ୍ରମାଗତ ତୃତୀୟଥର ପାଇଁ ଦେବେଶ ଆଚାର୍ଯ୍ୟଙ୍କ ନାମ...

ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର...

ଭାଜପା ଛାଡ଼ିବା କାରଣ କହିଲେ ପ୍ରକାଶ

ଭୁବନେଶ୍ୱର,୨୯।୩: ଭାଜପା ଛାଡ଼ିବା ପରେ ମୁହଁ ଖୋଲିଛନ୍ତି ସାଲେପୁରର ପୂର୍ବତନ ବିଧାୟକ ପ୍ରକାଶ ବେହେରା। ସେ କହିଛନ୍ତି, ଲୋକଙ୍କ ସେବା କରିବା ସହ ସଙ୍ଗଠନକୁ ମଜଭୁତ...

ଭାଜପା ଛାଡ଼ିଲେ ନୀଳଗିରି ବିଧାୟକ ସୁକାନ୍ତ ନାୟକ, ବିଜେଡିରେ ହୋଇପାରନ୍ତି ସାମିଲ

ନୀଳଗିରି, ୨୯।୩(ପ୍ରଶାନ୍ତ କୁମାର ବିଶ୍ବାଳ): ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଭାରତୀୟ ଜନତା ପାର୍ଟି(ଭାଜପା)ରୁ ଇସ୍ତଫା ଦେଇଛନ୍ତି ନୀଳଗିରି ବିଧାୟକ ଛାଡିଲେ ସୁକାନ୍ତ। ଶୁକ୍ରବାର...

ନିର୍ବାଚନ ପୂର୍ବରୁ ବିବାଦୀୟ କୋଟିଆରେ ଡିଜିଟାଲ ମିଟର ବଣ୍ଟନ ଆରମ୍ଭ କଲା ଆନ୍ଧ୍ର

ଭୁବନେଶ୍ୱର,୨୯।୩: ଓଡ଼ିଶାର କୋରାପୁଟ ଜିଲାର ପଟାଙ୍ଗୀ ବ୍ଲକ ଅନ୍ତର୍ଗତ କୋଟିଆ ଅଂଚଳରେ ଆନ୍ଧ୍ରପ୍ରଦେଶ ବିବାଦୀୟ ଅଞ୍ଚଳରେ କ୍ରମାଗତ ଭାବରେ ଅନୁପ୍ରବେଶ କରୁଛି ଏବଂ ସ୍ଥାନୀୟ ବାସିନ୍ଦାଙ୍କୁ...

ବିଜେଡିରେ ସାମିଲ ହେଲେ କଂଗ୍ରେସର ପୂର୍ବତନ ବିଧାୟକ

ଭୁବନେଶ୍ୱର/ବଲାଙ୍ଗୀର,୨୯ା୩: ବିଧାନସଭା ନିର୍ବାଚନ ପୂର୍ବରୁ ବଲାଙ୍ଗୀର ଜିଲା ଟିଟିଲାଗଡ଼ର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସରୁ ଇସ୍ତଫା ଦେଇ ଗୁରୁବାର ଶଙ୍ଖଭବନରେ ବିଜେଡିରେ ସାମିଲ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri