ଆମ ସାଥୀ ଜିପିଏସ୍‌

ଦିନ ଥିଲା ଅଧିକାଂଶ ମହିଳାଙ୍କୁ କୌଣସି କାର୍ଯ୍ୟରେ ବାହାରକୁ ଯିବା ପାଇଁ ପରିବାର ସଦସ୍ୟଙ୍କ ଉପରେ ନିର୍ଭର କରିବାକୁ ପଡୁଥିଲା। ଅତ୍ୟାବଶ୍ୟକ ସ୍ଥଳେ ଏକାକୀ କୌଣସି ଅଜଣା ଜାଗାକୁ ଯିବାକୁ ଥିଲେ କେବେ ବାଟବଣା ହୋଇଯିବାକୁ ନେଇ ତ ଆଉ କେବେ ଅଚିହ୍ନା ଗାଡିବାଲା ଅନ୍ୟତ୍ର ନେଇ ଯିବାକୁ ନେଇ ଭୟ ରହୁଥିଲା। ହେଲେ ଏହାର ସରଳ ସମାଧାନ ଉପାୟ ପାଲଟିଛି
ଜିପିଏସ୍‌ ବା ଗୁଗୁଲ୍‌ ମ୍ୟାପ୍‌। ନିଜ ମୋବାଇଲ୍‌ ଫୋନ୍‌ରେ ଏହାକୁ ବ୍ୟବହାର କରି
ସେମାନେ ପ୍ରତ୍ୟେକ ସ୍ଥାନରେ ସହଜରେ ପହଞ୍ଚତ୍ ପାରୁଛନ୍ତି…

ଜିପିଏସ୍‌ ବା ଗୁଗଲ୍‌ ମ୍ୟାପ୍‌ ବର୍ତ୍ତମାନ ସମସ୍ତଙ୍କ ଲାଗି ବିଶେଷ କରି ବାହାରକୁ ଯିବା ଲାଗି ଅନ୍ୟ ଉପରେ ନିର୍ଭର କରୁଥିବା ମହିଳାଙ୍କ ଖୁବ୍‌ ସୁବିଧା ଯୋଗାଉଛି। ଏହାଦ୍ୱାରା କୌଣସି ସ୍ଥାନ ଖୋଜିବା ଲାଗି ଅନ୍ୟର ସାହାଯ୍ୟ ନେବା କିମ୍ବା ଦୀର୍ଘ ସମୟ ଧରି ଏଣେତେଣେ ବୁଲିବା ଭଳି ସମସ୍ୟା ରହୁନାହିଁ। ଅଯଥା ସମୟ ନଷ୍ଟ ସହ ଅନାବଶ୍ୟକ ଇନ୍ଧନ ଖର୍ଚ୍ଚକୁ ମଧ୍ୟ ରୋକାଯାଇପାରୁଛି। ଗୁଗଲ୍‌ ମ୍ୟାପ୍‌ରେ ସମସ୍ତ ଯାନବାହନ ଚଳାଚଳ ଲାଗି ମଲ୍ଟିପ୍‌ଲ ଟ୍ରାନ୍ସପୋର୍ଟେଶନ୍‌ ମୋଡ୍‌ ରହିଛି; ଯେଉଁଥିରେ ପାଦଚଲା ରାସ୍ତାଠାରୁ ଟୁ ହ୍ବିଲର, କାର, ଅନ୍ୟ ପବ୍ଲିକ୍‌ ଯାନବାହନ ଚାଳକମାନଙ୍କ ସୁବିଧା ମୁତାବକ ମଧ୍ୟ ଫିଚର୍ସ ଉପଲବ୍ଧ। ଏଥିରେ ଥିବା ଭଏସ୍‌ ନାଭିଗେଶନ୍‌ ସିଷ୍ଟମ ଦ୍ୱାରା ଶୁଣିଶୁଣି ମଧ୍ୟ ଆପଣ ନିଜ ଗନ୍ତବ୍ୟ ସ୍ଥଳରେ ପହଞ୍ଚତ୍ପାରିବେ। ପ୍ଲସ୍‌ କୋଡ୍ସ ଦ୍ୱାରା ବିଭିନ୍ନ ଛୋଟଛୋଟ ସ୍ଥାନର ଅବସ୍ଥିତି ମଧ୍ୟ ସହଜରେ ଠାବ କରିପାରିବେ। ଏଥିରେ ଗୁଗଲ୍‌ ଦ୍ୱାରା ପ୍ରତ୍ୟେକ ସ୍ଥାନ ଲାଗି ୪ ଅଙ୍କ ବିଶିଷ୍ଟ ଭିନ୍ନଭିନ୍ନ ସ୍ପେଶାଲ କୋଡ୍‌ ରହିଛି, ଯାହାକୁ ସହରର ନାମ ସହ ଯୋଡ଼ା ଯାଇଛି। ତେବେ ବର୍ତ୍ତମାନ ଏହାର ଲାଟେଷ୍ଟ ଫିଚର ଲାଇଭ୍‌ ଲୋକେଶନ୍‌ ଦ୍ୱାରା ବ୍ୟବହାରକାରୀ କୌଣସି ସ୍ଥାନର ଅବସ୍ଥିତି ଜାଣିବା ଲାଗି ନିଜେ ଏହି କୋଡ୍‌ ବ୍ୟବହାର କରିବା ସହ ଶେୟାର ବି କରିପାରିବେ।
ଲାଇଭ୍‌ ଲୋକେଶନ୍‌ କମାଇଛି ଖୋଜିବାର ସମୟ: କୌଣସି ନୂଆ ସ୍ଥାନରେ କାହାକୁ ଭେଟିବାର ଥିଲେ ଅନେକ ସମୟରେ ଖୋଜିବାରେ ହିଁ ସବୁଠୁ ଅଧିକ ସମୟ ନଷ୍ଟ ହୋଇଥାଏ। ହେଲେ ଏବେ ଜିପିଏସ୍‌ରେ ଲାଇଭ ଲୋକେଶନ୍‌ ସେୟାର୍‌ କରିବାର ସୁବିଧା ଉପଲବ୍ଧ, ଯାହାଦ୍ୱାରା ଏଣେତେଣେ ନ ଖୋଜି ସିଧାସଳଖ ମ୍ୟାପ୍‌ ଦେଖି ଜଣଙ୍କ ପାଖରେ ପହଞ୍ଚତ୍ବା ଖୁବ୍‌ ସହଜ ହୋଇପାରିଛି।
ଯାତ୍ରାକୁ ସହଜ କରୁଛି ଭଏସ୍‌ ନାଭିଗେଶନ୍‌ ସେବା: ବର୍ତ୍ତମାନ ଅଧିକାଂଶ ମହିଳା ଦୁଇ ଚକିଆରୁ ୪ ଚକିଆ ପର୍ଯ୍ୟନ୍ତ ଯେକୌଣସି ସ୍ଥାନକୁ ଗାଡି ଭଡାକରି ଯିବା ଅପେକ୍ଷା ନିଜେ ଡ୍ରାଇଭ୍‌ କରି ଯିବାର ଚାର୍ମ ଅଲଗା। ହେଲେ ଯେହେତୁ ପ୍ରତ୍ୟେକ ସ୍ଥାନର ରାସ୍ତା ବିଷୟରେ ଜଣାନାହିଁ, ତେଣୁ ଗୁଗଲ୍‌ ମ୍ୟାପ୍‌ର ସାହାଯ୍ୟ ନେଇଥାଏ। ବିଶେଷକରି ଏଥିରେ ଥିବା ଭଏସ୍‌ ନାଭିଗେଶନ୍‌ ସେବା ସବୁଠୁ ବେଷ୍ଟ। ଏହାଦ୍ୱାରା ଅନ୍ୟମନସ୍କ ହୋଇ ଅଲଗା ରାସ୍ତାରେ ପଶିଯିବାର ଟେନ୍‌ଶନ୍‌ ନାହିଁ। ଭଏସ୍‌ କମାଣ୍ଡ ଶୁଣି ଠିକ୍‌ ସମୟରେ ଟର୍ନିଂ ନେଇ ପହଞ୍ଚତ୍ ହେଉଛି।
କମିଛି ଏକା ଯିବାର ଭୟ: କୌଣସି ସ୍ଥାନକୁ ମୁଖ୍ୟତଃ ନୂଆ ସ୍ଥାନକୁ ଏକାକୀ ଭଡ଼ା ଗାଡି ବା କ୍ୟାବ୍‌ରେ ଯିବା ସମୟରେ ଡ୍ରାଇଭର ଠିକ୍‌ ରାସ୍ତାରେ ନେଉଛି କି ନାହିଁର ଭୟ ଅନେକ ମହିଳାଙ୍କ ମନରେ ରହିଥାଏ। ହେଲେ ବର୍ତ୍ତମାନ ଏହି ଭୟକୁ କମାଇ ଦେଇଛି ଗୁଗଲ୍‌ ମ୍ୟାପ୍‌। ଏହାଦ୍ୱାରା ଗାଡିରେ ବସିବା ପରେ ନିଜେ ରାସ୍ତା ଦେଖି ହେବା ସହ ଅବିଳମ୍ବେ ଗନ୍ତବ୍ୟ ସ୍ଥଳରେ ପହଞ୍ଚତ୍ ହେଉଛି। ସେଥିରେ ଜିପିଏସ୍‌ ଟ୍ରାକିଂ ସିଷ୍ଟମ୍‌ ରହିଥିବାରୁ କୌଣସି ଅଘଟଣ କିମ୍ବା ଅସୁବିଧା ହେଲେ ତୁରନ୍ତ ଏହାକୁ ଠାବ କରାଯାଇପାରୁଛି। କେବଳ ଏତିକି ନୁହେଁ ଅନ୍ୟ କେହି ସେଠାକୁ ଆସିବାର ଥିଲେ ଡେଷ୍ଟିନେଶନ କୋଡ୍‌ ଶେୟାର ମଧ୍ୟ କରି ହେଉଛି।
ଟୁରିଷ୍ଟ ଗାଇଡ୍‌ ପାଲଟିଛି: ପୂର୍ବରୁ ମହିଳାମାନଙ୍କୁ କୌଣସି ଅଜଣା ସ୍ଥାନକୁ ବୁଲି ଗଲେ ବିଶେଷକରି ସ୍ବଳ୍ପ ସମୟ ମଧ୍ୟରେ ଅଧିକ ସ୍ଥାନ ବୁଲି ଯିବାର ଥିଲେ ବାଧ୍ୟତାମୂଳକ ଭାବେ ଉକ୍ତ ସ୍ଥାନ ସମ୍ପର୍କରେ ଜାଣିଥିବା କେହି ବ୍ୟକ୍ତି କିମ୍ବା ଟୁରିଷ୍ଟ ଗାଇଡ୍‌ଙ୍କ ସାହାଯ୍ୟ ନେବାକୁ ହୋଇଥାଏ। ହେଲେ ବର୍ତ୍ତମାନ ଏହି ଗାଇଡ୍‌ର ଦାୟିତ୍ୱ ତୁଲାଉଛି ଗୁଗଲ୍‌ ମ୍ୟାପ। କୌଣସି ନୂଆ ଯାଗାକୁ ଯାଇଥିଲେ ବିଳମ୍ବ ହୋଇଗଲେ ପାଖରେ ଥିବା ହୋଟେଲ୍‌, ଲଜ୍‌, ରେଷ୍ଟୋରାଣ୍ଟ ଆଦି ସମ୍ପର୍କରେ ଏଥିରୁ ସହଜରେ ଜାଣି ହେଉଛି।
ସମୟ ବଞ୍ଚାଇ ହେଉଛି: ପୂର୍ବରୁ କୌଣସି ଜରୁରିକାଳୀନ ପରିସ୍ଥିତିରେ କମ୍‌ ସମୟ ମଧ୍ୟରେ କୌଣସି ସ୍ଥାନରେ ପହଞ୍ଚତ୍ବା ଲାଗି ବାରମ୍ବାର ଅନ୍ୟମାନଙ୍କୁ ରାସ୍ତା ପଚାରି ବୁଝିବା ଭିତରେ ଅଯଥା ସମୟ ନଷ୍ଟ ହେଉଥିଲା। କେବେକେବେ ଏଥିପାଇଁ ଜରୁରୀ କାମ ବି ହୋଇପାରୁ ନ ଥିଲା। ହେଲେ ଗୁଗଲ୍‌ ମ୍ୟାପ୍‌ ବ୍ୟବହାର କରିବା ଦ୍ୱାରା ସହଜରେ ଯଥାସ୍ଥାନରେ ପହଞ୍ଚତ୍ୟିବା ସହ ସମୟ ମଧ୍ୟ ବଞ୍ଚାଇ ହେଉଛି।

 

ପ୍ରଣତି ପ୍ରଧାନ(କେଉଁଝର)- ଯେତେ ବେଳେ କୌଣସି ବି ନୂଆ ସ୍ଥାନକୁ ଯାଏ ବିନା ଦ୍ବିଧାରେ ଗୁଗଲ ମ୍ୟାପ୍‌ ସାହାଯ୍ୟରେ ପହଞ୍ଚତ୍ୟାଏ। କାରଣ ଏଥିରେ ଉକ୍ତ ସ୍ଥାନର ଦିଗ ବିଷୟରେ ଶୁଣିହୁଏ ଆଉ ଜାଣି ବି ହୁଏ। ଲକ୍ଷ୍ୟ ସ୍ଥଳରେ କେମିତି ଗଲେ କେତେ ସମୟ ଲାଗିବ ତାହା ବି ଏଥିରୁ ଜାଣିପାରେ। ଆଉ ସେହି ଅନୁସାରେ ନିର୍ଣ୍ଣୟ କରି ଯିବା ଆସିବାରେ ବେଶି କିଛି ଅସୁବିଧା ହୁଏନି। ଯେଥିପାଇଁ ଜିପିଏସ୍‌ ବ୍ୟବହାର କରି ଏକାକୀ ବି କୌଣସି ସ୍ଥାନକୁ ସହଜରେ ଯାଇ ହେଉଛି।
ଦୀପ୍ତି ରାଣୀ ଜେନା(ବାଲେଶ୍ୱର)- ଗୁଗଲ୍‌ ମ୍ୟାପରେ ସାଟେଲାଇଟ୍‌ ଚିତ୍ର, ଷ୍ଟ୍ରିଟ୍‌ ମାନଚିତ୍ର, ନିଜ କରେଣ୍ଟ ଲୋକେଶନର ଟ୍ରାଫିକ୍‌ ସ୍ଥିତି ଏବଂ ଜନସାଧାରଣ ପରିବହନର ମାର୍ଗ ଇତ୍ୟାଦି ଦେଖାଇଥାଏ। ଦରକାର ବେଳେ ଆମ ଆଖପାଖରେ ଥିବା ମେଡିକାଲ, ରେଷ୍ଟୁରାଣ୍ଟ ଏବଂ ଗ୍ରୋସରି ଦୋକାନର ରାସ୍ତା ମଧ୍ୟ ଦେଖାଏ। ମୋ ପୁଅ ପାଇଁ କିଛି ଔଷଧ ଦରକାର ଥିଲେ ମ୍ୟାପରେ ମେଡିସିନ ଦୋକାନର ଫୋନ ନମ୍ବର ବି ଥାଏ, ସେହି ନମ୍ବରକୁ କଲ୍‌ କଲେ ମେଡିସିନ ହୋମ ଡେଲିଭରି ମଧ୍ୟ କରିଦିଅନ୍ତି। ଆଉ ଏହି ସବୁ ସୁବିଧା ପାଇଁ ଏହି ଆପ୍‌ ବର୍ତ୍ତମାନ ମୋର ଅତି ପ୍ରିୟ ପାଲଟିଛି।
ସୋନାଲି ସାହୁ (ସମ୍ବଲପୁର)-
ମୁଁ ଯେ କୌଣସି ସ୍ଥାନ ବିଷୟରେ ଜାଣିବାକୁ ଇଚ୍ଛା କଲେ ଗୁଗଲ ମ୍ୟାପ୍‌ରେ ତା’ ସମ୍ପର୍କରେ ସମ୍ପୂର୍ଣ୍ଣ ଧାରଣା ପାଇଯାଏ। ଲକ୍ଷ୍ୟ ସ୍ଥଳରେ ପହଞ୍ଚତ୍ବାର ଦୂରତା, କେଉଁଥିରେ ଗଲେ କେତେ ସମୟରେ ଓ କେଉଁ ଦିଗରେ ଗଲେ ପହଞ୍ଚତ୍ପାରିବି ସେସବୁ ଏଥିରୁ ହିଁ ଜାଣିପାରେ। ଏହାର ଅଡିଓ, ଭିଜୁଆଲ ଏବଂ ଭୁଲ୍‌ ଦିଗର ସତର୍କତା ଗନ୍ତବ୍ୟ ପଥକୁ ସୁଗମ କରିଥାଏ। ସେଥିପାଇଁ ମୁଁ ଚାଲି ଚାଲି ହେଉ କିମ୍ବା କୌଣସି ଯାନବାହନରେ ଯିବା ପାଇଁ ବିନା ଦ୍ୱନ୍ଦରେ ଏହାର ସାହାଯ୍ୟ ନେଇଥାଏ।
ସ୍ମୃତି ଦାସ ଦେବ(ଭୁବନେଶ୍ୱର)- ଗୁଗଲ୍‌ ମ୍ୟାପ୍‌ କୌଣସି ଜାଗାର ରୁଟ୍‌ ଦେଖାଇବା ସହ ବହୁତ କିଛି କରିପାରିବ। ଆପ୍‌ ଆମ ମନ ପସନ୍ଦର ବିଷୟଗୁଡିକ ଉପରେ ସବିଶେଷ ବିବରଣୀ ପ୍ରଦାନ କରିପାରିବ। ଯେପରି କି ରେଷ୍ଟୁରାଣ୍ଟର ବର୍ଣ୍ଣନା, ରିଭିୟୁ, ଫଟୋ ଇତ୍ୟାଦି। ଗୁଗଲ୍‌ ମ୍ୟାପ୍‌ର ଏକ ବିଶେଷ ଉପଯୋଗୀ ସୂଚନା ହେଉଛି, ଯେତେବେଳେ ମୁଁ ଟ୍ରାଭେଲ କରେ ସେହି ସ୍ଥାନ ଅଧିକ ଭିଡ଼ ହୋଇଛି କି ନାହିଁ ଏଥିରୁ ଜାଣିବା ସହ ଆବଶ୍ୟକ ସ୍ଥଳେ ଗନ୍ତବ୍ୟ ସ୍ଥଳରେ ପହଞ୍ଚତ୍ବା ଲାଗି ଅନ୍ୟ ରୁଟ୍‌ ପରିବର୍ତ୍ତନ କରିପାରେ। ବସ୍‌, ଟ୍ରେନ କିମ୍ବା ସ୍କୁଟିରେ ଗଲେ କେଉଁଟା ମୋ ପାଇଁ ଭଲ ହେବ ତାହା ମଧ୍ୟ ଏହା ଦର୍ଶାଇଥାଏ।


Enter your email to get our daily news in your inbox.

All Right Reserved By Dharitri.Com

ପାଚିଲା କଦଳୀ ଖାଇଲେ ଦୂର ହେବ ଏସବୁ ସମସ୍ୟା

କଦଳୀ କଞ୍ଚା ହେଉ କି ପାଚିଲା, ଏଥିରେ ଅନେକ ସ୍ବାସ୍ଥ୍ୟୋପକାରୀ ଗୁଣ ଭରି ରହିଛି। ପାଚିଲା କଦଳୀ ଖାଇଲେ ତାହା ପାଚନ କ୍ରିୟାକୁ ଆହୁରି ସକ୍ରିୟ...

ଶୀତଦିନିଆ ଖାଦ୍ୟ

ଶୀତଦିନ ଖାଇବାର ମଜା ନେବା ଋତୁ। ବଜାର ସାରା ଆକର୍ଷଣୀୟ, ପୁଷ୍ଟିକର, ସୁସ୍ବାଦୁ ତଥା ଶସ୍ତା ଶାଗ ଓ ପନିପରିବା ଏବଂ ଭଳିକି ଭଳି ଫଳ...

କିଶୋରାବସ୍ଥାରେ ଏପରି ନିଅନ୍ତୁ ପିଲାମାନଙ୍କ ସ୍ବାସ୍ଥ୍ୟର ଯତ୍ନ: ଖାଦ୍ୟରେ ସାମିଲ କରନ୍ତୁ ଏସବୁ…

ଶରୀରର ସାମଗ୍ରିକ ବିକାଶ ପାଇଁ ଖାଦ୍ୟରେ ସମସ୍ତ ପୋଷକତତ୍ତ୍ୱ ରହିବା ଅତ୍ୟନ୍ତ ଆବଶ୍ୟକ। କାରଣ ପୋଷକତତ୍ତ୍ୱ ଦ୍ୱାରା ଶରୀରର ବିକାଶ ସାଙ୍ଗକୁ ଉଚ୍ଚତା ମଧ୍ୟ ବୃଦ୍ଧି...

ସୁଖ ସମୃଦ୍ଧି ପାଇଁ ଫିଟିକିରି

କୁହାଯାଏ, ନକାରାତ୍ମକ ଉର୍ଜାର ପ୍ରଭାବରେ ଘରେ କଳହ ଲାଗିବା ସହ ଆର୍ଥତ୍କ ଦୁରବସ୍ଥା ଦେଖାଦେଇଥାଏ। ଏଥିରୁ ମୁକ୍ତି ପାଇଁ ଫିଟିକିରିର କ’ଣ ସବୁ ଭୂମିକା ରହିଛି...

ଶୀତଦିନେ ମଧୁମେହ ରୋଗୀଙ୍କ ପାଇଁ ଉପକାରୀ ଏହି ୫ ଜିନିଷ

ସାରା ବିଶ୍ୱରେ ମଧୁମେହ ରୋଗୀଙ୍କ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି। ଏହାକୁ ନିୟନ୍ତ୍ରଣ କରିବା ପାଇଁ ରୋଗୀକୁ ଅନେକ କିଛି କରିବାକୁ ପଡ଼ିଥାଏ। କେତେବେଳେ...

ଖରାପ ସମୟ ଦେଇ ଗତି କରୁଛନ୍ତି କି? ଚାଣକ୍ୟଙ୍କ ଏହି ୩ କଥା ମାନିଲେ ଜିତିଯିବେ…

ଚନ୍ଦ୍ରଗୁପ୍ତ ମୋର୍ଯ୍ୟଙ୍କ ମହାମନ୍ତ୍ରୀ ଥିଲେ ଆଚାର୍ଯ୍ୟ ଚାଣକ୍ୟ। ସେ ନିଜର ଚିନ୍ତାଧାରା ଏବଂ କୁଶଳ ରଣନୀତି ଯୋଗୁ ଚନ୍ଦ୍ରଗୁପ୍ତଙ୍କୁ ସୁଶାସକ ଭାବେ ପ୍ରତିଷ୍ଠିତ କରାଇବାରେ ସହାୟତା...

ଆପଣଙ୍କର ଏଭଳି କୁଅଭ୍ୟାସ ଅଛି କି? ବିଗିଡ଼ିଯିବ ସବୁ କାମ..

ଜୀବନର ମୂଲ୍ୟକୁ ନେଇ ଆଚାର୍ଯ୍ୟ ଚାଣକ୍ୟ ଅନେକ ନୀତି ବିଷୟରେ ବର୍ଣ୍ଣନା କରିଛନ୍ତି। ସେ ନିଜର ନୀତିଶାସ୍ତ୍ର ଅର୍ଥାତ ଚାଣକ୍ୟନୀତିର ୧୩ତମ ଅଧ୍ୟାୟରେ ଲେଖିଥିବା ଏକ...

ସୁଗାର ଫ୍ରି ଖାଦ୍ୟ ଓ ଦାନ୍ତ

ଡାଇବେଟିସ ରୋଗୀ ବିଶେଷ ଭାବରେ ଖାଦ୍ୟପେୟ ପ୍ରତି ସଚେତନ ରହିଥାଆନ୍ତି।  ସେମାନଙ୍କୁ ମିଠାଜାତୀୟ ଏବଂ କେତେକ ଖାଦ୍ୟଠାରୁ ଦୂରତା ଅବଲମ୍ବନ କରିବାକୁ ପଡ଼ିଥାଏ। ହେଲେ ଆଜିକାଲି...

Advertisement
Archives

Model This Week