ଅଷ୍ଟ୍ରିଚ ତକିଆ,ଯେକୌଣସି ସ୍ଥାନରେ ଯେକୌଣସି ସମୟରେ ଦେବ ସୁଖନିଦ୍ରା…
9:43 amOctober 22, 2023October 22, 2023 / 06

ବସ୍‌ଷ୍ଟପ୍‌ ହେଉକି ଏୟାରପୋର୍ଟ ବା ଅଫିସ୍‌ । ଯଦି ଆପଣ ବୋର୍‌ ହେଉଛନ୍ତି ଓ ଜୋର୍‌ରେ ନିଦ ଲାଗୁଛି ତେବେ କ’ଣ କରିବେ। କେବଳ ହାଈ ମାରିବା ଛଡା ଅନ୍ୟ କିଛି ବାଟ ନ ଥାଏ। କାରଣ ଏଭଳି ସ୍ଥାନରେ କ’ଣ ଶୋଇ ହେବ? ତେବେ ଜାଣି ଆଶ୍ଚର୍ଯ୍ୟ ହେବେ ଏବେ ଏମିତି ଏକ ତକିଆ ଆସିଛି, ଯାହା ଆପଣଙ୍କୁ ଯେକୌଣସି ସ୍ଥାନରେ ଯେକୌଣସି ସମୟରେ କିଛି ସମୟର ସୁଖନିଦ୍ରା ଦେବାରେ ସାହାଯ୍ୟ କରିବ। ଏହି ତକିଆର ନାମ ହେଉଛି ‘ଅଷ୍ଟ୍ରିଚ୍‌ ପିଲ୍ଲୋ’। ଏହି ତକିଆ ଏକ ଛୋଟ କିନ୍ତୁ ଆରାମଦାୟକ ଓ ବ୍ୟକ୍ତିଗତ ପରିବେଶ ସୃଷ୍ଟି କରେ ଯଦ୍ୱାରା କି ଭଲରେ କିଛି ସମୟ ଶୋଇ ହେବ। ଏହାକୁ ଟି- ସର୍ଟ ପରି ଭଳି ମୁଣ୍ଡ ପଟେ ଗଳାଯାଏ। ସାମ୍‌ନା ଭାଗରେ ମୁହଁ ସାମାନ୍ୟ ଦେଖାଯିବା ଲାଗି କଣା ଥାଏ। ତକିଆର ଉପରଭାଗକୁ ଦୁଇ କାନର ଉପରକୁ ଦୁଇଟି କଣା ଥାଏ,ଯାହା ଭିତରେ ଦୁଇ ହାତ ପୁରାଇ ହେବ। ତକିଆଟିକୁ ମୁଣ୍ଡପଟେ ଗଳାଇ ଦୁଇ ହାତକୁ କାନ ଉପର କଣାରେ ପୁରାଇ ଯେକୌଣସି ଟେବୁଲ ଉପରେ ମୁଣ୍ଡ ରଖି ଆରାମରେ ଶୋଇ ହେବ। ଚେୟାର, ବେଞ୍ଚରେ ବସିଥିବାବେଳେ ବି ଏହାକୁ ପିନ୍ଧି ଆଖପାଖ ପରିବେଶଠାରୁ ନିଜକୁ କିଛି ସମୟ ପାଇଁ ଅଲଗା କରି ଶୋଇ ପାରିବେ।