ସରକାରଙ୍କ ଶ୍ରମିକ, କୃଷକ ଓ ଜନବିରୋଧୀ ନୀତିକୁ ବିରୋଧ
7:34 amNovember 27, 2020November 27, 2020 / 21

ଜୁନାଗଡ଼, ୨୭।୧୧ (ଡି.ଏନ.ଏ.)  – କେନ୍ଦ୍ର ସରକାରଙ୍କ ଶ୍ରମିକ, କୃଷକ ଓ ଜନବିରୋଧୀ ନୀତି ବିରୋଧରେ ଗୁରୁବାର ସାରା ଦେଶରେ ବନ୍ଦ ପାଳନ ହୋଇଥିଲା। ଏହି ପରିପ୍ରେକ୍ଷୀରେ ବିଭିନ୍ନ ସଙ୍ଗଠନ ପକ୍ଷରୁ ଜୁନାଗଡ଼ଠାରେ ବନ୍ଦ ପାଳନ କରାଯାଇଥିଲା। ସକାଳେ ବିଭିନ୍ନ ସଙ୍ଗଠନ ପକ୍ଷରୁ ହାତୀନଦୀ ପୋଲ ୨୬ ନଂ. ଜାତୀୟ ରାଜପଥ ଉପରେ ରାସ୍ତା ଅବରୋଧ କରାଯାଇଥିଲା। ଫଳରେ ଯାନବାହନ ଚଳାଚଳ ବନ୍ଦ ହେବାରୁ ଯାତ୍ରୀମାନେ ନାହିଁ ନ ଥିବା ଅସୁବିଧା ସମ୍ମୁଖୀନ ହୋଇଥିଲେ। ପରେ ସେଠାରୁ ଏକ ଶୋଭାଯାତ୍ରାରେ ବାହାରି ଦୋକାନ ବଜାର ବନ୍ଦ କରିଥିଲେ। ଜୁନାଗଡ଼ ସହରରେ ଦୋକାନୀମାନେ ସମୂହ ଦୋକାନ ବଜାର ବନ୍ଦ ରଖିଥିଲେ। ଏହି କାର୍ଯ୍ୟକ୍ରମରେ ବିଶନାଥ କର, ହରେକୃଷ୍ଣ ମାଝି, ଲକ୍ଷ୍ମଣ ରଣବିର, ଦାମୋଦର ବେହେରା, ଚନ୍ଦ୍ର ବାଗ, ଶିଶିର ପଟ୍ଟନାୟକ, ପ୍ରଭାତ ଦାଶ, କୈଳାଶ ଅଗ୍ରୱାଲ, ରମେଶ ନାୟକ ସମେତ କୃଷିଜୀବୀ କଲ୍ୟାଣ ସଂଘ, ଏଆଇଟିଉସି, କନକ ଦୁର୍ଗା ମୋଟର କର୍ମଚାରୀ ସଂଘ, ଅଟୋ ସଂଘ, ସୁଇପର ସଂଘ, ରିକ୍ସା ଚାଳକ ସଂଘ ଓ କଂଗ୍ରେସ ପକ୍ଷରୁ ଏହି ବନ୍ଦର ନେତୃତ୍ୱ ନେଇଥିଲେ।