ନୂଆଦିଲ୍ଲୀ/କିଭ୍,୧୫।୬ : ରୁଷିଆର ଆକ୍ରମଣରେ ଅସୁବିଧାରେ ପଡ଼ିଥିବା ୟୁକ୍ରେନ ଆଶା କରୁଛି ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହିଁ ଦୁଇ ଦେଶ ମଧ୍ୟରେ ଶାନ୍ତି ଆଣି ପାରିବେ। ଗତ ମାସର ଜି-୨୦ ବୈଠକରେ ଜେଲେନସ୍କି ମୋଦିଙ୍କୁ ସାକ୍ଷାତ ମଧ୍ୟ କରିଥିଲେ। ସେବେଠାରୁ ତାଙ୍କର ଆଶା ଆହୁରି ବୃଦ୍ଧି ପାଇଛି। ନିକଟରେ ତାଙ୍କ ସହକର୍ମୀ ଆଣ୍ଡ୍ରି ଏବଂ ୟର୍ମାକ ଭାରତର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ସହ କଥା ହୋଇଛନ୍ତି ଏବଂ ଶାନ୍ତି ଆଲୋଚନାରେ ମଧ୍ୟସ୍ଥତା ପାଇଁ ନିବେଦନ କରିଛନ୍ତି।
ୟର୍ମାକ ଜୁଲାଇରେ ପ୍ରସ୍ତାବିତ ବିଶ୍ୱ ଶାନ୍ତି ସମ୍ମିଳନୀ ଉପରେ ଆଲୋଚନା କରିଥିଲେ। ଏହା ମଧ୍ୟ କହିଥିଲେ ୟୁକ୍ରେନ ଚାହୁଁଛି ପ୍ରଧାନମନ୍ତ୍ରୀ ଏଥିରେ ଅଂଶଗ୍ରହଣ କରନ୍ତୁ। ୟୁକ୍ରେନ ଅନୁଯାୟୀ, ୟର୍ମାକ ଗ୍ଲୋବାଲ ସାଉଥ ଦେଶ ସମେତ ଦେଶର ବ୍ୟାପକ ସମ୍ଭାବ୍ୟ ଦେଶକୁ ଅନ୍ତର୍ଭୁକ୍ତ କରିବା ପାଇଁ ଏହି କାର୍ଯ୍ୟକ୍ରମର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ।
ରାଷ୍ଟ୍ରପତିଙ୍କ କାର୍ଯ୍ୟାଳୟ ଏକ ବିବୃତ୍ତିରେ କହିଛି କଥାବାର୍ତ୍ତାର ମୁଖ୍ୟ ପ୍ରସଙ୍ଗ ହେଉଛି ୟୁକ୍ରେନ ଶାନ୍ତି ସୂତ୍ରର କାର୍ଯ୍ୟକାରିତା। ଜେଲେନସ୍କି ତାଙ୍କ ଶାନ୍ତି ଯୋଜନା ପାଇଁ ମୋଦିଙ୍କ ସମର୍ଥନ ଲୋଡିଛନ୍ତି।
ଗତ ବର୍ଷ ଜି-୨୦ ସମ୍ମିଳନୀ ପୂର୍ବରୁ ପିଏମ ମୋଦି ଏବଂ ଜେଲେନସ୍କି ମଧ୍ୟ ଫୋନରେ ଆଲୋଚନା କରିଥିଲେ। ଭାରତ କହିଥିଲା ଏହି ବିବାଦ କେବଳ ସଂଳାପ ଏବଂ କୂଟନୀତି ମାଧ୍ୟମରେ ସମାଧାନ ହୋଇପାରିବ।
