ରାଉରକେଲା,୨୨।୯(ସଙ୍ଗୀତା ଜେନା): ପାଠପଢା ଭୟରେ ମୟୂରଭଞ୍ଜ ରାଇରଙ୍ଗପୁରରୁ ୨ନାବାଳକ ସୋମବାର ରାଉରକେଲା ଚାଲି ଆସିଥିଲେ । ରାଉରକେଲା ରେଳ ଷ୍ଟେଶନ୍ ଓ ପରେ ଗୋପବନ୍ଧୁ ପଲ୍ଲୀ ଅଞ୍ଚଳରେ ପହଞ୍ଚି ଏଣେ ତେଣେ ବୁଲୁଥିବା ବେଳେ ସ୍ଥାନୀୟ ଲୋକ ଏମାନଙ୍କୁ ସନ୍ଦେହ କରି ଥାନାରେ ସୂଚନା ଦେଇଥିଲେ । ସେମାନଙ୍କୁ ଉଦ୍ଧାର କରି ପୋଲିସ ସାକ୍ଷୀ ଓ ପରେ ଚାଇଲ୍ଡ ଲାଇନକୁ ହସ୍ତାନ୍ତର କରିଥିଲା।
ମଙ୍ଗଳବାର ସକାଳେ ଉଭୟଙ୍କ ଅଭିଭାବକ ଆସିବା ପରେ ସେମାନଙ୍କୁ ତଦନ୍ତ କରି ହସ୍ତାନ୍ତର କରାଯାଇଥିଲା। ଏନେଇ ପ୍ଲାଣ୍ଟ ସାଇଟ୍ ଥାନା ଅଧିକାରୀ ବିବତସ୍ୟ ପ୍ରଧାନ ସୂଚନା ଦେଇଛନ୍ତି । ଅପର ପକ୍ଷରେ,କେହି ଦୁର୍ବୃତ୍ତ ଏମାନଙ୍କୁ କାର ଆଣି ରାଉରକେଲାରେ ଛାଡି ଦେଇଥିବା ଆଲୋଚନା ହେଉଛି । ହେଲେ ସେମାନଙ୍କୁ ପୋଲିସ ପଚରାଉଚରା ବେଳେ ଉଭୟ ପାଠ ପଢ଼ା ଭୟରେ ଘରୁ ଚାଲି ଆସିଥିବା ସ୍ୱୀକାର କରିଥିଲେ।
