ବାରଙ୍ଗ,୭ା୧(ଡି.ଏନ୍.ଏ.): ରାଜ୍ୟରେ କରୋନା ସଂକ୍ରମିତ ଓ ନୂଆ ଭାରିଆଣ୍ଟ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ପର୍ଯ୍ୟଟକଙ୍କ ସୁରକ୍ଷାକୁ ଦୃଷ୍ଟିରେ ରଖି ଶୁକ୍ରବାରଠାରୁ ଅଫଲାଇନ ଟିକେଟକୁ ବନ୍ଦ କରିଛନ୍ତି ନନ୍ଦନକାନନ କର୍ତ୍ତୃପକ୍ଷ। ଏଣିକି ନନ୍ଦନକାନନ ଓ ବଟାନିକାଲ ଗାର୍ଡେନକୁ ବୁଲିବାକୁ ଆସୁଥିବା ପର୍ଯ୍ୟଟକମାନେ ଶୁକ୍ରବାରଠାରୁ ଅନ୍ଲାଇନରେ ଟିକେଟ କାଟିବାକୁ ପଡିବ ବୋଲି କର୍ତ୍ତୃପକ୍ଷ ସୂଚନା ଦେଇଛନ୍ତି। ଆଉ ପର୍ଯ୍ୟଟକଙ୍କୁ ଧାଡ଼ିରେ ଛିଡା ହେବାକୁ ପଡିବ ନାହିଁ। ଉଭୟ ପାର୍କ ବୁଲିବାକୁ ଇଚ୍ଛା କରୁଥିବା ପର୍ଯ୍ୟଟକମାନେ ସରକାରଙ୍କ ଦ୍ୱାରା ପ୍ରଦତ୍ତ କୋଭିଡ୍ ଗାଇଡ୍ଲାଇନକୁ ଅନୁପାଳନ କରି ବୁଲିପାରିବେ। ତେବେ ଉଭୟ ପାର୍କରେ ପ୍ରବେଶ ପାଇଁ ନନ୍ଦନକାନନର ୱେବ୍ସାଇଟ୍ www.nandankanan.org ନଚେତ ନନ୍ଦନକାନନର ଆପ୍ ଦ୍ୱାରା ପର୍ଯ୍ୟଟକମାନେ ପ୍ରବେଶ ପାଇଁ ଅନ୍ଲାଇନ ଟିକେଟ କାଟିପାରିବେ। ସାମାଜିକ ଦୂରତ୍ୱ ସହ କୋଭିଡ୍ ନିୟମକୁ କଡ଼ାକଡ଼ି ଭାବେ ଅନୁପାଳନ କରିବାକୁ ପଡ଼ିବ ବୋଲି ନନ୍ଦନକାନନ ଉପନିର୍ଦ୍ଦେଶକ ଡ.ସଞ୍ଜିତ କୁମାର କହିଛନ୍ତି।
