ସୋରଡା,୨୦।୧୦(ଡି.ଏନ.ଏ): ଗଞ୍ଜାମ ଜିଲା ଆସିକା ସୋରଡା ଜାତୀୟ ରାଜପଥ ନୂଆଗଡ ଗ୍ରାମ ନକଟରେ ଏକ କାର୍ ଧକ୍କାରେ ଗୁରୁବାର ଜଣେ ଗାଈ ଚରାଳିଙ୍କ ମୃତ୍ୟୁ ହୋଇଛି। ମୃତକ ହେଲେ ସହଦେବ(୬୫)। ସୂଚନାଯୋଗ୍ୟ, ଦାରିଙ୍ଗବାଡି ନିକଟ ସୀମାନବାଡି ଗ୍ରାମର ଏସ ସୁନୀଲ କୁମାର ଶୁବୁଦ୍ଧି କାର୍ରେ ବ୍ରହ୍ମପୁରରୁ ନିଜ ଗ୍ରାମକୁ ଫେରୁଥିଲେ। ସେତିକି ବେଳେ ସେ କୌଣସି କାରଣ ବଶତଃ ସହଦେବଙ୍କୁ ଧକ୍କା ଦେଇଥିଲେ। ଏହାପରେ ସୁନୀଲ ନିଜେ ରକ୍ତ ଜୁଡୁବୁଡୁ ଅବସ୍ଥାରେ ସହଦେବଙ୍କୁ କାର୍ରେ ବସାଇ ସୋରଡା ସରକାରୀ ଡାକ୍ତରଖାନାକୁ ଆଣିଥିଲେ। ସେଠାରେ ଡାକ୍ତର ସହଦେବଙ୍କୁ ମୃତ ଘୋଷଣା କରିଥିଲେ। ଖବରପାଇ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ କାର୍କୁ ଆଣି ଥାନାରେ ରଖି ସୁନୀଲଙ୍କୁ ପଚରାଉଚରା କରୁଛି ।
