ନୂଆଦିଲ୍ଲୀ,୨୬।୫: ଏକଦିବସୀୟ କ୍ରିକେଟରେ ୧୦ ହଜାରରୁ ଅଧିକ ରନ ସଂଗ୍ରହ କରିଥିବା ସୌରଭ ଗାଙ୍ଗୁଲି ଏବଂ ରାହୁଲ ଦ୍ରାଭିଡ ବିପକ୍ଷ ଦଳକୁ ଅନେକ ଥର ଟାର୍ଗେଟ କରିଛନ୍ତି। ୧୯୯୯ ବିଶ୍ୱକପରେ ଅର୍ଥାତ୍ ଦୀର୍ଘ ୨୨ ବର୍ଷ ପୂର୍ବେ, ଗାଙ୍ଗୁଲି ଏବଂ ଦ୍ରାଭିଡ ଟୋଟେନ ଗ୍ରାଉଣ୍ଡରେ ଶ୍ରୀଲଙ୍କା ବିପକ୍ଷରେ ଦ୍ୱିତୀୟ ଉଇକେଟ ପାଇଁ ରେକର୍ଡ ୩୧୮ ରନ କରିଥିଲେ। ଏକଦିବସୀୟ କ୍ରିକେଟ ଇତିହାସରେ ସେହି ସମୟରେ ଯେକୌଣସି ୱିକେଟ ପାଇଁ ଏହା ସବୁଠାରୁ ବଡ ଭାଗିଦାରୀ ଥିଲା। ଏହି ବିଶ୍ୱକପ୍ର ଗ୍ରୁପ ପର୍ଯ୍ୟାୟର ପ୍ରଥମ ଦୁଇଟି ମ୍ୟାଚ୍ରେ ଭାରତୀୟ ଦଳ ଦକ୍ଷିଣ ଆଫ୍ରିକା ଏବଂ ଜିମ୍ବାୱେକୁ ହରାଇଥିଲା। ତୃତୀୟ ମ୍ୟାଚ୍ରେ ଭାରତ ଗତ ବିଶ୍ୱକପ୍ର ବିଜେତା ଦଳ ଶ୍ରୀଲଙ୍କାକୁ ଭେଟିଥିଲା। ଶ୍ରୀଲଙ୍କା ଦଳ ଅର୍ଜୁନ ରଣତୁଙ୍ଗାଙ୍କ ଅଧିନାୟିକତ୍ୱରେ ଖେଳୁଥିଲା।
ଶ୍ରୀଲଙ୍କାର ଅଧିନାୟକ ଅର୍ଜୁନ ରଣତୁଙ୍ଗା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ଭାରତର ଭଲ ଆରମ୍ଭ ନ ଥିଲା। ପ୍ରଥମ ଓଭରରେ ସଦାଗୋପନ ରମେଶ ୫ ରନରେ ହୋଇଥିଲେ। ଏହା ପରେ ରାହୁଲ ଦ୍ରାବିଡ ଗାଙ୍ଗୁଲିଙ୍କୁ ସମର୍ଥନ ଦେବାକୁ ଆସିଥିଲେ। ଗାଙ୍ଗୁଲି ୧୫୮ ବଲରେ ୧୮୩ ରନ ସଂଗ୍ରହ କରି ୧୭ ଚୌକା ଓ ୭ ଛକା ମାରିଥିଲେ। ଯାହା ଏକ ଦିନିକିଆ କ୍ରିକେଟରେ ତାଙ୍କର ସର୍ବାଧିକ ସ୍କୋର ଥିଲା। ଏହି ସମୟ ମଧ୍ୟରେ, ଗାଙ୍ଗୁଲି ୧୯୮୩ ବିଶ୍ୱକପରେ ୧୭୫ ରନ ଇନିଂସ ସ୍କୋର କରିଥିବା କପିଲ ଦେବଙ୍କ ରେକର୍ଡ ଭାଙ୍ଗିଥିଲେ। ଅନ୍ୟପକ୍ଷରେ ରାହୁଲ ଦ୍ରାବିଡ ୧୨୯ ବଲରୁ ୧୪୫ ରନରେ ଆଉଟ ହୋଇଥିଲେ। ଦ୍ରାବିଡଙ୍କ ବ୍ୟାଟରୁ ୧୭ଚୌକା ଓ ଗୋଟିଏ ଛକା ଆସିଥିଲା। ଦ୍ରାବିଡ ଏବଂ ଗାଙ୍ଗୁଲିଙ୍କ ଇନିଂସ ଯୋଗୁ ୫୦ ଟି ଓଭରରେ ୬ଟି ଉଇକେଟ ହରାଇ ଭାରତୀୟ ଦଳ ୩୭୩ ରନ ସଂଗ୍ରହ କରିଥିଲା।
ଏକ ଦିନିକିଆ କ୍ରିକେଟର ଶ୍ରେଷ୍ଠ ୫ ଭାଗିଦାରୀ
କ୍ରିସ ଗେଲ-ମାର୍ଲନ ସାମୁଏଲ୍ସ (ୱେଷ୍ଟଇଣ୍ଡିଜ) – ୩୭୨ ରନ
ଜନ କ୍ୟାମ୍ପବେଲ-ଲାଜ ହୋପ (ୱେଷ୍ଟଇଣ୍ଡିଜ) -୩୬୫ ରନ
ସଚିନ ତେନ୍ଦୁଲକର-ରାହୁଲ ଦ୍ରାବିଡ (ଭାରତ) -୩୩୧ ରନ
ରାହୁଲ ଦ୍ରାବିଡ-ସୌରଭ ଗାଙ୍ଗୁଲି (ଭାରତ) -୩୧୮ ରନ
ଇଞ୍ଜାମାମ ଉଲ ହକ-ଫଖର ଜମାନ (ପାକିସ୍ଥାନ) -୩୦୪ ରନ
