ନିରାକାରପୁର,୪।୧୧(ଡି.ଏନ୍.ଏ ): ଖୋର୍ଦ୍ଧା ଜିଲା ଜଙ୍କିଆ ଥାନା ଅଧୀନ ଛଣଗିରି ପଞ୍ଚାୟତ ଅଞ୍ଚଳରେ ଗୁରୁବାର ରାତିରେ ଏକ ହନ୍ତା ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି। ସେ ହେଲେ ଛଣଗିରି ପଞ୍ଚାୟତ ରମାବିଲି, ନରସିଂହ ପାଟଣା ଗ୍ରାମର ଶରତ ଜେନା (୫୦)।
ଗ୍ରାମବାସୀଙ୍କ କହିବା ମୁତାବକ, ଶରତ ବଡବଡୁଆ ଡାକିବାକୁ ଗାଁ ଭିତରକୁ ଯାଉଥିଲେ। ହେଲେ ସେ ହାତୀ ହାବୁଡରେ ପଡିଯାଇଥିଲେ। ହାତୀ ତାଙ୍କୁ ଦଳି ଦେଇଥିଲା। ଫଳରେ ଘଟଣା ସ୍ଥଳରେ ତାଙ୍କର ମୃତ ଘଟିଥିଲା। ଖବର ପାଇ ଜଙ୍କିଆ ଥାନା ପୋଲିସ ଏବଂ ବନ ବିଭାଗ କର୍ମଚାରୀ ଗାଁରେ ପହଞ୍ଚି ଥିଲେ। ବନ ବିଭାଗ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଶରତ ପରିବାର ଏକୁଟିଆ ରୋଜଗାର ବ୍ୟକ୍ତି ଥିଲେ। ତାଙ୍କୁ ହରାଇ ପରିବାର ଲୋକେ ଭାଙ୍ଗି ପଡିଛନ୍ତି।
