କେନ୍ଦ୍ରାପଡ଼ା ଅଫିସ, ୧୫ା୮: ଓଡିଶା ମେଡିକାଲ ସର୍ଭିସେସ୍ ଆସୋସିଏଶନ (ଓମ୍ସା) ପକ୍ଷରୁ ଶୁକ୍ରବାର ଟାଉନ ଥାନା ପୋଲିସ ବିରୋଧରେ କାର୍ଯ୍ୟାନୁଷ୍ଠାନ ଦାବି କରାଯାଇଛି। ଓମ୍ସା କର୍ମକର୍ତ୍ତା ଗଣମାଧ୍ୟମକୁ ସୂଚନା ଦେଇ କହିଛନ୍ତି, ଗତ ୩୧ ତାରିଖ ରାତିରେ ଟାଉନ ଥାନା ପୋଲିସ ସ୍ଥାନୀୟ ଡାକ୍ତରଙ୍କ ବିରୋଧରେ ଅମାନବୀୟ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ସୀମିତ ଅବଧି ମଧ୍ୟରେ ଏ ନେଇ କାର୍ଯ୍ୟାନୁଷ୍ଠାନ ନ ହେଲେ ପରବର୍ତ୍ତୀ କାର୍ଯ୍ୟକ୍ରମ ସ୍ଥିର ହେବ ବୋଲି ନିଷ୍ପତ୍ତି ହୋଇଛି। ଓମ୍ସା ଜିଲା ଶାଖା ସଭାପତି ଡା. ଅଶୋକ କୁମାର କର ଓ ସମ୍ପାଦକ ସଞ୍ଜିତ କୁମାର ସେଠୀ କହିଛନ୍ତି ଯେ, ଆସୋସିଏଶନର ଡା. ଦେବାଶିଷ ସାହୁ ଓ ଡା. ଶିବାଶିଷ ସାହୁଙ୍କୁ ଗତ ୩୧ ତାରିଖ ରାତିରେ ଗିରଫ ସହ ମାଡ଼ ମରାଯାଇଛି। ପୁଣି ଏହାର ଫଟୋ ଭାଇରାଲ କରି ସାମାଜିକ ପ୍ରତିଷ୍ଠା ଉପରେ ଆଞ୍ଚ ଆଣିଛନ୍ତି ା ଥାନାର ଏ ପ୍ରକାର ମାନସିକତା ଗ୍ରହଣଯୋଗ୍ୟ ନୁହେଁ।
