ବୈଶିଙ୍ଗା,୨୫ା୩(ଡି.ଏନ.ଏ.): ମୟୂରଭଞ୍ଜ ଜିଲାର ବୈଶିଙ୍ଗା ଅଞ୍ଚଳରେ ଗତ ତିନିଦିନ ତଳେ ତାଣ୍ଡବ ରଚିଥିଲା। ଏଥିରେ ବୈଶିଙ୍ଗା ଥାନା ଅନ୍ତର୍ଗତ ପାଟଳିପୁରା ପଞ୍ଚାୟତର ବୁଢ଼ାବଳଙ୍ଗ ନଦୀ ଅବବାହିକା ଓ ଏହାର ଆଖପାଖ ଅଞ୍ଚଳରେ ହୋଇଥିବା ପନିପରିବା ଚାଷ କ୍ଷତିଗ୍ରସ୍ତ ହୋଇଥିଲା। ଏଥି ସହିତ ଦୁଇ ଦିନ ଧରି ବିଦ୍ୟୁତ ସରବରାହ ଠପ୍ ହୋଇଯାଇଥିଲା। ଗୁରୁବାର ସରକାରୀ ଅଧିକାରୀମାନେ ଅଞ୍ଚଳ ବୁଲି କ୍ଷୟକ୍ଷତି ଅନୁଧ୍ୟାନ କରିଥିଲେ। ପାଟଳିପୁରା ରାଜସ୍ବ ନିରୀକ୍ଷକ ଶଶଧର ବିନ୍ଧାଣୀ, କୃଷି ବିଭାଗର କର୍ମଚାରୀ ଦେବାଶିଷ ନାୟକ, ଉଦ୍ୟାନ କୃଷି ବିଭାଗର ଗିରିଜା ଶଙ୍କର ପଣ୍ଡା ଓ ପାଟଳିପୁରା ସରପଞ୍ଚ ମମତା ନାୟକ ପ୍ରମୁଖ ନାଖରା, ଡେଁଫୌଦା, ଦେଓପଡ଼ା, ସୋରିଷକୋଠା, ବଡଖିରପଦା, ଶଙ୍କରପୁର ଅଞ୍ଚଳରେ କ୍ଷତି ହୋଇଥିବା ବାଇଗଣ, ବିଲାତି, କଲରା, ଭେଣ୍ଡି, ଜହ୍ନି, ବୋଇତାଳୁ କ୍ଷେତ ବୁଲି ଦେଖିଥିଲେ। ଲକ୍ଷାଧିକ ଟଙ୍କାର କ୍ଷୟକ୍ଷତି ହୋଇଥିବା ଆକଳନରୁ ଜଣାପଡ଼ିଛି। କ୍ଷତି ହୋଇଥିବା ଚାଷୀ ବ୍ରଜକିଶୋର ପ୍ରଧାନ, ମନୋରଞ୍ଜନ ବେହେରା, ଶିବନାରାୟଣ ପ୍ରଧାନ, ରତ୍ନାକର ପ୍ରଧାନ, ନିରଞ୍ଜନ ସାହୁ, ଗଙ୍ଗାଧର ସିଂ, ଲକ୍ଷ୍ମୀମଣୀ ସାହୁ, ବିନ ସିଂ, ସଞ୍ଜୟ ଘଡ଼େଇ, ପ୍ରଦୀପ ଦାସ, ଗୋପୀନାଥ ଜେନା, କୃଷ୍ଣଚନ୍ଦ୍ର ପାଳ, ଗୋବର୍ଦ୍ଧନ ସାହୁ, ଚକ୍ରଧର ଜେନା, ଅଜିତ ଜେନା, ସର୍ବେଶ୍ୱର ଜେନା, ଗୋପୀନାଥ ସାହୁ ପ୍ରମୁଖ କ୍ଷତିପୂରଣ ପାଇବା ପାଇଁ ଗୁହାରୀ କରିଛନ୍ତି।
