କୋରାପୁଟ,୨୬।୧୨(କୃତ୍ତିବାସ ପ୍ରଧାନ/ବାସୁଦେବ ବରାଡ଼): ଆୟ ବହିର୍ଭୂତ ସମ୍ପତ୍ତି (DA) ଠୁଳ ଅଭିଯୋଗରେ ଓଡ଼ିଶା ଭିଜିଲାନ୍ସ ବିଭାଗ ପକ୍ଷରୁ ଶୁକ୍ରବାର କୋରାପୁଟ ଫରେଷ୍ଟ ଡିଭିଜନ୍ର ଫରେଷ୍ଟର ନିରଞ୍ଜନ ଶତପଥୀଙ୍କର ୫ଟି ସ୍ଥାନରେ ଏକକାଳୀନ ଚଢ଼ାଉ କରାଯାଉଛି।
ଭୁବନେଶ୍ୱରସ୍ଥିତ ସ୍ପେଶାଲ ଜଜ୍, ଭିଜିଲାନ୍ସଙ୍କ ଦ୍ୱାରା ଜାରି ସର୍ଚ୍ଚ ୱାରେଣ୍ଟ ବଳରେ ୬ ଜଣ ଡିଏସ୍ପି, ୭ ଜଣ ଇନ୍ସପେକ୍ଟର ଏବଂ ଅନ୍ୟ କର୍ମଚାରୀଙ୍କ ନେତୃତ୍ୱରେ ଏହି ଖାନତଲାସି କରାଯାଉଛି।
ଚଢ଼ାଉ ହୋଇଥିବା ସ୍ଥାନଗୁଡ଼ିକ ହେଉଛି, ଝାରପଡ଼ା, ଭୁବନେଶ୍ୱର: ପ୍ଲଟ୍ ନଂ ୪୦୮/୨୩୯୦/୬୩୮୮ରେ ଥିବା ଏକ ତିନି ମହଲା କୋଠା। ଝାରପଡ଼ା, ଭୁବନେଶ୍ୱରରେ ପ୍ଲଟ୍ ନଂ ୪୦୮/୨୩୯୦/୬୨୭୪ରେ ଥିବା ଆଉ ଏକ ତିନି ମହଲା କୋଠା। ବିଳା ଗ୍ରାମ, ମୁକୁନ୍ଦପୁର, ଜଗତସିଂହପୁରରେ ତାଙ୍କ ପୈତୃକ ଘର। ସେମିଳିଗୁଡ଼ା, କୋରାପୁଟ: ଫରେଷ୍ଟ ଡିଭିଜନ ଅଧୀନରେ ତାଙ୍କ ସରକାରୀ କ୍ୱାର୍ଟର୍। ସେମିଳିଗୁଡ଼ା, କୋରାପୁଟରେ ତାଙ୍କ ଅଫିସ୍ ରୁମ୍।
ବର୍ତ୍ତମାନ ସୁଦ୍ଧା ଚଢ଼ାଉ ଜାରି ରହିଛି। ଅଧିକ ସୂଚନା ପରେ ମିଳିବ।
