Posted inଖେଳ

ଏଆଇଏଫ୍‌ଏଫ୍‌ ଲାଇସେନ୍ସ ପାଇବାରେ ଓଡ଼ିଶା ଏଫ୍‌ସି ବିଫଳ

ନୂଆଦିଲ୍ଲୀ: ଠିକ୍‌ ସମୟରେ ଆବଶ୍ୟକ କାଗଜପତ୍ର ଦାଖଲ କରିପାରି ନ ଥିବାରୁ ଓଡ଼ିଶା ଏଫ୍‌ସି ସମେତ ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ର ୫ଟି କ୍ଲବ ସର୍ବଭାରତୀୟ ଫୁଟ୍‌ବଲ ମହାସଂଘ (ଏଆଇଏଫ୍‌ଏଫ୍‌)ଠାରୁ ଲାଇସେନ୍ସ ପାଇବାରେ ବିଫଳ ହୋଇଛନ୍ତି। ଫଳରେ ଶୁକ୍ରବାରଠାରୁ ଆରମ୍ଭ ହେବାକୁଥିବା ବ୍ୟୟବହୁଳ ଇଭେଣ୍ଟରେ ସେମାନଙ୍କ ଅଂଶଗ୍ରହଣ ନେଇ ବାଧା ଉପୁଜିଛି। ଏହି କ୍ଲବଗୁଡ଼ିକ ହୁଏତ ନିଷ୍ପତ୍ତି ବିରୋଧରେ ଅପିଲ କରିପାରନ୍ତି ନତୁବା ବର୍ତ୍ତମାନ ପାଇଁ ସେମାନଙ୍କୁ ଛାଡ଼ କରିବା ଲାଗି ନିବେଦନ କରିପାରନ୍ତି। ଓଡ଼ିଶା ଏଫ୍‌ସି ବ୍ୟତୀତ ଲାଇସେନ୍ସ ହାସଲ କରି ନଥିବା ଅନ୍ୟ କ୍ଲବଗୁଡ଼ିକ ହେଲେ ନର୍ଥଇଷ୍ଟ ୟୁନାଇଟେଡ୍‌ ଏଫ୍‌ସି, କେରଳ ବ୍ଲାଷ୍ଟର୍ସ, ହାଇଦ୍ରାବାଦ ଏଫ୍‌ସି ଏବଂ ନବାଗତ ସ୍ପୋର୍ଟିଂ କ୍ଲବ ଇଷ୍ଟ ବେଙ୍ଗଲ। ଏଆଇଏଫ୍‌ଏଫ୍‌ ଲାଇସେନ୍ସ ବିନା ଏହି କ୍ଲବଗୁଡ଼ିକ ସିଜନର ଏଏଫ୍‌ସି କିମ୍ବା ଜାତୀୟ ପ୍ରତିଯୋଗିତାଗୁଡ଼ିକରେ ଭାଗ ନେଇ ପାରିବେ ନାହିଁ। ଏଫ୍‌ସି ଗୋଆ, ଏଟିକେ, ମୋହନ ବାଗାନ, ବେଙ୍ଗାଲୁରୁ ଏଫ୍‌ସି, ଜାମସେଦପୁର ଏଫ୍‌ସି, ଚେନ୍ନାଇନ ଏଫ୍‌ସି ଏବଂ ମୁମ୍ବାଇ ସିଟି ଏଫ୍‌ସି ସଫଳତାର ସହ ୨୦୨୦-୨୧ ସିଜନ ପାଇଁ ଏଏଫ୍‌ସି ଓ ନ୍ୟାଶନାଲ ଲାଇସେନ୍ସ ହାସଲ କରିପାରିଛନ୍ତି।
ଲାଇସେନ୍ସ ହାସଲ କରିପାରି ନ ଥିବା ୫ଟି କ୍ଲବ ବର୍ତ୍ତମାନ ନିର୍ଦ୍ଦିଷ୍ଟ ସମୟ ସୀମା ଭିତରେ କ୍ଲବ ଲାଇସେନ୍‌ସିଂ କମିଟି ନିଷ୍ପତ୍ତି ବିରୋଧରେ ଏଆଇଏଫ୍‌ଏଫ୍‌ର କ୍ଲବ ଲାଇସେନ୍ସିଂ ଅପିଲ ବଡି ନିକଟରେ ଆବେଦନ କରିପାରନ୍ତି ଅବା ସେମାନଙ୍କୁ ଛାଡ଼ କରିବା ଲାଗି କ୍ଲବ ଲାଇସେନ୍‌ସିଂ କମିଟି ନିକଟରେ ଆବେଦନ କରିପାରନ୍ତି। ଏହା କରି ନ ପାରିଲେ ସେମାନେ ଆଇଏସଏଲରେ ଭାଗ ନେଇ ପାରିବେ ନାହିଁ ବୋଲି ଏଆଇଏଫ୍‌ଏଫ୍‌ ଲିଗ୍‌ ସିଇଓ ସୁନନ୍ଦ ଧର୍‌ ପ୍ରକାଶ କରିଛନ୍ତି। ପ୍ରତିବର୍ଷ କେତୋଟି କ୍ଲବ ଏହି ଲାଇସେନ୍ସ ହାସଲ କରିବାରେ ବିଫଳ ହୋଇଥାନ୍ତି। କିନ୍ତୁ ପ୍ରତିଯୋଗିତାରେ ଭାଗ ନେବା ଲାଗି ଅନୁମତି ପାଇଁ ସେମାନଙ୍କୁ କର୍ତ୍ତୃପକ୍ଷଙ୍କ ନିକଟରେ ନିବେଦନ କରିବାକୁ ହୋଇଥାଏ। ୨୦୨୦-୨୧ ସିଜନ ପାଇଁ ୧୯ଟି କ୍ଲବ ନ୍ୟାଶନାଲ ଓ ଏଫ୍‌ସି କ୍ଲବ ଲାଇସେନ୍ସ ପାଇଁ ଆବେଦନ କରିଥିଲେ। ତନ୍ମଧ୍ୟରେ ୮ଟି ଆଇ-ଲିଗ୍‌ କ୍ଲବ ସାମିଲ। ଏହି ୮ଟି ଆଇ-ଲିଗ୍‌ କ୍ଲବର ଲାଇସେନ୍ସ ସମ୍ପର୍କରେ ଖୁବ୍‌ ଶୀଘ୍ର ନିଷ୍ପତ୍ତି ନିଆଯିବ ବୋଲି ଏଆଇଏଫ୍‌ଏଏଫ୍‌ କହିଛି। କ୍ଲବଗୁଡ଼ିକ ଲାଇସେନ୍ସ ପାଇବାକୁ ହେଲେ ୫ଟି ମୁଖ୍ୟ ମାନଦଣ୍ଡ ପ୍ରତିଧ୍ୟାନ ଦେବାକୁ ହୋଇଥାଏ। ସେଗୁଡ଼ିକ ହେଲା ଯଥା ଖେଳ, ଭିତ୍ତିଭୂମି, ନିଯୁକ୍ତି ଓ ପ୍ରଶାସନିକ, ଆଇନ ଏବଂ ଅର୍ଥନୈତିକ। କୋଭିଡ୍‌ ପରିସ୍ଥିତି ଯୋଗୁ ଏଏଫ୍‌ସି ଏଥର କୋହଳ ଅବଲମ୍ବନ କରିଛି। କାଗଜପତ୍ର ଦାଖଲ ପାଇଁ ଏକାଧିକ ଥର ସମୟସୀମା ବୃଦ୍ଧି କରିଛି। ୟୁଥ୍‌ ଡେଭଲପମେଣ୍ଟ ପ୍ରୋଗ୍ରାମ୍‌, ମେଡିକାଲ ସପୋର୍ଟ ସର୍ଭିସେସ୍‌, ଗ୍ରାସ୍‌ରୁଟ୍‌ ପ୍ରୋଗ୍ରାମ୍‌, କ୍ଲବ ୟୁଥ୍‌ ଏକାଡେମୀ ଏବଂ ଅନ୍ୟମାନଙ୍କ ସହ ଯୁବ କୋଚ୍‌ ପ୍ରଭୃତି ଏଥର କେତୋଟି ମାନଦଣ୍ଡବାଦକୁ ଏଏଫ୍‌ସି ବାଦ୍‌ ଦେଇଛି। କୋଭିଡ୍‌ ଯୋଗୁ ଚଳିତବର୍ଷ ଆଇଏସ୍‌ଏଲ୍‌ର ସମସ୍ତ ମ୍ୟାଚ ଗୋଆରେ ରୁଦ୍ଧଦ୍ୱାରରେ ତିନୋଟି ଭେନ୍ୟୁରେ ଖେଳାଯିବ। ବାମ୍ବୋଲିନ୍‌ ସ୍ଥିତ ଜିଏମ୍‌ସି ଷ୍ଟାଡିୟମରେ ଶୁକ୍ରବାର ସିଜନର ଉଦ୍‌ଘାଟନୀ ମ୍ୟାଚ ଏଟିକେ ମୋହନ ବାଗାନ ଓ କେରଳ ବ୍ଲାଷ୍ଟର୍ସ ମଧ୍ୟରେ ହେବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପ୍ରଥମେ ବୋଲିଂ କରିବ ଭାରତ

ଅକ୍‌ଲାଣ୍ଡ,୨୬।୧- ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟି୨୦ ମ୍ୟାଚ୍‌ରେ ଭାରତ ପ୍ରଥମେ ବୋଲିଂ କରିବ। ନ୍ୟୁଜିଲାଣ୍ଡ ଅଧିନାୟକ କେନ ଓ୍ବିଲିୟମସନ ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ...

ଚଳିତ ଦଶନ୍ଧିର ପ୍ରଥମ ଶତକ ହାସଲକାରୀ ଲାବୁସାନ

ସିଡ୍‌ନୀ,୩।୧- ଅଷ୍ଟ୍ରେଲିଆ ବ୍ୟାଟ୍ସମ୍ୟାନ ମାର୍ନସ ଲାବୁସାନ ଚଳିତବର୍ଷ ତଥା ଦଶନ୍ଧିର ପ୍ରଥମ ଶତକ ହାସଲ କରିଛନ୍ତି। ଏଠାରେ ଚାଲିଥିବା ନ୍ୟୁଜିଲାଣ୍ଡ ବିପକ୍ଷ ୩ୟ ତଥା ଅନ୍ତିମ...

ଛେତ୍ରୀଙ୍କ ସ୍ଥାନ ପୁରଣ କରିବେ ସାହାଲ

କୋଲକାତା, ୩୧ା୫ (ପି.ଟି.)-ଅଧିନାୟକ ସୁନୀଲ ଛେତ୍ରୀଙ୍କ ଅବସର ପରେ କେରଳ ବ୍ଳାଷ୍ଟର୍ସର ଯୁବ ଖେଳାଳି ସାହାଲ ଅବ୍‌ଦୁଲ ସମାଦ ତାଙ୍କ ସ୍ଥାନ ପୁରଣ କରିବେ ବୋଲି...

ଇଂଲଣ୍ଡ ମୁଖ୍ୟକୋଚ୍‌ ସିଲଭରଉଡ୍‌

ଲଣ୍ଡନ,୭।୧୦(ଏଏଫ୍‌ପି): ଇଂଲଣ୍ଡ ଦଳର ମୁଖ୍ୟ କୋଚ୍‌ ଭାବେ ଖ୍ରିସ ସିଲଭରଉଡ୍‌ ନିଯୁକ୍ତ ହୋଇଛନ୍ତି। ସେ ଏବେ ଟ୍ରେଭର ବାଇଲିସଙ୍କ ସ୍ଥାନ ନେବେ। ଗତ ମାସରେ ଚୁକ୍ତି...

ସାନିଆଙ୍କୁ ଫେଡ୍‌ କପ୍‌ ହାର୍ଟ ଆଓ୍ବାର୍ଡ

ନୂଆଦିଲ୍ଲୀ, ୧୨ା୫ (ପି.ଟି.)-ଷ୍ଟାର ଟେନିସ ଖେଳାଳି ସାନିଆ ମିର୍ଜା ପ୍ରଥମ ଭାରତୀୟ ଭାବେ ଫେଡ୍‌ କପ୍‌ ହାର୍ଟ ଆଓ୍ବାର୍ଡ ଜିତିଛନ୍ତି। ମାତୃତ୍ୱ ଲାଭ ପରେ ଟେନିସ...

ସିରାଜ୍‌ଙ୍କ ଜାଲରେ ଫସିଲେ ଓ୍ବେଡ୍‌, ଲଜ୍ଜାଜନକ ରେକର୍ଡର ହେଲେ ଅଧିକାରୀ

ବ୍ରିସବେନ୍‌,୧୭।୧: ବ୍ରିସବେନରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚତୁର୍ଥ ତଥା ଶେଷ ଟେଷ୍ଟ ମ୍ୟାଚର ଚତୁର୍ଥ ଦିନରେ ମହମ୍ମଦ ସିରାଜ ଚମତ୍କାର ବୋଲିଂ କରିଥିଲେ। ସିରାଜ...

କଲଡ୍ରୋନରେ ଅଗ୍ନି ସଂଯୋଗ କଲେ ଦିଲ୍ଲୀପ

କଟକ ଅଫିସ,୨୩ା୨- ଭାରତୀୟ ତୀରନ୍ଦାଜ ମୁସ୍କାନ କିରାର୍‌ଙ୍କ ଦ୍ୱାରା ଉଦ୍‌ଘାଟନୀ ଉତ୍ସବର ମଶାଲ ରିଲେ ଆରମ୍ଭ ହୋଇଥିଲା। ପରେ ଏହାକୁ ଧରିଥିଲେ ସନ୍ତରଣକାରୀ ଏସ.ପି ଲିକିଥ।...

୫ କ୍ରିକେଟର ଥିଲେ ଗରିବ ଏବେ ପାଲଟିଛନ୍ତି କୋଟିପତିି

ନୂଆଦିଲ୍ଲୀ, ୭।୩: ଦିନେ ଗରିବ ଥିବା ୫ ଭାରତୀୟ କ୍ରିକେଟରଙ୍କ ପାଖରେ ଏବେ ଅଚଳାଚଳ ସମ୍ପତ୍ତି। ସେମାନେ ପାଲଟି ଯାଇଛନ୍ତି କୋଟିପତି। ସେମାନେ ହେଉଛି ବିରେନ୍ଦ୍ର...

Play 250+ Trending Games
Archives

Model This Week

Why Dharitri