ଦୁର୍ନୀତିର ଗନ୍ତାଘର ପାଲଟିଛି ଓସିସିଏଲ୍‌

ଯାଜପୁର ଅଫିସ,୧୯ା୧ : ଯାଜପୁର ଜିଲା ଦେଇ ପ୍ରବାହିତ ଖରସ୍ରୋତା ଓ ବୈତରଣୀରେ ଏକାଧିକ ବ୍ୟାରେଜ୍‌ ନିର୍ମାଣ କରୁଥିବା ଓଡ଼ିଶା ନିର୍ମାଣ ନିଗମ ଲିମିଟେଡ (ଓସିସିଏଲ୍‌) ଦୁର୍ନୀତି ଗନ୍ତାଘର ପାଲଟିଛି। ଏଠାରେ ବ୍ୟାପକ ଭାବେ ଆର୍ଥିକ ଅନିୟମିତତା ସମେତ ଦୁର୍ନୀତି ଏବଂ ନିଯୁକ୍ତି କ୍ଷେତ୍ରରେ ବିନା ଇଣ୍ଟରଭ୍ୟୁରେ ବିଭାଗୀୟ ଅଧିକାରୀଙ୍କ ସମ୍ପର୍କୀୟଙ୍କୁ ପ୍ରାଧାନ୍ୟ ଦିଆଯାଉଛି। ଓସିସିଏଲର କର୍ମଚାରୀ ସଂଘ ପକ୍ଷରୁ ଏଭଳି ଗୁରୁତର ଅଭିଯୋଗ ହୋଇଛି। ଏହି ମର୍ମରେ ସଂଘର ସାଧାରଣ ସମ୍ପାଦକ ତୁଷାରକାନ୍ତ ଦାଶ ଲିଖିତ ଭାବେ ଓଡ଼ିଶା ସରକାରଙ୍କ ୫-ଟି ସଚିବଙ୍କ ଦୃଷ୍ଟି ଆକର୍ଷଣ କରିବା ପରେ ତଦନ୍ତ ପ୍ରକ୍ରିୟା ଆରମ୍ଭ ହୋଇଛି।

କର୍ମଚାରୀ ସଂଘ ପକ୍ଷରୁ ହୋଇଥିବା ଅଭିଯୋଗ ଅନୁଯାୟୀ, ଓସିସିଏଲ୍‌ ହେଉଛି ଏକ ଲାଭକାରୀ ସଂସ୍ଥା ଏବଂ ନିୟମିତ ଭାବେ ସରକାରଙ୍କୁ ଲାଭାଂଶ ପ୍ରଦାନ କରି ଆସୁଛି। କିନ୍ତୁ କେତେଜଣ ବିଭାଗୀୟ ଅଧିକାରୀ ନିଜ ସ୍ବାର୍ଥ ସାଧନ ପାଇଁ ଏହି ସଂସ୍ଥାକୁ ବୁଡ଼ାଇବାକୁ ଉଦ୍ୟମ କରୁଛନ୍ତି। ବ୍ୟକ୍ତିଗତ ସ୍ବାର୍ଥ ପାଇଁ ବ୍ୟାଙ୍କଗୁଡିକରେ ଉପଲବ୍ଧ ପାଣ୍ଠିର ଭୁଲ ବ୍ୟବହାର ହେଉଛି। ସାଧାରଣତଃ ଓସିସିଏଲ୍‌ର ସମସ୍ତ ଉପଲବ୍ଧ ପାଣ୍ଠି ବ୍ୟାଙ୍କଗୁଡିକରେ ସର୍ଟ ଟର୍ମ ଡିପୋଜିଟ ରିସିପ୍ଟ(ଏସ୍‌ଟିଡିଆର୍‌) ଫର୍ମରେ ରଖାଯାଇ ପରିଚାଳିତ ହେବାର ନିୟମ ରହିଛି। ଏହାଦ୍ୱାରା ସୁଧ ମାଧ୍ୟମରେ ସଂସ୍ଥା ବିପୁଳ ପରିମାଣର ଲାଭ କରିପାରିବ। କିନ୍ତୁ ଜଣେ ଅଧିକାରୀ ଏଠାରେ ଯୋଗଦେବା ପରେ ସେ ସଂସ୍ଥାର ଲାଭକୁ ଅଣଦେଖା କରି କେବଳ ନିଜର ସ୍ବାର୍ଥ ବିଷୟରେ ଚିନ୍ତା କରୁଛନ୍ତି। ସେ ଏସ୍‌ଟିଡିଆର୍‌ ଫର୍ମରେ ଅର୍ଥ ଜମା ରଖିବା ପରିବର୍ତ୍ତେ ୨/୩ ଟି ନିର୍ଦ୍ଦିଷ୍ଟ ବ୍ୟାଙ୍କର ସେଭିଂ ଆକାଉଣ୍ଟରେ ବିପୁଳ ପାଣ୍ଠି ରଖିବା ଆରମ୍ଭ କରିଛନ୍ତି। ଅଡିଟରମାନେ ଏହି ଅନିୟମିତତାକୁ ଚିହ୍ନଟ କରିଥିଲେ। କିନ୍ତୁ ଅଡିଟରମାନଙ୍କୁ ନିଜ ପକେଟରେ ରଖି ସମସ୍ତ ଅନିୟମିତତାକୁ ଚାପି ଦେଇଛନ୍ତି। ୨୦୨୧-୨୦୨୨ ଆକାଉଣ୍ଟ ଅଡିଟ୍‌ ସମୟରେ ଅଡିଟରମାନଙ୍କ ରହିବାକୁ ଓସିସି କଲୋନୀରେ ଏକ କ୍ବାର୍ଟର୍ସ ପ୍ରଦାନ କରିଥିଲେ। ଅଡିଟ୍‌ ଶେଷ ହେବା ପରେ ମଧ୍ୟ ସେମାନେ ସେଠାରେ ୬ ମାସ ରହିଥିଲେ। ସେମାନଙ୍କ ମଧ୍ୟାହ୍ନ ଓ ରାତ୍ରି ଭୋଜନ, ମଦ ଏବଂ ଅନ୍ୟାନ୍ୟ ମନୋରଞ୍ଜନ ପାଇଁ ଜଣେ କର୍ମଚାରୀଙ୍କୁ ସ୍ବତନ୍ତ୍ର ଭାବେ ନିୟୋଜିତ କରିିଥିଲେ। ଏହି ଅବସରରେ ଜଣେ ମଦ ବିକ୍ରେତାଙ୍କୁ ୫୦ ହଜାର ଟଙ୍କା ପ୍ରଦାନ କରାଯାଇଥିଲା। ତେଣୁ ଅଡିଟରମାନେ ମଧ୍ୟ ଚୁପ୍‌ ରହିଥିଲେ। ଏହି ଅନିୟମିତତାକୁ ଅଡିଟ୍‌ କମିଟିର ଅଧ୍ୟକ୍ଷ ମଧ୍ୟ ଆବଶ୍ୟକ ସ୍ଥଳେ ସହଯୋଗ କରିଛନ୍ତି। ଏଭଳି ଦୁର୍ନୀତିକୁ ରୋକିବା ପାଇଁ ଫାଇନାନ୍ସିଆଲ ଆଡଭାଇଜର(ଏଫ୍‌ଏ)ଙ୍କ କୌଣସି ଶକ୍ତି ନାହିଁ ଭଳି ମନେ ହେଉଛି। ସଂପୃକ୍ତ ଦୁର୍ନୀତିଖୋର ଅଧିକାରୀ ମଧ୍ୟ ତାଙ୍କ ଅଫିସରଙ୍କୁ ମାନି ନ ଥାନ୍ତି। ଏହିକ୍ରମରେ ଅଧିକାରୀ ଜଣକ ଉପରୋକ୍ତ ଦୁର୍ନୀତିକୁ ପ୍ରୋତ୍ସାହିତ କରୁଛନ୍ତି। ଏପରିକି କାର୍ଯ୍ୟାଳୟର ଅନ୍ୟ ଅଧିକାରୀ ଏବଂ କର୍ମଚାରୀମାନଙ୍କୁ ସେ ଦୁର୍ବ୍ୟବହାର ପ୍ରଦର୍ଶନ କରିଥାନ୍ତି। ସେ ତାଙ୍କର ଜଣେ ସମ୍ପର୍କୀୟଙ୍କୁ ନିଜର ସହକାରୀ ଭାବେ ନିୟୋଜିତ କରିଛନ୍ତି । ଏହା ଜାଣିବାକୁ ମିଳିଛି ଯେ ରିଅଲ ଇଷ୍ଟେଟ ବ୍ୟବସାୟ ପରି ତାଙ୍କର କିଛି ଅତିରିକ୍ତ ବ୍ୟବସାୟ ଅଛି । ସେ ତାଙ୍କର ବ୍ୟକ୍ତିଗତ କାମ ପାଇଁ କେତେଜଣ କର୍ମଚାରୀଙ୍କ ସେବାକୁ ବିଭ୍ରାନ୍ତ କରନ୍ତି । ଯାହା ସମସ୍ତ କାମକୁ ପ୍ରଭାବିତ କରିଥାଏ। ଏହି ଆର୍ଥିକ ଅନିୟମିତତା ରୋକିବାକୁ ଜଣେ ସରକାରୀ ଏଫ୍‌ଏଙ୍କୁ ସ୍ଥାୟୀ ନିଯୁକ୍ତି ଦେବାକୁ ଓସିସିଏଲର ଅଧ୍ୟକ୍ଷଙ୍କୁ ସଂଘ ପକ୍ଷରୁ ପ୍ରସ୍ତାବ ଦିଆଯାଇଛି।

ଜୟପୁର ତେଲେଙ୍ଗିରି ସ୍ପିଲୱେ ପ୍ରକଳ୍ପ କାର୍ଯ୍ୟ ସମୟରେ ଏକ କ୍ରେନ ନଦୀ ଭିତରେ ଖସି ପଡିଥିଲା। ସେହିପରି କେନ୍ଦୁଝର ଜିଲା ଆନନ୍ଦପୁର ପ୍ରକଳ୍ପ କାମରେ ନିୟୋଜିତ ଥିବା ଅନ୍ୟ ଏକ ଆଧୁନିକ ଏବଂ ବହୁ ମୂଲ୍ୟବାନ କ୍ରେନ ଛାଡି ଦିଆଯାଇଛି। ଏହାର ପୁନରୁଦ୍ଧାର ପାଇଁ କୌଣସି ପଦକ୍ଷେପ ଗ୍ରହଣ କରା ନ ଯିବାରୁ କ୍ରେନଦ୍ୱୟର ମୂଲ୍ୟବାନ ଅଂଶବିଶେଷଗୁଡିକ ଚୋରି ହୋଇ ଯାଇଛି। ଓସିସିଏଲର କର୍ମଚାରୀ ଓ ଶ୍ରମିକମାନେ ଯେଉଁ କାମ କରି ପାରିବେ ସେଗୁଡକରେ ବେସରକାରୀ ଠିକାଦାରମାନଙ୍କୁ ନିୟୋଜିତ କରାଯାଉଛି। ଠିକାଦାରମାନେ କେବଳ ୪୦ ପ୍ରତିଶତ କାର୍ଯ୍ୟ ଶେଷ କରୁଥିବାବେଳେ ବଳକା କାମ କର୍ମଚାରୀମାନଙ୍କ ଦ୍ୱାରା ସମ୍ପାଦନ କରାଯାଉଛି। କିନ୍ତୁ ସମ୍ପୂର୍ଣ୍ଣ ଅର୍ଥ ଠିକାଦାରମାନଙ୍କୁ ପ୍ରଦାନ କରି ଲକ୍ଷାଧିକ ଟଙ୍କା ଅସାଧୁ ଉପାୟରେ ଆତ୍ମସାତ୍‌ କରାଯାଉଛି। ଓସିସିଏଲ୍‌ରେ ଏକାଧିକ ଇଞ୍ଜିନିୟରଙ୍କୁ ମାସିକ ୩୫ ହଜାରରୁ ୪୫ ହଜାର ଟଙ୍କା ଦରମା ଦେଇ ନିଯୁକ୍ତି କରାଯାଇଛି। ଏହି ସମସ୍ତ ଯନ୍ତ୍ରୀ ଓସିସିଏଲ ଅଧିକାରୀଙ୍କ ସମ୍ପର୍କିୀୟ କିମ୍ବା ଜଣାଶୁଣା। ପଦବୀ ଖାଲି ନ ଥିବା ସତ୍ତ୍ବେ ବିନା ଇଣ୍ଟରଭ୍ୟୁରେ ସେମାନଙ୍କୁ ନିଯୁକ୍ତି ପ୍ରଦାନ କରି ମୁଖ୍ୟ କାର୍ଯ୍ୟାଳୟରେ ଅବସ୍ଥାପିତ କରାଯାଇଛି। ଯେହେତୁ ସେମାନଙ୍କ କୌଣସି କାମ ନାହିଁ ସେମାନେ ମୋବାଇଲ କିମ୍ବା କମ୍ପ୍ୟୁଟର ଦେଖି ସମୟ ଅତିବାହିତ କରୁଛନ୍ତି। ଅବସରପ୍ରାପ୍ତ କର୍ମଚାରୀଙ୍କ ପାଇଁ ଓସିସିଏଲ ଏକ ହବ୍‌ ପାଲଟିଛି । ଏଭଳି ଦୁର୍ନୀତି ଓ ଅନିୟମିତତା ସର୍ବୋଚ୍ଚସ୍ତରରେ ପହଞ୍ଚି ସାରିଛି। ସୋସିଆଲ ମିଡିଆ ମାଧ୍ୟମରେ ମଧ୍ୟ ଏହା ଭାଇରାଲ ହୋଇଛି । ତେଣୁ ଦୟାକରି ଉପରୋକ୍ତ ଅଭିଯୋଗର ଅନୁସନ୍ଧାନ କରି ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନୁରୋଧ କରାଯାଇଛି।
ରାଜ୍ୟ ସରକାରଙ୍କ ଜଳ ସମ୍ପଦ ବିଭାଗର ଅଧସ୍ଥନ ସଚିବ ବି.ସି. ରାଉତ ଗତ ୯ା୧ା୨୦୨୩ ରେ ଉପରୋକ୍ତ ଅଭିଯୋଗଗୁଡିକ ଉପରେ ଉପଯୁକ୍ତ ତଦନ୍ତ କରି ରିପୋର୍ଟ ଦାଖଲ କରିବାକୁ ଇଞ୍ଜିନିୟର-ଇନ୍‌-ଚିଫ୍‌(ଇଆଇସି)ଙ୍କୁ ନିର୍ଦ୍ଦେଶ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?