ଭୁବନେଶ୍ୱର, ୧୩।୧୧: ଓଡ଼ିଶା ଆଦର୍ଶ ବିଦ୍ୟାଳୟ ପ୍ରବେଶିକା ପରୀକ୍ଷା (OAVET) ୨୦୨୬ ଏବଂ ଓଡ଼ିଶା ଖଣି ଆଦର୍ଶ ବିଦ୍ୟାଳୟ ପ୍ରବେଶିକା ପରୀକ୍ଷା (OMAVET) ୨୦୨୬ ପାଇଁ ଅନଲାଇନ୍ ଫର୍ମ ପୂରଣ ଗୁରୁବାର ଠାରୁ ଆରମ୍ଭ ହୋଇଛି।
ମାଧ୍ୟମିକ ଶିକ୍ଷା ପରିଷଦ (BSE), ଓଡ଼ିଶା ଦ୍ୱାରା ଜାରି ବିଜ୍ଞପ୍ତି ଅନୁଯାୟୀ, ଶିକ୍ଷାବର୍ଷ ୨୦୨୬-୨୭ ପାଇଁ ରାଜ୍ୟର ବିଭିନ୍ନ ଆଦର୍ଶ ବିଦ୍ୟାଳୟରେ ଷଷ୍ଠ ଶ୍ରେଣୀରେ ସିଧାସଳଖ ନାମଲେଖା ଏବଂ ସପ୍ତମ, ଅଷ୍ଟମ ଓ ନବମ ଶ୍ରେଣୀରେ ଖାଲିଥିବା ଆସନ (ବିଭିନ୍ନ ବର୍ଗ ଅନୁଯାୟୀ)ରେ ପାର୍ଶ୍ୱ ପ୍ରବେଶ (lateral entry) ପାଇଁ OAVET-2026 ର ଫର୍ମ ପୂରଣ ଆରମ୍ଭ ହୋଇଛି।
ସେହିପରି, ଓଡ଼ିଶା ଖଣି ଆଦର୍ଶ ବିଦ୍ୟାଳୟରେ ଷଷ୍ଠ ଶ୍ରେଣୀରେ ସିଧାସଳଖ ନାମଲେଖା ଏବଂ ସପ୍ତମ, ଅଷ୍ଟମ ଓ ନବମ ଶ୍ରେଣୀରେ ଖାଲିଥିବା ଆସନ ପାଇଁ OMAVET-2026 ପାଇଁ ମଧ୍ୟ ଅନଲାଇନ୍ ଫର୍ମ ପୂରଣ ଆରମ୍ଭ ହୋଇଛି।
OAVET-2026 ଏବଂ OMAVET-2026 ପ୍ରବେଶିକା ପରୀକ୍ଷା ପାଇଁ ଅନଲାଇନ୍ ପଞ୍ଜୀକରଣ ନଭେମ୍ବର ୨୫ (ମଧ୍ୟରାତ୍ରି) ପର୍ଯ୍ୟନ୍ତ ଜାରି ରହିବ। ପ୍ରାର୍ଥୀମାନେ www.bseodisha.ac.in ଏବଂ www.oav.edu.in ୱେବସାଇଟ୍ ମାଧ୍ୟମରେ ଆବେଦନ କରିପାରିବେ।
ଫର୍ମ ପୂରଣରେ କୌଣସି ଅସୁବିଧା ହେଲେ ପ୍ରାର୍ଥୀମାନେ ହେଲ୍ପଲାଇନ୍ ନମ୍ବର – ୯୮୬୧୯୨୪୮୦୭ ରେ ଯୋଗାଯୋଗ କରିପାରିବେ।
