Posted inଜାତୀୟ

ବଢ଼ିଛି ବିଚାରାଧୀନ ମାମଲା

ନୂଆଦିଲ୍ଲୀ,୨୭ା୩: ଏପ୍ରିଲ ୨୩ରେ ଅବସର ନେବାକୁ ଥିବା ଭାରତର ପ୍ରଧାନ ବିଚାରପତି (ସିଜେଆଇ) ଏସ୍‌.ଏ. ବୋବ୍‌ଡେଙ୍କ କାର୍ଯ୍ୟକାଳରେ ବିଚାରାଧୀନ ମାମଲା ସଂଖ୍ୟା ବୃଦ୍ଧି ପାଇଛି। ୨୪ରେ ନୂଆ ସିଜେଆଇ ରୂପେ ଦାୟିତ୍ୱ ନେବାକୁ ଥିବା ଜଷ୍ଟିସ୍‌ ଏନ୍‌.ଭି. ରମନାଙ୍କୁ ୬୬,୭୨୭ରୁ ଊର୍ଦ୍ଧ୍ୱ ମାମଲା ଫଇସଲା ପାଇଁ ଅପେକ୍ଷା କରିଛି।୨୦୨୦ ମାର୍ଚ୍ଚ ୨୪ରେ ଭାରତରେ କରୋନା ଲକ୍‌ଡାଉନ୍‌ ଜାରି ହେବା ପୂର୍ବରୁ କୋର୍ଟରୁମ୍‌ରେ ଭିଡ଼ କମାଇବା ପାଇଁ ସୁପ୍ରିମକୋର୍ଟ ପଦକ୍ଷେପ ନେବା ଆରମ୍ଭ କରିଦେଇଥିଲେ। ଲକ୍‌ଡାଉନ୍‌ ବେଳେ କେବଳ ଜରୁରୀ ମାମଲାଗୁଡ଼ିକର ଶୁଣାଣି ହେଉଥିଲା। କଟକଣା କୋହଳ ହେବା ସହ ଓକିଲ ଓ ବିଚାରପତିମାନେ ଅନ୍‌ଲାଇନ୍‌ ହିଅରିଂ ପ୍ରତି ଆଗ୍ରହ ଦେଖାଇଲେ। ତେବେ ଶୁଣାଣି ହେଉଥିବା ମାମଲା ସଂଖ୍ୟା ମଧ୍ୟ ବଢ଼ିଚାଲିଲା। ସୁପ୍ରିମକୋର୍ଟ ସର୍ବନିମ୍ନ ୧୯୦ ଦିନ କାର୍ଯ୍ୟ କରିବାକୁ ନିୟମ ରହିଥିଲେ ହେଁ ଶୀର୍ଷ ଅଦାଲତ ପ୍ରଥମ ସିଟିଙ୍ଗର ୭୧ ବର୍ଷ ପୂର୍ତ୍ତି ଅବସରରେ ଏକ ସଦ୍ୟ ପ୍ରେସ୍‌ ରିଲିଜ ଅନୁସାରେ ୨୦୨୦ରେ ୨୩୧ ଦିନ ଖୋଲିଥିଲା। ୨୦୨୦ ଡିସେମ୍ବର ୩୧ ସୁଦ୍ଧା ଭିଡିଓ କନ୍‌ଫରେନ୍ସ ଜରିଆରେ ୪୩,୭୧୩ ଥର ଶୁଣାଣି ହୋଇଥିଲା। ଏହି କ୍ଷେତ୍ରରେ ବିଚାରପତି, ଆଇନଜୀବୀ ଓ ରେଜେଷ୍ଟ୍ରିଙ୍କ ଉଦ୍ୟମ ପ୍ରଶଂସନୀୟ। ଏହାସତ୍ତ୍ୱେ ଗଡ଼ୁଥିବା ମାମଲାର ବୋଝ ହ୍ରାସ ପାଇନାହିଁ। ୨୦୨୦ ମାର୍ଚ୍ଚ ୧ରୁ ୨୦୨୧ ମାର୍ଚ୍ଚ ୧ ମଧ୍ୟରେ ବିଚାରାଧୀନ ମାମଲା ସ୍ଥିତିକୁ ତୁଳନା କଲେ କୋଭିଡ୍‌-୧୯ ସମୟରେ କୋର୍ଟ କାର୍ଯ୍ୟ ଚଳାଇବା ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ବୁଝାପଡ଼ୁଛି। ସେହିପରି ପୂର୍ବବର୍ଷ ଓ ଏବର୍ଷର ତଥ୍ୟକୁ ଦେଖିଲେ ଦେଶର ସବୁଠୁ ବଡ଼ ଅଦାଲତଙ୍କ ପ୍ରଦର୍ଶନ ସମ୍ପର୍କରେ ଜାଣିହେଉଛି।

କ’ଣ କହୁଛି ବିଚାରାଧୀନ ମାମଲାର ତଥ୍ୟ
୨୦୧୨ ମସିହାରୁ ବିଚାରାଧୀନ ମାମଲାଗୁଡ଼ିକୁ ନେଇ ସୁପ୍ରିମକୋର୍ଟ ପକ୍ଷରୁ ମାସିକିଆ ସଂଖ୍ୟା ବିବୃତିରେ ଜାରି କରାଯାଉଛି। ୨୦୨୧ ମାର୍ଚ୍ଚ ୧ ସୁଦ୍ଧା ସୁପ୍ରିମକୋର୍ଟରେ ୬୬,୭୨୭ ପ୍ରସଙ୍ଗ ବିଚାରାଧୀନ ଥିଲା। ୨୦୧୨ ପରେ ଏହା ହେଉଛି ସର୍ବାଧିକ ବିଚାରାଧୀନ ମାମଲା। ସମ୍ଭବତଃ ୧୯୯୦ ଦଶକ ପରେ ଏତେ ମାମଲା କେବେ ଗଡ଼ିଥିବା ଦେଖିବାକୁ ମିଳି ନ ଥିଲା। ୨୦୨୦ ମାର୍ଚ୍ଚ ୧ରେ ଗଡ଼ୁଥିବା ମାମଲା ସଂଖ୍ୟା ୬୦,୪୬୯ ଥିଲା। ୧୨ ମାସରେ ଏଭଳି ୬,୨୫୮ ମାମଲା ବୃଦ୍ଧି ପାଇଥିବା ଏଥିରୁ ସ୍ପଷ୍ଟ ହୋଇଛି, ଯାହାକି ପୂର୍ବ ତୁଳନାରେ ୧୦.୩୫% ଅଧିକ। ବିଶେଷକରି ଏହି ଅବଧି ମଧ୍ୟରେ ମିସ୍‌ କେସ୍‌ଗୁଡ଼ିକୁ ଅନ୍‌ଲାଇନ୍‌ ଶୁଣାଣି ପାଇଁ ତାଲିକାଭୁକ୍ତ କରାଯାଇ ନ ଥିଲା। ମହାମାରୀ ଆସିବା ପୂର୍ବରୁ ସୋମବାର ଓ ଶୁକ୍ରବାର ପ୍ରତି ଖଣ୍ଡପୀଠଙ୍କ ନିକଟରେ ୫୦ରୁ ୭୦ ମିସ୍‌କେସ୍‌ ଶୁଣାଣି ତାଲିକାଭୁକ୍ତ କରାଯାଉଥିଲା। କିନ୍ତୁ ମହାମାରୀ ପରେ ଏହି ସଂଖ୍ୟା ୨୫-୩୫କୁ ଖସିଆସିଥିଲା। ଫଳରେ ମିସ୍‌ କେସ୍‌ ସଂଖ୍ୟା ୧୭.୬୮% ବୃଦ୍ଧି ପାଇଲା। ତେବେ ରେଗୁଲାର ପେଣ୍ଡିଂ କେସ୍‌ ସଂଖ୍ୟା ୪.୭୮% ହ୍ରାସ ପାଇଲା। ତେଣୁ କୋଭିଡ୍‌-୧୯କୁ ସୁପ୍ରିମକୋର୍ଟରେ ଗଡ଼ୁଥିବା ମାମଲା ସଂଖ୍ୟା ହଠାତ୍‌ ବୃଦ୍ଧିର କାରଣ ବୋଲି ଦୋଷ ଦିଆଯାଇ ନ ପାରେ।
ନୂଆ ସିଜେଆଇଙ୍କ
ଆଗରେ ଚ୍ୟାଲେଞ୍ଜ
ବର୍ତ୍ତମାନର ସିଜେଆଇ ଏସ୍‌. ଏ. ବୋବ୍‌ଡେ ଆସନ୍ତା ୨୩ରେ ଅବସର ନେବେ। ବିଚାରାଧୀନ ମାମଲା ବୋଝ କମାଇବାକୁ ତାଙ୍କ ପାଖରେ ଏବେ ଖୁବ୍‌ କମ୍‌ ସମୟ ଅଛି। ଜଷ୍ଟିସ୍‌ ବୋବ୍‌ଡେ ଅବସର ନେବା ପରେ ସୁପ୍ରିମକୋର୍ଟ ବିଚାରପତିଙ୍କ ସଂଖ୍ୟା ୨୮କୁ ଖସିଯିବ। ୨୦୧୯ ନଭେମ୍ବରରେ ବୋବ୍‌ଡେ ସିଜେଆଇ ଦାୟିତ୍ୱ ନେବାବେଳଠାରୁ ଏହି ସଂଖ୍ୟା ୫ ଉଣା। ଏହାକୁ ବିଚାରାଧୀନ ମାମଲା ବୃଦ୍ଧିର କାରଣ ବୋଲି ଦର୍ଶାଯାଇପାରେ। ତେବେ ୨୦୧୯ ଓ ୨୦୨୦ ମଧ୍ୟରେ ଗୋଟିଏ ସମୟରେ ଫୁଲ୍‌ ଷ୍ଟ୍ରେଙ୍ଗ୍‌ଥ ଥାଇ ସୁଦ୍ଧା ଏଭଳି ମାମଲା ସଂଖ୍ୟା ବଢ଼ିଥିବା ଦେଖାଯାଇଛି। ମହାମାରୀ କଲେଜିୟମ୍‌ର କାର୍ଯ୍ୟକୁ ସେତେଟା ପ୍ରଭାବିତ କରିପାରି ନ ଥିଲେ ମଧ୍ୟ ୨୦୧୯ ସେପ୍ଟେମର ପରଠୁ ଅଦ୍ୟାବଧି ଜଣେ ହେଲେ ବିଚାରପତିଙ୍କୁ ସୁପ୍ରିମକୋର୍ଟରେ ନିଯୁକ୍ତି ଦିଆଯାଇ ନାହିଁ। ହିସାବ କଲେ ୫୪୦ ଦିନ ଭିତରେ (ବ୍ୟବଧାନ ବଢ଼ିଚାଲିଛି) କୌଣସି ବିଚାରପତି ସୁପ୍ରିମକୋର୍ଟରେ ନିଯୁକ୍ତ ହୋଇନାହାନ୍ତି। ଏହାକୁ ବିଗତ ୧ ଦଶନ୍ଧି ମଧ୍ୟରେ ସବୁଠୁ ବଡ଼ ବ୍ୟବଧାନ ବୋଲି କୁହାଯାଉଛି। ପୂର୍ବରୁ ସିଜେଆଇ ଏସ୍‌.ଏଚ୍‌. କାପାଡ଼ିଆଙ୍କ ଅମଳରେ ୨୦୧୦ରୁ ୨୦୧୧ ମଧ୍ୟରେ ୫୦୧ ଦିନ ବ୍ୟବଧାନର ରେକର୍ଡ ସର୍ବାଧିକ ଥିଲା।
ଅଚଳାବସ୍ଥା ଦୂର ହୋଇ ଖୁବ୍‌ଶୀଘ୍ର ବିଚାରପତିମାନଙ୍କୁ ନିଯୁକ୍ତି ଦିଆଯାଏ ଏବଂ ୨୦୧୯-୨୦ର ଅନୁଭୂତିରୁ ଶିକ୍ଷା ନିଆଯାଏ ତେବେ ମାମଲା ସଂଖ୍ୟା କମିପାରେ। କିନ୍ତୁ ସୁପ୍ରିମକୋର୍ଟରେ ବିଚାରାଧୀନ ମାମଲା ବୃଦ୍ଧିର ଚିତ୍ରକୁ ସମ୍ପୂର୍ଣ୍ଣ ରୂପେ ଓଲଟାଇହେବ ନାହିଁ। ଅଦାଲତ ଏଦିଗରେ ନିୟମିତ ଯାଞ୍ଚ କରି ନିଜ ଆଡ଼ୁ ସଂସ୍କାର ଆଣିଲେ ସ୍ଥିତି ବଦଳିପାରେ।


Enter your email to get our daily news in your inbox.

All Right Reserved By Dharitri.Com

ପ୍ରଥମ ପ୍ଲାଜମା ଥେରାପିରେ ସୁସ୍ଥ ହେଲେ ଦେଶର କରୋନା ସଂକ୍ରମିତ: ମୁମ୍ବାଇ, ଇନ୍ଦୋରରେ ଆରମ୍ଭ ହେବ ଏହି ଥେରାପି

ନୂଆଦିଲ୍ଲୀ,୨୮।୪: କରୋନା ସଂକ୍ରମିତଙ୍କ ଚିକିତ୍ସା କରିବାକୁ ଏବେ ପ୍ଲାଜମା ଥେରାପି ଦେଖାଇଛି ନୂତନ ଆଶାର ଆଲୋକ। ପ୍ରଥମେ ଦିଲ୍ଲୀରେ ଏହି ପ୍ଲାଜମା ଥେରାପି ଆରମ୍ଭ କରାଯାଇଥିବା...

ଗାନ୍ଧୀ ଜୟନ୍ତୀରେ ରାଜସ୍ଥାନ ସରକାରଙ୍କ ବଡ଼ ନିଷ୍ପତ୍ତି: ରାଜ୍ୟରେ ତମ୍ବାକୁ ଉପରେ ଲାଗିବ କଟକଣା

ଜୟପୁର,୨।୧୦: ରାଜସ୍ଥାନର ମଖ୍ୟମନ୍ତ୍ରୀ ଅଶୋକ ଗେହଲଟ ଗାନ୍ଧୀ ଜୟନ୍ତୀ ଅବସରରେ ରାଜ୍ୟରେ ତମ୍ବାକୁ ଉତ୍ପାଦନ ଉପରେ କଟକଣା ନେଇ ଘୋଷଣା କରିଛନ୍ତି। ପୂର୍ବରୁ କଂଗ୍ରେସର ଜନଘୋଷଣା...

ଭାରତ-ପାକ୍‌ ସୀମାରେ ୪ ଆଣ୍ଟି ଟ୍ୟାଙ୍କ ମାଇନ୍ସ ଜବତ

ଜୟପୁର,୨୩।୧୨: ରାଜସ୍ଥାନ ଜୈସଲମେର ନିକଟ ଭାରତ-ପାକିସ୍ତାନ ସୀମାରେ ୪ଆଣ୍ଟି ଟ୍ୟାଙ୍କ ମାଇନ୍ସ ଜବତ ହୋଇଛି। ସୋମବାର ଲୋଙ୍ଗଓ୍ବୋଲ ସୀମାରେ ଓଏନ୍‌ଜିସି ତୈଳ ଓ ଗ୍ୟାସ ପଦାର୍ଥ...

ଅନ୍ନଦାତାଙ୍କ ଆନ୍ଦୋଳନ ତବଲିଘ୍‌ ଜମାତ୍‌ ଭଳି ସ୍ଥିତି ସୃଷ୍ଟି ନ କରୁ: ସୁପ୍ରିମ୍‌କୋର୍ଟ

ନୂଆଦିଲ୍ଲୀ,୭।୧: ସିଙ୍ଘୁ ସୀମାରେ ଜାରି ରହିଥିବା ଅନ୍ନଦାତାଙ୍କ ଆନ୍ଦୋଳନ ନେଇ ସୁପ୍ରିମ୍‌କୋର୍ଟ ଚିନ୍ତା ପ୍ରକଟ କରିଛନ୍ତି। ଆନ୍ଦୋଳନ ତବଲିଘ୍‌ ଜମାତ୍‌ ଭଳି ସ୍ଥିତି ସୃଷ୍ଟି ନ...

ଭାଜପାରେ ଯୋଗଦେଲେ ୧୫ ଅଯୋଗ୍ୟ ଘୋଷିତ ବିଧାୟକ

ବେଙ୍ଗାଲୁରୁ,୧୪।୧୧: କର୍ନାଟକ କଂଗ୍ରେସ ଓ ଜେଡି(ଏସ୍‌)ର ୧୫ ଅଯୋଗ୍ୟ ଘୋଷିତ ବିଧାୟକ ଗୁରୁବାର ଭାରତୀୟ ଜନତା ପାର୍ଟି(ଭାଜପା)ରେ ଯୋଗ ଦେଇଛନ୍ତି। କର୍ନାଟକ ମୁଖ୍ୟମନ୍ତ୍ରୀ ବିଏସ୍‌ ୟେଦୁରପ୍ପାଙ୍କ...

୩୭୦ ଉଚ୍ଛେଦକୁ ଜେୟୁଏଚ୍‌ର ସମର୍ଥନ

ନୂଆଦିଲ୍ଲୀ,୧୩-୯: ଅନୁଚ୍ଛେଦ ୩୭୦ ହଟାଯିବା ନିଷ୍ପତ୍ତିକୁ ମୁସ୍‌ଲିମ ସଙ୍ଗଠନ ଜମିୟତ୍‌ ଉଲାମା-ଇ-ହିନ୍ଦ୍‌ (ଜେୟୁଏଚ୍‌) ସମର୍ଥନ କରିଛି। କଶ୍ମୀର ଭାରତର ଅବିଚ୍ଛେଦ୍ୟ ଅଙ୍ଗ ଓ ସେଠାକାର ଲୋକଙ୍କ...

ୟୁନିଫର୍ମ ସିଭିଲ୍‌ କୋଡ୍‌ ଲାଗୁ ପାଇଁ କମିଟି ଗଠନ କଲା ଉତ୍ତରାଖଣ୍ଡ

ଡେରାଡୁନ୍‌,୨୮।୫: ଉତ୍ତରାଖଣ୍ଡରେ ସମାନ ନାଗରିକ ସଂହିତା(ୟୁନିଫର୍ମ ସିଭିଲ୍‌ କୋଡ୍‌) ଲାଗୁ କରିବା ପାଇଁ ରାଜ୍ୟ ସରକାର ଏକ ବିଶେଷଜ୍ଞ କମିଟି ଗଠନ କରିଛନ୍ତି। ସୁପ୍ରିମକୋର୍ଟର ଅବସରପ୍ରାପ୍ତ...

କରୋନାରେ ଆଖି ବୁଜିଲେ ଅଣ୍ଡରଓ୍ବାର୍ଲଡ ଡନ ଛୋଟା ରାଜନ

ନୂଆଦିଲ୍ଲୀ, ୭।୫: ଅଣ୍ଡରଓ୍ବାର୍ଲଡ ଡନ ଛୋଟା ରାଜନ କରୋନାରେ ଆଖି ବୁଜି ଛନ୍ତି। କରୋନାରେ ସଂକ୍ରମିତ ହେବା ପରେ ତାଙ୍କୁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଥିଲା।...

Advertisement
Archives

Model This Week