ଦିଗପହଣ୍ଡି,୭ା୧(ଅଶେଷ ନାଥ ମିଶ୍ର): ଦିଗପହଣ୍ଡି ବ୍ଲକ ବଡଡୁମୁଳା ପ୍ରାଥମିକ ସେବା ସମବାୟ ସମିତି ପକ୍ଷରୁ ମଙ୍ଗଳବାର ଧାନ ମଣ୍ଡି ଉଦ୍ଘାଟିତ ହୋଇଛି। ସମବାୟ ସମ୍ପାଦକ ଶେଷକାନ୍ତ ଜାନିଙ୍କ ତତ୍ତ୍ୱାବଧାନରେ ହୋଇଥିବା ଉଦ୍ଘାଟନୀ କାର୍ଯ୍ୟକ୍ରମରେ ବଡଡୁମୁଳା ସରପଞ୍ଚ ଗୀତାଞ୍ଜଳି ଜାନି ମୁଖ୍ୟ ଅତିଥି ଭାବେ ଯୋଗଦେଇ ମଣ୍ଡିକୁ ଉଦଘାଟନ କରିଥିଲେ। ସମିତିସଭ୍ୟ ରମେଶ ଚନ୍ଦ୍ର ପାଢ଼ୀ, ପୂର୍ବତନ ସରପଞ୍ଚ ଉପେନ୍ଦ୍ର ପ୍ରଧାନ, ନୋଡାଲ ଅଧିକାରୀ ଧନୁଜ କୁମାର, ସମବାୟ ସମିତି ସଭାପତି ଦାମୋଦର ଦଳାଇ, ପୂର୍ବତନ ସଭାପତି ରମେଶ ଚନ୍ଦ୍ର ଗୌଡ଼, ରଙ୍କ ନାୟକ, ପଞ୍ଚାନନ ବାଡ଼ତ୍ୟା, ନିତ୍ୟାନନ୍ଦ ପଣ୍ଡା, ନିରଞ୍ଜନ ରଣା, ବିଜୁଳି ଦଳାଇ, ସୁରେନ୍ଦ୍ର ରେଡ୍ଡୀ, ଲିଙ୍ଗରାଜ ଦାଶ, ପୂର୍ଣ୍ଣଚନ୍ଦ୍ର ଗୌଡ଼ ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ। ଚାଷୀ ସହଦେବ ସେଠୀ, ଭରତ ଜେନା, ଉଲା ପ୍ରଧାନ, ପୂର୍ଣ୍ଣଚନ୍ଦ୍ର ପାଣିଗ୍ରାହୀ, ପର୍ଶୁରାମ ପ୍ରଧାନଙ୍କ ସହ ଅନେକ ଚାଷୀ, ମିଲର ଗୌରାଙ୍ଗ ସାହୁ ଉପସ୍ଥିତ ଥିଲେ। ଡିଇଓ ଶିବାନନ୍ଦ ଜେନା ପରିଚାଳନା କରିଥିଲେ।
ସେହିପରି ବମକୋଇ ଓ ଗୌଡଗାଁ ସେବା ସମବାୟ ସମିତି କାର୍ଯ୍ୟାଳୟରେ ଧାନମଣ୍ଡି ଉଦ୍ଘାଟିତ ହୋଇଛି। ବମକୋଇ ପାକ୍ସରେ ପୂର୍ବତନ ବ୍ଲ୍ଳକ ଅଧ୍ୟକ୍ଷ ବିପିନ ଚନ୍ଦ୍ର ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ଧାନମଣ୍ଡି ଉଦ୍ଘାଟନ କରିଥିଲେ। ସରପଞ୍ଚ ତପନ ପ୍ରଧାନ, ଗଡ଼ ଗୋବିନ୍ଦପୁର ପଞ୍ଚାୟତର ପୂର୍ବତନ ସରପଞ୍ଚ କେ. ହରିବନ୍ଧୁ ରେଡ୍ଡୀ, ଅବସରପ୍ରାପ୍ତ କଲେଜ ଅଧ୍ୟକ୍ଷ ଆଦିକନ୍ଦ ସାହୁ, ରାଜସ୍ବ ନୀରିକ୍ଷକ ବିଘ୍ନେଶ୍ୱର ଆଚାର୍ଯ୍ୟ, ପଞ୍ଚାୟତ ନିର୍ବାହୀ ଅଧିକାରୀ ଜାଗିଲି ସାହୁ, ଅଗ୍ରଣୀ ଚାଷୀ ପ୍ରତାପ ପ୍ରଧାନ, ମନ୍ମଥ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ସମବାୟ ସମ୍ପାଦକ ଭାସ୍କର କବିଙ୍କ ସଂଯୋଜନାରେ ସମବାୟ ସମିତି ସଭାପତି ଭୀମସେନ ପ୍ରଧାନ, ମିଲର ଓ ଚାଷୀଙ୍କ ଉପସ୍ଥିତରେ ଚାଷୀଙ୍କ ଅମଳ ଧାନକୁ ମଣ୍ଡିରେ କିପରି କ୍ରୟ କରାଯିବ ସେ ନେଇ ଉପସ୍ଥିତ ଚାଷୀଙ୍କୁ ବୁଝାଇଥିଲେ।
ସେହିପରି ଗୌଡଗାଁ ସେବା ସମବାୟ ସମିତି ପକ୍ଷରୁ ସମବାୟ ସମ୍ପାଦକ ହିମାଂଶୁ ଶେଖର ସାହୁ ଓ ସମିତି ସଭାପତି ବିପିନ କୁମାର ପାଣିଗ୍ରାହୀଙ୍କ ନେତୃତ୍ୱରେ ଗୌଡଗାଁ ପୂର୍ବତନ ସରପଞ୍ଚ କୃଷ୍ଣଚନ୍ଦ୍ର ସାହୁ ମୁଖ୍ୟ ଅତିଥିଭାବେ ଯୋଗଦେଇ ଧାନମଣ୍ଡି ଉଦ୍ଘାଟନ କରିଥିଲେ। ପଞ୍ଚାୟତ ନିର୍ବାହୀ ଅଧିକାରୀ ଦେବରାଜ ଦଳାଇ, ଚାଷୀ ରଞ୍ଜିତ ପାଣିଗ୍ରାହୀ, ଗଣେଶ ସାହୁ, ଗୌରୀ ଶଙ୍କର ପାଣିଗ୍ରାହୀ, ଶ୍ରୀକାନ୍ତ ପଣ୍ଡା, ସୁରେନ୍ଦ୍ର ସାହୁଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ।
