ବୈଷୟିକ ଜ୍ଞାନ ନୁହେଁ

ଉତ୍ତରାଖଣ୍ଡର ଉତ୍ତରକାଶୀସ୍ଥିତ ଜାତୀୟ ରାଜପଥ ଉପରେ ନିର୍ମାଣାଧୀନ ସିଲ୍କୟାରା ସୁଡ଼ଙ୍ଗରେ ଫସିିଥିବା ୪୧ ଶ୍ରମିକ ୧୭ ଦିନ ପରେ ନଭେମ୍ବର ୨୮ ମଙ୍ଗଳବାର ସନ୍ଧ୍ୟାରେ ମୁକ୍ତ ପ୍ରଶ୍ୱାସ ନେବାର ସୁଯୋଗ ପାଇଲେ। ଏହି ଦୁର୍ଘଟଣା ଦର୍ଶାଇଲା ଯେ, ଭାରତର ବୈଷୟିକ ଜ୍ଞାନକୌଶଳ ଏବେ ମଧ୍ୟ ପଛୁଆ ଅଛି। ଅହଂଭାବକୁ ଛାଡ଼ି କେନ୍ଦ୍ର ସରକାର ପ୍ରଥମରୁ ଅନ୍ତର୍ଜାତୀୟ ସାହାଯ୍ୟ ଲୋଡ଼ିଥିଲେ ଏହି ଅସ୍ବାଭାବିକ ସ୍ଥିତି ପୂର୍ବରୁ ସମାଧାନ ହୋଇପାରିଥାନ୍ତା। ବିଶେଷକରି ବିଦେଶର ପାହାଡ଼ିଆ ଦେଶ ସୁଇଜରଲାଣ୍ଡ, ଜର୍ମାନୀ ଏପରି କି ଚାଇନାରେ ମଧ୍ୟ ଅନେକ ସୁଡ଼ଙ୍ଗ ନିର୍ମିତ ହୋଇଛି ଓ ହେବାରେ ଲାଗିଛି। ସେସବୁ ରାଷ୍ଟ୍ରରେ ଏଭଳି ଦୁର୍ଘଟଣା ଘଟିବାର କ୍ୱଚିତ ଉଦାହରଣ ଦେଖିବାକୁ ମିଳେ। କାର୍ଯ୍ୟ ଯଦି ଉଚିତ ମାନର ହୋଇଥାଆନ୍ତା, ତେବେ ଏପରି ଦୁର୍ଘଟଣା କେବେ ହେଲେ ଘଟି ନ ଥାଆନ୍ତା। ଏହା କହିଲା ବେଳକୁ ଆମେ ସଚେତନ ଯେ, ଦୁର୍ଘଟଣା କୌଣସି ସମୟରେ ଏବଂ କାହାରି ସାଙ୍ଗରେ ଘଟିବାର ସବୁ ସମ୍ଭାବନା ରହିଛି।
ରାସ୍ତା ନିର୍ମାଣ ବେଳେ ସୁଡ଼ଙ୍ଗ ତିଆରି କରାଯିବାର ପ୍ରକ୍ରିୟା ସବୁବେଳେ ଦୁର୍ଘଟଣାର ସମ୍ମୁଖୀନ ହୋଇପାରେ ବୋଲି ଚିନ୍ତା କରାଯାଏ। ସେଥିପାଇଁ ପ୍ରତିଷେଧକ ବ୍ୟବସ୍ଥା କାର୍ଯ୍ୟ ସହିତ ରହିବା କଥା। ଯେଉଁମାନେ ବିଦେଶରେ ରାସ୍ତା ସୁଡ଼ଙ୍ଗ ଦେଖିଛନ୍ତି, ସେମାନେ ନିଶ୍ଚିତ ଭାବେ କହିପାରିବେ ଯେ ଉଭୟ ପାର୍ଶ୍ୱରେ ଜରୁରିକାଳୀନ ସ୍ଥିତିକୁ ସାମ୍ନା କରିବା ପାଇଁ ପ୍ରସ୍ଥାନ ବ୍ୟବସ୍ଥା ସ୍ପଷ୍ଟ ଭାବେ କରାଯାଇଥାଏ। ସିଲ୍କୟାରା ସୁଡ଼ଙ୍ଗରେ ତାହା ନ ଥିବାରୁ ଏତେ ଦୀର୍ଘସମୟ ଲାଗିଗଲା ଉଦ୍ଧାର ପାଇଁ। ଭାବିଲେ ଭୟ ସୃଷ୍ଟି ହେଉଛି ଯେ, ସେହି ସୁଡ଼ଙ୍ଗ ନିର୍ମାଣ ହୋଇଯିବା ପରେ ଯଦି ଏଭଳି ଦୁର୍ଘଟଣା ଘଟିଥାଆନ୍ତା, ତେବେ ସମ୍ଭବତଃ ଆହୁରି ଅନେକ ଲୋକ ଏହି ଶ୍ରମିକମାନଙ୍କ ଭଳି ଚାପି ହୋଇ ରହିଯାଇଥାଆନ୍ତେ। ଏଥିସହିତ ଭାରତରେ ଏହିଭଳି ଦୁର୍ଘଟଣା ଯଦି ନିର୍ବାଚନ ସମୟରେ ଦୁର୍ଭାଗ୍ୟକୁ ଘଟେ, ତାହା ହେଲେ ସମସ୍ତେ ଅଣଦେଖା କଲା ଭଳି ରହିଯାଆନ୍ତେ। ଦେଖିବାକୁ ଗଲେ ଏହି ୪୧ ଜଣଙ୍କ ଭବିଷ୍ୟତ କ’ଣ ହେବ ଅସ୍ପଷ୍ଟ ଥିବାରୁ ଜାତୀୟ ଗଣମାଧ୍ୟମ ସେହି ସମ୍ପର୍କରେ ଖବର ପ୍ରସାର କରିବାରେ ହେଳା କରିଥିଲା। ଆରମ୍ଭରୁ ଯଦି ଜଣାପଡ଼ିଥାନ୍ତା ଯେ ଶ୍ରମିକମାନେ ନିଶ୍ଚିତ ଭାବେ ନିର୍ଦ୍ଦିଷ୍ଟ ସମୟରେ ଉଦ୍ଧାର ହେବେ, ତେବେ ଦେଶର ଅନେକ ନେତା ତମ୍ବୁ ପକାଇ ରାତିଦିନ ଟେଲିଭିଜନ କ୍ୟାମେରା ସମ୍ମୁଖରେ ବୀରତ୍ୱର ସହିତ ମନ୍ତବ୍ୟ ଦେଇଥାଆନ୍ତେ। ସେହି ଭରସା ନ ଥିବା ଯୋଗୁ ସମସ୍ତଙ୍କୁ ପ୍ରାର୍ଥନା କରିବାକୁ କୁହାଯାଇଥିଲା। ହୁଏତ ଏହି ଶ୍ରମିକମାନେ ଦ୍ୱିତୀୟ ଜୀବନ ପାଇବା ପଛରେ ଭାରତବାସୀଙ୍କ ପ୍ରାର୍ଥନା ଥିଲା; ବୈଷୟିକ ଜ୍ଞାନ ନୁହେଁ। କାରଣ ଯେଉଁ ର଼୍ୟାଟ୍‌ ହୋଲ୍‌ ଉପାୟରେ ସେମାନଙ୍କୁ ଉଦ୍ଧାର କରାଗଲା, ସେହି ଖନନ କରୁଥିବା ବ୍ୟକ୍ତିମାନେ ମେଘାଳୟ ଭଳି ରାଜ୍ୟରେ ସାଧାରଣତଃ ଏହି ଜ୍ଞାନକୌଶଳ ଲଗାଇ କୋଇଲା ଚୋରି କରିଥାଆନ୍ତି। ର଼୍ୟାଟ୍‌ ହୋଲ୍‌ ମାଇନିଂ ଏକ ଅସ୍ବାଭାବିକ ଚୋରଙ୍କ କାର୍ଯ୍ୟ, ଯାହାକି ଜୀବନ ପ୍ରତି ବିପଦ ଆଣିଥାଏ।


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଜମିବାଡ଼ି ମାମଲା ମହା ଝମେଲା। ଥରେ ଆରମ୍ଭ ହୋଇଗଲେ ପକ୍ଷ ଅଦାଲତ ଦୌଡ଼ି ଦୌଡ଼ି ନୟାନ୍ତ ହୋଇଯାଆନ୍ତି। ତେବେ ଏଭଳି ୫୦,୦୦୦ ମାମଲାର ସମାଧାନ କରି...

ଲକ୍ଷ୍ମୀଛଡ଼ା ଉପାଖ୍ୟାନ

ଡ. ମନୋରଞ୍ଜନ ପ୍ରଧାନ   ପିଲାବେଳେ ଜେଜେମା’ଙ୍କ ମୁହଁରୁ ଲକ୍ଷ୍ମୀଛଡ଼ା ଶବ୍ଦଟି ବହୁବାର ଶୁଣିଛୁ। ସାମାନ୍ୟ ତ୍ରୁଟିବିଚ୍ୟୁତି ଦେଖିଲେ ବୁଢ଼ୀମା’ ତୁମେ ସବୁ ଲକ୍ଷ୍ମୀଛଡ଼ା ହୋଇଗଲଣି...

ଧର୍ମ ଓ ବିଜ୍ଞାନ

ଉମାଶଙ୍କର ପ୍ରସାଦ   ଧର୍ମ ଓ ବିଜ୍ଞାନ ଉଭୟେ ମଣିଷର ମଙ୍ଗଳ ପାଇଁ ଅଭିପ୍ରେତ। ଉଭୟଙ୍କର ଉଦ୍ଦେଶ୍ୟ ମଣିଷ ତଥା ସମାଜକୁ ମଙ୍ଗଳମୟ କରି ଗଢ଼ିବା।...

ନଦୀ ଓ ପ୍ଲାଷ୍ଟିକ୍‌ ପ୍ରଦୂଷଣ

ମିରେଇ ଏଣ୍ଡାରା ଦେ ହେରାସ   ପ୍ଲାଷ୍ଟିକ୍‌ ପ୍ରଦୂଷଣ ଦୂର କରିବାକୁ ଏକ ନୂତନ ଚୁକ୍ତି ପାଇଁ ମିଳିତ ଜାତିସଂଘ ଚେଷ୍ଟା ଜାରି ରଖିଛି ଓ...

ଏଇ ଭାରତରେ

ମଧ୍ୟପ୍ରଦେଶର ଜଣେ ଶିକ୍ଷକଙ୍କ ଉଦ୍ୟମରେ ଏକ ସ୍କୁଲର କଳେବର ପୂରା ବଦଳିଯାଇଛି। ରାଜଗଡ଼ର ମୋହନପୁର କଲୋନୀରେ ଥିବା ଇଣ୍ଟିଗ୍ରେଟେଡ ମିଡିଲ ସ୍କୁଲର ଶିକ୍ଷକ ଗୋପାଳ ବାଲଓ୍ବାଲାଙ୍କ...

ଆର୍ଥିକ ସ୍ଥିତିର ବାସ୍ତବତା

ଡ. ସନ୍ତୋଷ କୁମାର ମହାପାତ୍ର   ଫେବୃଆରୀ ୧ରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ ଲୋକ ସଭାରେ ୨୦୨୪-୨୫ ଆର୍ଥିକ ବର୍ଷର ଅନ୍ତରୀଣ ବଜେଟ ଉପସ୍ଥାପନ...

ନିଜର ବୋଲି ନ ଥିବେ କେହି

ରାକେଶ ପଣ୍ଡା   ପ୍ରାଚୀନ କାଳରୁ ଲୋକେ ଯୌଥ ପରିବାରରେ ଗୋଟିଏ ଛାତ ତଳେ ରହି ଆସୁଥିଲେ, ଯେଉଁଥିରେ ଜଣେ ଗୁରୁଜନ ପରିବାରର ମୁଖିଆ ହୋଇଥା’ନ୍ତି।...

ଈଶ୍ୱର ଭାବନାରେ ଦ୍ୱନ୍ଦ୍ୱ

ଆଜିକାଲି ଲୋକମାନେ ଈଶ୍ୱର ଶବ୍ଦ ବେଶି ବ୍ୟବହାର କରୁଛନ୍ତି। ଯେତେବେଳେ ସେମାନେ ଈଶ୍ୱର ଶବ୍ଦ ବ୍ୟବହାର କରନ୍ତି ସେତେବେଳେ ଏହାକୁ ବଡ଼ ଅକ୍ଷରରେ ଲେଖନ୍ତି। ସେମାନେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri