ଅହମଦାବାଦ,୩ ।୭: ଉଦୟପୁରରେ ଟେଲରଙ୍କ ହତ୍ୟାକୁ ବିରୋଧ କରି ଗୁଜରାଟ ବନାସକାଣ୍ଠାରେ ମସଲମାନ ଫେରିବାଲାଙ୍କ ଠାରୁ ଜିନିଷ କ୍ରୟ ନ କରିବାକୁ ନିର୍ଦ୍ଦେଶ ଦିଆଯାଇଥିବା ଜଣାପଡିଛି । ଏହାକୁ ନେଇ ଶନିବାର ବନାସକାଣ୍ଠା ପ୍ରଶାସନର ପ୍ରତିକ୍ରିୟା ସାମ୍ନାକୁ ଆସିଛି । ପ୍ରଶାସନ କହିଛି ୱାଘାସନ ସମ୍ପ୍ରଦାୟର ଗ୍ରାମପଞ୍ଚାୟତର ଲେଟର ପ୍ୟାଡରେ ଦୋକାନିଙ୍କୁ ‘ମୁସଲମାନ ଫେରିବାଲା’ଙ୍କଠାରୁ ଜିନିଷ କ୍ରୟ ନ କରିବାକୁ ଯେଉଁ ନିର୍ଦ୍ଦେଶ ଦିଆଯାଇଛି ତାହା ଅଧିକାରୀକ ନୁହେଁ ।
ବନାସକାଣ୍ଠା ଜିଲା ବିକାଶ ଅଧିକାରୀ କହିଛନ୍ତି ଯେଉଁ ବ୍ୟକ୍ତି ଉକ୍ତ ଲେଟର ପ୍ୟାଡରେ ଦସ୍ତଖତ କରିଛନ୍ତି ତାଙ୍କ ପାଖରେ ସେମିତି କୌଣସି ଅଧିକାର ନାହିଁ । କାରଣ ଏବେ ବି ସେଠାରେ ସରପଞ୍ଚ ପାଇଁ ନିର୍ବାଚନ ହେଉଛି । ପ୍ରଶାସନ ପକ୍ଷରୁ ଏକ ସ୍ପଷ୍ଟିକରଣ ଦିଆଯାଇ କୁହାଯାଇଛି କି ଜାରି କରାଯାଇଥିବା ନିର୍ଦ୍ଦେଶ ନିରାଧାର ଏହାକୁ ପାଳନ କରିବା ଆବଶ୍ୟକ ନୁହେଁ । ଏଭଳି ଭୁଲ କଥା ପ୍ରଚାର କରୁଥିବା ବ୍ୟକ୍ତିଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ ।
ତେବେ ସୋସିଆଲ ମିଡିଆରେ ୩୦ ଜୁନର ଏକ ଲେଟର ପ୍ୟାଡ ଭାଇରାଲ ହେଉଥିବା ବେଳେ ଏଥିରେ ଉଦୟପୁରରେ ଟେଲର ହତ୍ୟାକୁ ଦୃଷ୍ଟିରେ ରଖି କୌଣସି ମୁସଲମାନ ଫେରିବାଲାଙ୍କଠାରୁ ଜିନିଷ ନ କିଣିବାକୁ କୁହାଯାଇଛି । ଏହାସହ ଯେଉଁମାନେ ଏହା ପାଳନ କନ କାରିବେ ସେମାନଙ୍କୁୂ ୫୧୦୦ ଟଙ୍କା ଜରିମାନା ଦେବାକୁ ପଡିବ ଓ ଏହି ଟଙ୍କା ଗୋଶାଳାକୁ ଦାନ କରାଯିବ ବୋଲି ଉଲ୍ଲେଖ କରାଯିବା ସହ ଏଥିରେ ପୂବତନ ସରପଞ୍ଚଙ୍କର ହସ୍ତାକ୍ଷର ରହିଛି ।
