ଟଙ୍କା ଦେଇ ଟିକାକୁ ନା’

ଅନୁଗୋଳ ଅଫିସ, ୨୫।୪:  କୋଭିଡ୍‌ରୁ ବର୍ତ୍ତିବା ପାଇଁ ଟିକା ନେବା ଜରୁରୀ। ଏ ନେଇ ସରକାରଙ୍କ ପକ୍ଷରୁ ଜନସାଧାରଣଙ୍କୁ ସଚେତନ କରାଯାଉଛି। କିପରି ଅଧିକରୁ ଅଧିକ ଲୋକଙ୍କୁ ଶୀଘ୍ର ଟିକାକରଣ କରାଯିବ ତାହା ଉପରେ ସର୍ବାଧିକ ଗୁରୁତ୍ୱ ଦିଆଯାଉଛି। ଏଥିପାଇଁ ସରକାରୀ ଓ ବେସରକାରୀ ହସ୍ପିଟାଲକୁ ସରକାରଙ୍କ ପକ୍ଷରୁ ଟିକା ଯୋଗାଇ ଦିଆଯାଉଛି। ସରକାରୀ ଡାକ୍ତରଖାନାରେ ଏହା ନିଃଶୁଳ୍କ ଥିବାବେଳେ ଘରୋଇ ମେଡିକାଲରେ ୨୫୦ ଟଙ୍କା ନିଆଯାଉଛି। ତେବେ କରୋନା କାଳରେ ରୋଜଗାର ହ୍ରାସ ପାଇଥିବାରୁ ଟଙ୍କା ଦେଇ ଟିକା ନେବାକୁ ଲୋକେ ସେପରି ଆଗ୍ରହ ଦେଖାଉ ନାହାନ୍ତି। ସେଥିପାଇଁ ଏପ୍ରିଲ ୧୧ ତାରିଖ ସୁଦ୍ଧା ଅନୁଗୋଳ ଜିଲାର ସରକାରୀ ଡାକ୍ତରଖାନାରେ ୯୩ ପ୍ରତିଶତ (୯୩,୦୮୩ ଜଣ) ଲୋକ ଟିକା ନେଇଥିବା ବେଳେ ଘରୋଇ ସ୍ବାସ୍ଥ୍ୟକେନ୍ଦ୍ରରେ ମାତ୍ର ୨ ପ୍ରତିଶତ (୨୦୨୬ ଜଣ)ଙ୍କ ଟିକାକରଣ କରାଯାଇଛି। ଆଗାମୀ ମେ’ ୧ ତାରିଖଠାରୁ ୧୮ ବର୍ଷରୁ ଊର୍ଦ୍ଧ୍ୱ ସମସ୍ତଙ୍କୁ ଟିକାକରଣ କରାଯିବ ବୋଲି କେନ୍ଦ୍ର ସରକାର ଘୋଷଣା କରିବା ସହ ଘରୋଇ ହସ୍ପିଟାଲରେ ଡୋଜ୍‌ ପିଛା ୬୦୦ ଟଙ୍କା ମୂଲ୍ୟ ଧାର୍ଯ୍ୟ କରିଛନ୍ତି। ଫଳରେ ୨ଟି ଡୋଜ୍‌ ନେବାକୁ ହେଲେ ଜଣ ପିଛା ୧୨ଶହ ଟଙ୍କାରୁ ଅଧିକ ଖର୍ଚ୍ଚ କରିବାକୁ ପଡ଼ିବ। ଏହାଦ୍ୱାରା ଟିକାକରଣ ଓ କୋଭିଡ୍‌ଠାରୁ ଶୀଘ୍ର ମୁକ୍ତି ମିଳିବା ଲକ୍ଷ୍ୟ ବାଧାପ୍ରାପ୍ତ ହେବ। ତେଣୁ ରାଜ୍ୟ ସରକାର ସମସ୍ତଙ୍କୁ ବିନା ମୂଲ୍ୟରେ ଟିକାଦାନ କରିବାକୁ ଜୋରଦାର ଦାବି ହେଉଛି।
କରୋନାର ଦ୍ୱିତୀୟ ଲହର ଅଧିକ ସଂକ୍ରମଣ କରୁଥିବା ଯୋଗୁ କୋଭିଡ୍‌ ଟିକା ନେବାକୁ ଏବେ ସମେସ୍ତ ଅପେକ୍ଷା କରିଛନ୍ତି। ଏହି କାରଣରୁ ସରକାରୀ ଟିକାଦାନ କେନ୍ଦ୍ରଗୁଡ଼ିକରେ ଅସମ୍ଭାଳ ଭିଡ଼ ହେଉଛି। ବରିଷ୍ଠ ନାଗରିକ ହୋଇଥିଲେ ମଧ୍ୟ ସେମାନଙ୍କୁ ଘଣ୍ଟା ଘଣ୍ଟା ଧାଡ଼ିରେ ଠିଆ ହେବାକୁ ପଡ଼ୁଛି। ଅପରପକ୍ଷରେ ଚାହିଦା ତୁଳନାରେ ଯୋଗାଣ ହେଉ ନ ଥିବାରୁ ବହୁ ଟିକାଦାନ କେନ୍ଦ୍ରକୁ ଦିନ ଦିନ ଧରି ବନ୍ଦ ରଖିବାକୁ ପଡ଼ୁଛି। ସପ୍ତାହାନ୍ତ ଶଟ୍‌ଡାଉନ୍‌ ବେଳେ ଟିକାକରଣ ବନ୍ଦ ରଖାଯିବ ବୋଲି ରାଜ୍ୟ ସରକାର କହିଥିବାବେଳେ ମେ’ ୧ ତାରିଖରୁ ୧୮ ବର୍ଷରୁ ଊର୍ଦ୍ଧ୍ୱଙ୍କୁ ଟିକା ଦିଆଗଲେ ସରକାରୀ ଟିକାଦାନ କେନ୍ଦ୍ରଗୁଡ଼ିକରେ ଭିଡ଼ ବହୁଗୁଣ ବଢ଼ିଯିବ। ଯଦି ସରକାରୀ ସ୍ବାସ୍ଥ୍ୟକେନ୍ଦ୍ର ପରି ଘରୋଇ ମେଡିକାଲର ଟିକାଦାନ କେନ୍ଦ୍ରରେ ରାଜ୍ୟ ସରକାର ବିନା ମୂଲ୍ୟରେ ସମସ୍ତଙ୍କୁ ଟିକା ଦେବାକୁ ଘୋଷଣା କରନ୍ତେ ତା’ହେଲେ ଭିଡ଼ ନିୟନ୍ତ୍ରଣ ସହ ଶୀଘ୍ର ଟିକାକରଣ ଓ କୋଭିଡ୍‌ଠାରୁ ମୁକ୍ତି ସହଜ ହୋଇଯାଆନ୍ତା ବୋଲି ମତପ୍ରକାଶ ପାଉଛି।

ବିନା ମୂଲ୍ୟରେ ଟିକା ମିଳୁ
ଗରିବ ଓ ନିମ୍ନ ମଧ୍ୟବିତ୍ତଙ୍କୁ ରାଜ୍ୟ ସରକାର ବିନା ମୂଲ୍ୟରେ ଟିକା ଯୋଗାଇବା କଥା। କେନ୍ଦ୍ର ସରକାରଙ୍କ ସହ ଆଲୋଚନା କରି ରାଜ୍ୟ ସରକାର ସମସ୍ତଙ୍କୁ ନିଃଶୁଳ୍କ ଟିକା ଦେବାର ବ୍ୟବସ୍ଥା କରନ୍ତୁ। କରୋନା ଯୋଗୁ ଦୁଇବର୍ଷ ହେଲା ଲୋକଙ୍କ ଆର୍ଥିକ ଅବସ୍ଥା ଦୋହଲି ଯାଇଥିବାରୁ ମାଗଣା ଟିକା ଜରୁରୀ ହୋଇପଡ଼ିଛି।
-ବିପ୍ଳବ ଜେନା, ଅନୁଗୋଳ ଜିଲା କଂଗ୍ରେସ କମିଟି ସଭାପତି

ମାଗଣା ପାଇଁ କୁଣ୍ଠା କାହିଁକି
ନିର୍ବାଚନ ସମୟରେ ବିଭିନ୍ନ ଯୋଜନା କଥା କହି ଭୁଆଁ ବୁଲାଉଥିବା ରାଜ୍ୟ ସରକାର କୋଭିଡ୍‌ ପରି ଦୁର୍ଦ୍ଦିନରେ ଲୋକଙ୍କୁ ମାଗଣାରେ ଟିକା ଦେବାକୁ କାହିଁକି କୁଣ୍ଠାବୋଧ କରୁଛନ୍ତି। ଘର ଘର ବୁଲି ଯେପରି ସରକାରୀ ଯୋଜନା କୁହାଯାଉଛି, ସେହିଭଳି ଘର ପାଖରେ ନିଃଶୁଳ୍କ ଟିକା ବ୍ୟବସ୍ଥା କରାଯାଉ।
-ପ୍ରତାପ ଚନ୍ଦ୍ର ପ୍ରଧାନ, ରାଜ୍ୟ ଭାଜପା କାର୍ଯ୍ୟକାରିଣୀ ସଦସ୍ୟ, ଅନୁଗୋଳ

ଅନ୍ୟ ରାଜ୍ୟ ପରି ଘୋଷଣା ହେଉ
କେତେକ ରାଜ୍ୟ ସରକାର ସମସ୍ତଙ୍କୁ ମାଗଣାରେ ଟିକା ଦେବାକୁ ଘୋଷଣା କରିଛନ୍ତି। କରୋନର ଦ୍ୱିତୀୟ ଓ ତୃତୀୟ ମ୍ୟୁଟେଶନକୁ ନେଇ ଲୋକେ କାମଧନ୍ଦା ଛାଡ଼ି ଘରେ ଥିବାବେଳେ ଓଡ଼ିଶା ସରକାର ମାଗଣାରେ ଟିକାକରଣ କରନ୍ତୁ। ବର୍ଷେ ପରେ ମଧ୍ୟ ରାଜ୍ୟ ଓ କେନ୍ଦ୍ର ସରକାର ଭିତ୍ତିଭୂମି ଯୋଗାଇ ନ ପାରିବା ଚିନ୍ତାର ବିଷୟ।
-ମାନସ ପାଳ, ଯୁବ ସଙ୍ଗଠକ ରାଜ୍ୟ ଉପସଭାପତି, ଅନୁଗୋଳ

ଠିକ୍‌ ସମୟରେ ସରକାର ନେବେ ନିଷ୍ପତ୍ତି
ରାଜ୍ୟ ସରକାର ସର୍ବଦା ଠିକ୍‌ ସମୟରେ ଠିକ୍‌ ନିଷ୍ପତ୍ତି ନେଇଥାନ୍ତି। ତେଣୁ ସମସ୍ତଙ୍କୁ ବିନା ମୂଲ୍ୟରେ ଟିକା ଦେବା ନେଇ ଉଠୁଥିବା ଦାବି ସମ୍ପର୍କରେ ସରକାର ସମୟ ଅନୁସାରେ ବିଚାର କରିବେ। ଏ ଦିଗରେ କିଛି ନୂଆ ପଦକ୍ଷେପ ସରକାରଙ୍କ ପକ୍ଷରୁ ଆସିପାରେ। ଏହା ପୂର୍ବରୁ ଆକଳନ କରିବା କଷ୍ଟକର।
-ମହେନ୍ଦ୍ର ବସ୍ତିଆ, ଜିଲା ବିଜେଡି ସଭାପତି, ଅନୁଗୋଳ

 

୧୮୮ ପଜିଟିଭ୍‌ ଚିହ୍ନଟ

ଅନୁଗୋଳ ଜିଲାରେ ଦୈନିକ କରୋନା ସଂକ୍ରମିତଙ୍କ ସଂଖ୍ୟା ଦ୍ୱିଶତକ ନିକଟତର ହୋଇଛି। ଶନିବାର ଜିଲାରୁ ୧୮୮ ଜଣ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଜିଲାରେ ମୋଟ ପଜିଟିଭ୍‌ ସଂଖ୍ୟା ୧୩ ହଜାର ୯୧୮ରେ ପହଞ୍ଚତ୍ଥିବା ଜିଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ ସୂଚନା ଦେଇଛନ୍ତି। ନୂଆ ସଂକ୍ରମିତଙ୍କ ମଧ୍ୟରେ ଛେଣ୍ଡିପଦା ବ୍ଲକରୁ ସର୍ବାଧିକ ୩୧ ଜଣ ଚିହ୍ନଟ ହୋଇଥିବାବେଳେ ବଅଁରପାଳ ବ୍ଲକରେ ୩୦, ଅନୁଗୋଳ ପୌରାଞ୍ଚଳରେ ୨୮, ତାଳଚେର ବ୍ଲକରେ ୨୮, ତାଳଚେର ପୌରାଞ୍ଚଳରୁ ୨୨, କଣିହଁା ବ୍ଲକରୁ ୧୭, ଅନୁଗୋଳ ବ୍ଲକରୁ ୧୪, କିଶୋରନଗର ବ୍ଲକରୁ ୯, ପାଲଲହଡ଼ା ବ୍ଲକରୁ ୬ ଓ ଆଠମଲ୍ଲିକ ବ୍ଲକରୁ ୩ ଜଣ ରହିଛନ୍ତି। ସେହିପରି ଦିନକରେ ଜିଲାରୁ ୩୬ ଜଣ କରୋନାରୁ ସୁସ୍ଥ ହୋଇଥିବା ପ୍ରଶାସନ ପକ୍ଷରୁ ସୂଚନା ପ୍ରଦାନ କରାଯାଇଛି।


Enter your email to get our daily news in your inbox.

All Right Reserved By Dharitri.Com

ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ପାଇଁ ୪ ହେଲ୍ପଡେସ୍କ ଖୋଲିଲା ବିଏମ୍‌ସି

ଭୁବନେଶ୍ୱର, ୩୦ା୧(ବ୍ୟୁରୋ): ସହରାଞ୍ଚଳରେ ବାସ କରୁଥିବା ଲୋକେ ସେମାନଙ୍କ ସମ୍ପତ୍ତି (ହୋଲ୍ଡିଂ) ଟିକସ ଦେବାକୁ ଏନ୍‌ଏସି, ମ୍ୟୁନିସିପାଲିଟି କିମ୍ବା ମହାନଗର ନିଗମ କାର୍ଯ୍ୟାଳୟକୁ ଦୌଡିବାକୁ ପଡିବ...

ପଦ୍ମଶ୍ରୀ ରଘୁନାଥ ମହାପାତ୍ରଙ୍କ ପରେ କରୋନାରେ ଚାଲିଗଲେ ପୁଅ  

ଭୁବନେଶ୍ୱର,୧୯।୫(ବ୍ୟୁରୋ): ବିଧିର ବିଧାନ ବଡ଼ ବିଚିତ୍ର। ଦଇବ ଦାଉ ସାଧିଲା। ୧୧ଦିନ ପୂର୍ବରୁ ବାପା ପରପାରିକୁ ଚାଲିଯାଇଥିବା ବେଳେ ଏବେ ପୁଅଙ୍କର ଦେହାନ୍ତ ହୋଇଛି। ପଦ୍ମଶ୍ରୀ...

ରାଜ୍ୟରୁ ପୁଣି ୬ ମୁଣ୍ଡ ନେଲା କରୋନା

ଭୁବନେଶ୍ୱର,୩।୨(ବ୍ୟୁରୋ): ରାଜ୍ୟରେ ବୁଧବାର କରୋନା ଆଉ ୬ ଜଣଙ୍କ ଜୀବନ ନେଇଛି। ଏଥିସହ ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୯,୦୮୫କୁ ବୃଦ୍ଧି ପାଇଥିବା ରାଜ୍ୟ ସ୍ବାସ୍ଥ୍ୟ...

ବର୍ଷା ଆରମ୍ଭ, ୮୮୬ ରାସ୍ତା କଦର୍ଯ୍ୟ

କେନ୍ଦ୍ରାପଡ଼ା ଅଫିସ, ୧୩ା୬: କେନ୍ଦ୍ରାପଡ଼ା ଜିଲାରେ ମୌସୁମୀ ବର୍ଷା ଆରମ୍ଭ ହୋଇଛି। ଏପରିସ୍ଥଳେ ବହୁ ରାସ୍ତା ବେହାଲ ହୋଇଥିବାରୁ ଅଞ୍ଚଳବାସୀ ଚିନ୍ତାରେ ଅଛନ୍ତି। ଚଳିତ ଆର୍ଥିକ...

ଡରାଇଲାଣି କରୋନା: ରାଜଧାନୀରୁ ଚିହ୍ନଟ ହେଲେ ଆଉ ୨୧୫ ଆକ୍ରାନ୍ତ, ଜାଣନ୍ତୁ କେଉଁଠୁ କେତେ..

ଭୁବନେଶ୍ୱର,୯୨୮।୭(ବ୍ୟୁରୋ): ଦିନକୁ ଦିନ ରାଜଧାନୀ ଭୁବନେଶ୍ୱରରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ମଙ୍ଗଳବାର ପୁଣି ୨୧୫ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ସେଥିରୁ ୧୫୦...

କରୋନା ମାଡ଼ରେ ବେପାର ମାନ୍ଦା

ଭୁବନେଶ୍ୱର,୧୬।୩(ବ୍ୟୁରୋ): କରୋନା ଭାଇରସ୍‌ ସଂକ୍ରମଣକୁ ଏଡ଼ାଇବା ପାଇଁ ପ୍ରଶାସନ ପକ୍ଷରୁ ବହୁ ପଦକ୍ଷେପ ନିଆଯାଉଛିା ହାଟ, ବଜାର, ସଭା ସମିତିକୁ ନ ଯିବାକୁ ବାରଣ କରାଯାଉଛି।...

ଓ୍ବାର୍ଲଡ଼ ରେକର୍ଡ କଲେ ବଲାଙ୍ଗୀରର ୧ ବର୍ଷ ୧୧ ମାସର ଶିଶୁ

ବଲାଙ୍ଗୀର ଅଫିସ,୧୨ା୧- ଭାରତର ପ୍ରାଦଶିକ ରାଜଧାନୀମାନଙ୍କ ନାମ ଆବୃତ୍ତି କରି ବଲାଙ୍ଗୀର ସହରର ଜଣେ ୧ବର୍ଷ ୧୧ ମାସ ୬ ଦିନର ଶିଶୁପୁତ୍ର ବିଶ୍ୱରେକର୍ଡ କରିଥିବା...

ଏମ୍ସ ସହ ସ୍ବାସ୍ଥ୍ୟ ବିଭାଗର ବୁଝାମଣାପତ୍ର ସ୍ବାକ୍ଷର: ଏମ୍ସରେ ମିଳିବ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାର ସୁବିଧା

ଭୁବନେଶ୍ୱର,୧୯।୬(ବ୍ୟୁରୋ): ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା (ବିଏସ୍‌କଓ୍ବୋଇ)ରେ ଚିକିତ୍ସା ସେବା ପ୍ରଦାନ ନିମନ୍ତେ ମଙ୍ଗଳବାର ଏମ୍ସ ଭୁବନେଶ୍ୱର ଓ ରାଜ୍ୟ ସ୍ବାସ୍ଥ୍ୟ ବିଭାଗ ମଧ୍ୟରେ ଏକ...

Advertisement
Archives

Model This Week