ଜଗାକୁ ଘରୁ ଦର୍ଶନ କରିବାର ଅଧିକାର କେହି ଛଡ଼ାଇ ନେଇପାରିବେନି

‘ଏଭଳି ନିଷ୍ପତ୍ତି ଅସାମ୍ବିଧାନିକ’
ପ୍ରଶାସନ କୌଣସି ଅଶ୍ଳୀଳ ଭିଡିଓ ଦେଖିବାକୁ ମନା କରିପାରିବ। ମାତ୍ର ଘରେ ରହି ଦାଣ୍ଡକୁ ଚାହିଁବାର ଅଧିକାର କିଭଳି ଛଡ଼ାଇ ନିଆଯିବ। ନିଜ ଘରେ ଚଳପ୍ରଚଳ କରିବା ଓ ଦେଖିବାର ଅଧିକାର କେହି ଛଡ଼ାଇ ନେଇପାରିବେ ନାହିଁ। ତେବେ ପୁରୀ ସହରବାସୀ ନିଜ ଘର ଛାତ ଉପରେ ରଥଯାତ୍ରା ଦେଖିବା ଉପରେ ପ୍ରଶାସନ ରୋକ ଲଗାଇବା ନିଷ୍ପତ୍ତି ପାଇଁ ଆଶ୍ଚର୍ଯ୍ୟ ଲାଗୁଛି। ପ୍ରଶାସନର ଏଭଳି ନିଷ୍ପତ୍ତି ଅସାମ୍ବିଧାନିକ। ଛାତ ଉପର ଓ ବାଲକୋନିକୁ ଯିବାକୁ କାହାରି ଅନୁମତି ନେବାକୁ ପଡ଼ିବ ଏକଥା ବିଶ୍ୱାସ କରିହେଉନି। ଏଭଳି ସ୍ଥିତିକୁ ଗଣତନ୍ତ୍ରରେ ସବୁଠାରୁ ଖରାପ ସ୍ଥିତି ବୋଲି ବିଚାର କରାଯାଇପାରିବ।
– ପ୍ରଶାନ୍ତ କୁମାର ମିଶ୍ର, ବରିଷ୍ଠ ଆଇନଜୀବୀ
‘ଛାତକୁ ଆସିବାକୁ ଅନୁମତି ଦିଆଯିବ ନାହିଁ କାହିଁକି’
ଘରେ ପରିବାର ସଦସ୍ୟ ଏକାଠି ରହୁଛନ୍ତି। ଏଣୁ କଟକଣା ଭାଙ୍ଗିବାର ପ୍ରଶ୍ନ ଉଠୁଛି କାହିଁକି। ତା’ଛଡା ପ୍ରଶାସନ ବଡଦାଣ୍ଡ ସହ ସଂଶ୍ଳିଷ୍ଟ ୨୩୦ ଘର ସର୍ଭେ କରିଥିବା କହୁଛି। ସେଠାରେ କେତେ ଲୋକ ରହୁଛନ୍ତି ସେ ସଂକ୍ରାନ୍ତ ତଥ୍ୟ ପ୍ରଶାସନ ପାଖରେ ଥିବ। କଟକଣା ଲାଗିବା ପରେ ପୋଲିସର ବିନା ଅନୁମତିରେ କାହାରି ଘରକୁ ବାହାର ଲୋକ ମଧ୍ୟ ଆସିବା ସମ୍ଭବ ନୁହେଁ। ତେବେ ବଡ଼ଦାଣ୍ଡ ଅଞ୍ଚଳରେ ରହୁଥିବା ଲୋକଙ୍କୁ ଛାତକୁ ଆସିବାକୁ ଅନୁମତି ଦିଆଯିବ ନାହିଁ କାହିଁକି ବୋଲି ମହାନ୍ତି ପ୍ରଶ୍ନ କରିଛନ୍ତି।
– ବିଶ୍ୱଜିତ୍‌ ମହାନ୍ତି, ସୂଚନା ଅଧିକାର କର୍ମୀ
‘ଲୋକେ ଘରେ ରହି ବାହାରକୁ ଦେଖିବେ ନାହିଁ’
ପୁରୀ ସହରବାସୀ ଘରେ ରହି ବାହାରକୁ ଦେଖିପାରିବେ ନାହିଁ। ଏଭଳି ଆଇନ କିଭଳି ଭାବେ ଯଥାର୍ଥ ତାହା ମୋତେ ବୁଝାପଡୁନାହିଁ। ବ୍ୟକ୍ତିଗତ ସମ୍ପତ୍ତି ଭିତରେ କଟକଣା ରହିବ କିଭଳି। କଟକଣା ବେଳେ ଘରୋଇ ସମ୍ପତ୍ତି ମଧ୍ୟକୁ ପ୍ରବେଶ ମନା କରିବା କଥା ଗ୍ରହଣୀୟ। ମାତ୍ର ମୁଁ ମୋ ନିଜ ଘରେ ଚଳପ୍ରଚଳ କରିବା ପାଇଁ ଛାତ ଓ ବାଲକୋନିକୁ ଯିବା ଲାଗି ଅନ୍ୟର ଅନୁମତି ନେବାକୁ ଉଚିତ୍‌ ମନେ କରିବି ନାହିଁ। ସେହିଭଳି ୧୪୪ ଧାରାରେ ୨ ଜଣରୁ ଅଧିକ ଲୋକ ଏକାଠି ହୋଇପାରିବେ ନାହିଁ। ମାତ୍ର ଜଣଙ୍କ ଘର ଭିତରେ ପ୍ରଶାସନ କଟକଣା ଲଗାଇପାରିବ ନାହିଁ।
– ପ୍ରିୟଦର୍ଶନ ପଟ୍ଟନାୟକ, ଆଇନଜୀବୀ
‘ହିଟଲର ଶାସନ ଭଳି ମନେ ହେଉଛି’
ମୋ ଘର ଉପରେ ମୋର ଅଧିକାର ରହିଛି। ଧରିନିଅନ୍ତୁ ମୋର କିଛି ବ୍ୟକ୍ତିଗତ କାର୍ଯ୍ୟରେ ମୋତେ ଛାତ କିମ୍ବା ବାଲକୋନିକୁ ଯିବାର ଥିବ, ତେବେ ମୁଁ ଯିବି ନାହିଁ କାହିଁକି। ପ୍ରଶାସନର ଏଭଳି ନିଷ୍ପତ୍ତି ଏକ ପ୍ରକାର ହିଟଲର ଶାସନ। ମୋତେ ମୋରି ଘରେ ଚଳପ୍ରଚଳ କରିବାକୁ ମନା କରାଯାଉଛି। ଏହାଠାରୁ ବଡ଼ ଦୁର୍ଭାଗ୍ୟଜନକ କଥା କିଛି ନ ଥାଇପାରେ। ସେହିଭଳି ବିନା ଭକ୍ତରେ ରଥଯାତ୍ରା ହେବ ବୋଲି ନିଷ୍ପତ୍ତି ହୋଇଛି। ଆମେ ରଥଯାତ୍ରାରେ ସାମିଲ ହେଉନୁ, ନିଜ ଘର ପରିସୀମା ଭିତରେ ଠିଆ ହୋଇ କାର୍ଯ୍ୟ କରୁଛି। ଏହାକୁ ରୋକିବାର ଅଧିକାର କାହାରି ନାହିଁ।
– ସିଦ୍ଧେଶ୍ୱର ମହାନ୍ତି, ବଡଦାଣ୍ଡ ସଂଲଗ୍ନ ଅଞ୍ଚଳର ଘର ମାଲିକ
‘ବ୍ୟକ୍ତିଗତ କାର୍ଯ୍ୟକଳାପରେ ହସ୍ତକ୍ଷେପ’
ଏଭଳି ପଦକ୍ଷେପ ନିହାତି ପକ୍ଷେ ନିନ୍ଦନୀୟ। ଯେଉଁମାନେ ଘରେ ଅଛନ୍ତି ସେମାନେ ରାସ୍ତା ଉପରକୁ ଆସୁନାହାନ୍ତି। ଘରେ ରହି ଦର୍ଶନ କରିବାରେ ଅସୁବିଧା କେଉଁଠି। ତେବେ ସବୁଠାରୁ ବଡ଼ ପ୍ରଶ୍ନ ହେଉଛି ମୋ ଘର ଭିତରେ ମୋ ଚଳପ୍ରଚଳକୁ ପ୍ରଶାସନ ରୋକିପାରିବ ନାହିଁ। ଏସବୁ ବ୍ୟକ୍ତିଗତ କାର୍ଯ୍ୟକଳାପରେ ହସ୍ତକ୍ଷେପ ବୋଲି ବୁଝାଯିବ। ଏଭଳି ନିଷ୍ପତ୍ତିକୁ ତୁରନ୍ତ ପ୍ରତ୍ୟାହାର କରିନିଆଯାଉ।
– ଉମାକାନ୍ତ ନାୟକ, ବଡଦାଣ୍ଡ ସଂଲଗ୍ନ ଅଞ୍ଚଳର ଘର ମାଲିକ


Enter your email to get our daily news in your inbox.

All Right Reserved By Dharitri.Com

ନିଜ ଅଞ୍ଚଳକୁ ସାନିଟାଇଜ କଲେ ଯୁବଗୋଷ୍ଠୀ

ପାପଡାହାଣ୍ଡି,୫।୪(ଡି.ଏନ.ଏ.): କରୋନା ଭୂତାଣୁର ସଂକ୍ରମଣ ରୋକିବା ପାଇଁ ରବିବାର ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ସଦର ମହକୁମାକୁ ସାନିଟାଇଜ କରାଯାଇଛି। ଏଥିପାଇଁ ଆଗେଇ ଆସିଛନ୍ତି ସହରର...

‘ବ୍ରହ୍ମୋସ’ ର ପରୀକ୍ଷଣ ସଫଳ

ବାଲେଶ୍ୱର ଅଫିସ, ୩୦।୯-ବାଲେଶ୍ୱର ଜିଲା ଚାନ୍ଦିପୁରସ୍ଥିତ ସମନ୍ବିତ ପରୀକ୍ଷଣ ପରିସର (ଆଇଟିଆର୍‌) ୩ନଂ. ଉତ୍‌କ୍ଷେପଣ କେନ୍ଦ୍ରରୁ ସୋମବାର ପୂର୍ବାହ୍ନ ୧୦ଟା ୩୦ ମିନିଟ୍‌ରେ ସୁପରସୋନିକ୍‌ କ୍ରୁଜ...

ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିକୁ ସହାୟତା

ବାଲେଶ୍ୱର ଅଫିସ, ୯।୪-ବାଲେଶ୍ୱରସ୍ଥିତ ବାଲିଆ ରାମେଶ୍ୱର ମନ୍ଦିର ସମ୍ମୁଖରେ ଥିବା ମେସି ଫର୍ଗୁସନ ଟ୍ରାକ୍ଟର କମ୍ପାନୀର ଜିଲା ଡିଲର ‘ମେସର୍ସ ଲକ୍ଷ୍ମୀରେଖା ଅଟୋମୋବାଇଲ୍ସ’ର ଦୁଇ ବିଜିନେସ୍‌...

ଭୁବନେଶ୍ୱରରେ ୩୪ ପ୍ଲାଟୁନ ଫୋର୍ସ ମୁତୟନ

ଭୁବନେଶ୍ୱର,୧୧।୩(ବ୍ୟୁରୋ):ଆଜି ସମଗ୍ର ରାଜ୍ୟରେ ଧୁମ୍‌ଧାମରେ ମହାଶିବରାତ୍ରୀ ପାଳନ କରାଯାଉଛି। ଏହି ଅବସରରେ ବିଭିନ୍ନ ଶିବ ମନ୍ଦିରରେ ଭକ୍ତ ଭିଡ ଜମିଛି। କୋଭିଡ କଟକଣା ମଧ୍ୟରେ ସାମାଜିକ...

ସଙ୍ଗରୋଧ କେନ୍ଦ୍ରରେ ବନ୍ଦେ ଉତ୍କଳ ଜନନୀ ଗାଇଲେ ପ୍ରବାସୀ

ଚୌଦ୍ୱାର,୩୦ା୫(ଡି.ଏନ.ଏ.)-କରୋନା ଯୋଦ୍ଧାଙ୍କୁ ସମ୍ମାନ ଜଣାଇ ଚୌଦ୍ୱାର କଲେଜ ମହିଳା ଛାତ୍ରୀ ନିବାସରରେ ରହୁଥିବା ପ୍ରବାସୀମାନେ ଜଗନ୍ନାଥ ମହାପ୍ରଭୁଙ୍କ ଉଦ୍ଦେଶ୍ୟରେ ମହମବତୀ ଜାଳିବା ସହିତ ‘ବନ୍ଦେ ଉତ୍କଳ...

ହେଟାବାଘ ଆକ୍ରମଣରେ ୧୯ ଛେଳି ମୃତ

ରଣପୁର,୨୯।୮(ସ୍ବ.ପ୍ର.): ରଣପୁର ବ୍ଲକ କଙ୍କିଆ ସାଅଁ।ତରାପୁର ଗଁ।ରେ ହେଟାବାଘ ଆତଙ୍କ ଦେଖାଦେଇଛି । ମଙ୍ଗଳବାର ରାତିରେ ହେଟାବାଘ ଆକ୍ରମଣରେ ୧୯ ଛେଳି ମରିଯାଇଥିବାବେଳେ ୪ ଛେଳିକୁ...

୬ ମାସରେ ଗଲାଣି ୨୩୧ ଜୀବନ

ଛତ୍ରପୁର,୨୦ା୭(ଡି.ଏନ.ଏ.)-ଗଞ୍ଜାମ ଜିଲାରେ ଦିନକୁ ଦିନ ସଡ଼କ ଦୁର୍ଘଟଣା ବୃଦ୍ଧି ପାଇବାରେ ଲାଗିଛି ା ଜିଲାରେ ଗତ ୬ ମାସ ମଧ୍ୟରେ ହୋଇଥିବା ୪୧୧ ଦୁର୍ଘଟଣାରେ ୨୩୧...

ମାଲିକ ନ କଲେ ଆଣ୍ଟିଜେନ ଟେଷ୍ଟ, ସିଲ୍‌ ହେବ ଦୋକାନ

ଗଞ୍ଜାମ,୧୧।୮(ଡି.ଏନ୍‌.ଏ.): ଗଞ୍ଜାମ ଜିଲାରେ କରୋନା ସ୍ଥିତି ଦିନକୁ ଦିନ ବିଗିଡ଼ିବାରେ ଲାଗିଛି। ଏ ନେଇ ଗଞ୍ଜାମ ସହରରେ ଥିବା ସମସ୍ତ ଦୋକାନ ମାଲିକମାନେ ଆଣ୍ଟିଜେନ ଟେଷ୍ଟ...

Advertisement


Archives

Model This Week