ନୂଆଦିଲ୍ଲୀ,୧୫।୬: ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ଶନିବାର ବଡ଼ ଘୋଷଣା କରିଛନ୍ତି। ମାତ୍ର ୨ ମାସ ମଧ୍ୟରେ ଦେଶରେ ‘ବନ୍ଦେ ଭାରତ ସ୍ଲିପର’ ଟ୍ରେନ୍ ଗଡ଼ିବ। ସରକାର ଓ୍ବେଟିଂ(ଅପେକ୍ଷା) ସମସ୍ୟା ସହ ଲଢ଼ିବା ଲାଗି ଲଗାତର ଚେଷ୍ଟା କରୁଛନ୍ତି। ଏଣୁ ୬୦ ଦିନ ମଧ୍ୟରେ ଏହି ଟ୍ରେନ୍ ଚାଲିବ।
ବର୍ତ୍ତମାନ ପର୍ଯ୍ୟନ୍ତ ୨ ଟ୍ରେନ୍ ପ୍ରସ୍ତୁତ ହୋଇଛି। ଆଗାମୀ ୬ ମାସ ଯାଏ ପରୀକ୍ଷଣ କରାଯିବ। ଏହାପରେ ଟ୍ରେନ୍ ସାଧାରଣ ସେବା ଲାଗି ଲଞ୍ଚ କରିବା ଆରମ୍ଭ ହେବ। ଏବେ ବନ୍ଦେ ଭାରତ ସ୍ଲିପର ପାଇଁ ୪ କୋଚର୍ ଏକ ବେସିକ୍ ଟ୍ରେନ୍ ପ୍ରସ୍ତୁତ କରାଯାଇଛି।
କେବଳ ଏତିକି ନୁହେଁ ଆଗାମୀ ୫ ବର୍ଷ ମଧ୍ୟରେ ପ୍ରାୟ ୪୦୦ ବନ୍ଦେ ଭାରତ ଟ୍ରେନ୍ ଟ୍ରାକ୍କୁ ଆଣିବାକୁ ଯୋଜନା ରହିଛି। ବନ୍ଦେ ଭାରତ ଟ୍ରେନ୍ରେ ଇଞ୍ଜିନ ଭିନ୍ନ ନ ଥାଏ। ଦ୍ରୁତ ଗତି ପାଇଁ ଏହା ଲୋକପ୍ରିୟ ହେବାରେ ଲାଗିଛି।
