ଛତ୍ରପୁର,୧୭।୯(ଡି.ଏନ.ଏ.): ଗଞ୍ଜାମ ଜିଲାରେ ଏବେ ବି ବହୁଲୋକ କରୋନା ଟିକା ନେଇ ନ ଥିବା ଜଣାପଡିଛି। ବିଶେଷ କରି ୧୮ ବର୍ଷରୁ ୫୯ ବୟସ୍କ ଲୋକ ୭୧ ପ୍ରତିଶତ ପ୍ରିକଶନ ଡୋଜ ଟିକା ନେଇ ନ ଥିବା ସିଡିଏମଓଙ୍କ ପକ୍ଷରୁ ସୂଚନା ମିଳିଛି । ଏହି ବୟସ୍କ ପ୍ରିକଶନ ଡୋଜ ଟିକା ପାଇଁ ଜିଲାରେ ୨୦,୭୧,୬୦୫ ଲକ୍ଷ୍ୟଧାର୍ଯ୍ୟ ଥିବା ବେଳେ ମାତ୍ର ୨୯ ପ୍ରତିଶତ ହାରରେ ୬୦୬୧୦୬ ଲୋକ ଟିକା ନେଇଛନ୍ତି। ୧୪ ଲକ୍ଷ ୬୫ ହଜାର ୪୯୯ ଜଣ ଏହି ଟିକା ନେଇନାହାନ୍ତି । ଜିଲାରେ ୧୨ରୁ ୧୪ ବର୍ଷ ମଧ୍ୟରେ ପ୍ରଥମ ଡୋଜ ଟିକା ୧ ଲକ୍ଷ ୨୭ ହଜାର ୮୮୦ ଲକ୍ଷ୍ୟଧାର୍ଯ୍ୟ ଥିବା ବେଳେ ୧୧୩ ପ୍ରତିଶତ ହିସାବରେ ୧୪୪୭୨୪ ଜଣ ନେଇଛନ୍ତି । ସେହିଭଳି ୨ୟ ଡୋଜ ଟିକା ୧ ଲକ୍ଷ ୪୪ ହଜାର ୭୨୪ ଜଣଙ୍କ ମଧରୁ ୧ ଲକ୍ଷ ୧୫ ହଜାର ୨୦ ଜଣ ନେଇଛନ୍ତି ଯାହାକି ୭୯ ପ୍ରତିଶତ। ସେହିପରି ୧୫ରୁ ୧୭ ବର୍ଷ ମଧ୍ୟରେ ପ୍ରଥମ ଡୋଜ ଟିକା ୨ ଲକ୍ଷ ୧୪ ହଜାର ୯୨୪ ମଧ୍ୟରୁ ୯୮ ପ୍ରତିଶତ ହିସାବରେ ୨ ଲକ୍ଷ ୧୧ ହଜାର ୪୦୧ ଜଣ ନେଇଛନ୍ତି। ଦ୍ୱିତୀୟ ଡୋଜ ୧ ଲକ୍ଷ ୮୮ ହଜାର ୪୮୯ ଜଣ ନେଇଛନ୍ତି । ୧୮ ବର୍ଷରୁ ଅଧିକ ବୟସ୍କ ପ୍ରଥମ ଡୋଜ ଟିକା ୨୭ ଲକ୍ଷ ୨୨ ହଜାର ୯୦୬ ମଧ୍ୟରୁ ୯୮ ପ୍ରତିଶତ ହିସାବରେ ୨୬ ଲକ୍ଷ ୫୯ ହଜାର ୪୪୫ ଜଣ ନେଇଥିବା ବେଳେ ଦ୍ୱିତୀୟ ଡୋଜ ଟିକା ୨୬ ଲକ୍ଷ ୧୩ ହଜାର ୫୫୪ ଜଣ ନେଇଛନ୍ତି । ସ୍ବାସ୍ଥ୍ୟ କର୍ମଚାରୀ ୨୫ ହଜାର ୯୦୨ରୁ ପ୍ରଥମ ଡୋଜ ଟିକା ଶତପ୍ରତିଶତ ହୋଇଥିବା ବେଳେ ଦ୍ୱିତୀୟ ଡୋଜ ଟିକା ୨୪ ହଜାର ୯୬୯ ଜଣ ନେଇଛନ୍ତି । ସେହିପରି ପ୍ରିକଶନ ଡୋଜ ଟିକା ୮୦ ପ୍ରତିଶତ ଅର୍ଥାତ୍ ୨୦ ହଜାର ୭୭୬ ଜଣ ନେଇଛନ୍ତି । ଯାହାକି ଏବେବି ୫ ହଜାର ୧୨୬ ଜଣ ସ୍ବାସ୍ଥ୍ୟ କର୍ମଚାରୀ ପ୍ରିକଶନ ଡୋଜ ଟିକା ନେଇନାହାନ୍ତି। ଫ୍ରଣ୍ଟ ଲାଇନ କର୍ମଚାରୀ ୨୧ ହଜାର ୬୫୦ ରୁ ପ୍ରଥମ ଡୋଜ ଟିକା ଶତପ୍ରତିଶତ ହୋଇଥିବା ବେଳେ ଦ୍ୱିତୀୟ ଡୋଜ ୨୦ ହଜାର ୮୫୪ ଜଣ ନେଇଛନ୍ତି। ପ୍ରିକସନ ଡୋଜ ଟିକା ୨୭ ହଜାର ୯୩୭ ଜଣ ନେଇଥିବା ଜଣାପଡିଛି । ବିଶେଷ କରି ୧୮ ରୁ ୫୯ ବୟସ୍କ ବ୍ୟକ୍ତିମାନେ ପ୍ରିକଶନ ଡୋଜ ଟିକା ବହୁ ମାତ୍ରରେ ନେଉ ନଥିବା ଜଣାପଡିଛି ।
