ନେଟ୍‌ଓ୍ବର୍କ ପାଇବାକୁ ନୟାନ୍ତ

ବଇଣ୍ଡା,୨୧ା୬: ପୂର୍ବରୁ କେବଳ ଯୋଗାଯୋଗର ମାଧ୍ୟମ ଥିବା ମୋବାଇଲ ଏବେ ଏକ ଜରୁରୀ ଆବଶ୍ୟକତା ହୋଇଯାଇଛି। ସ୍ମାର୍ଟ ତଥା ବ୍ୟସ୍ତ ଜୀବନର ତ ଏହା ଗୁରୁତ୍ୱପୂର୍ଣ୍ଣ ଅଙ୍ଗ ପାଲଟିଯାଇଛି। ବିମାନ ଟିକେଟ୍‌ ହେଉ କି ବ୍ୟାଙ୍କ ସେବା, ବହୁ କଷ୍ଟକର କାର୍ଯ୍ୟ ମଧ୍ୟ ଘରେ ବସି ଅତି ସହଜରେ ମୋବାଇଲରେ ଇଣ୍ଟରନେଟ୍‌ ଦ୍ୱାରା କରାଯାଇପାରୁଛି। ଶିକ୍ଷିତବର୍ଗ କିମ୍ବା ସହରୀଙ୍କ ନିକଟରେ ଏହା ଆଉ ସୀମିତ ହୋଇ ରହିନାହିଁ। ସରକାରଙ୍କ ବିଭିନ୍ନ ଯୋଜନାର ହିତାଧିକାରୀ ହେବାକୁ ଗ୍ରାମାଞ୍ଚଳର ସାଧାରଣ ଖଟିଖିଆ, ଗରିବ ଦିନମଜୁରିଆଙ୍କ ନିମନ୍ତେ ମୋବାଇଲ ନିହାତି ଜରୁରୀ ହୋଇପଡ଼ିଛି। କିନ୍ତୁ ଆଜିର ଡିଜିଟାଲ ଯୁଗରେ ମଧ୍ୟ ବହୁ ଗ୍ରାମବାସୀ ଏହି ସେବାରୁ ବଞ୍ଚିତ ରହିଛନ୍ତି। ଅନୁଗୋଳ ଜିଲା କିଶୋରନଗର ବ୍ଲକର ୧୭ଟି ଗଁାରେ ମୋବାଇଲ ନେଟଓ୍ବର୍କ ଆସୁ ନ ଥିବାରୁ ଏଠାକାର ରାଶନ କାର୍ଡଧାରୀଙ୍କୁ ଆଧାର ଲିଙ୍କ୍‌ ପାଇଁ କେତେବେଳେ ଡିଲରଙ୍କ ସହ ପାହାଡ଼ ଚଢ଼ିବାକୁ ହେଉଛି ତ ଆଉ କେତେବେଳେ ଦୂର ଗଁାକୁ ଯିବାକୁ ପଡ଼ୁଛି। ଏସ୍‌ଏମ୍‌ଏସ୍‌ ଦ୍ୱାରା ଆସୁଥିବା ସରକାରଙ୍କ ବିଭିନ୍ନ ଯୋଜନାର ସୂଚନା ଓ ସମ୍ଭାବ୍ୟ ବିପଦ ସମ୍ପର୍କିିତ ବାର୍ତ୍ତା ସେମାନଙ୍କୁ ମିଳିପାରୁ ନାହିଁ। ମହାମାରୀ ବେଳେ ଏସବୁ ଗଁାର ପିଲା ଅନ୍‌ଲାଇନ୍‌ରେ ଶିକ୍ଷା ପାଇପାରୁ ନାହାନ୍ତି। ଟିକା ପାଇଁ ରେଜିଷ୍ଟ୍ରେଶନ ତ ଦୂରର କଥା ଅଗ୍ନି ବିପତ୍ତି ବେଳେ ଅଗ୍ନିଶମ ବିଭାଗକୁ ମଧ୍ୟ ଏସବୁ ଗ୍ରାମବାସୀ ଯୋଗାଯୋଗ କରିପାରୁ ନାହାନ୍ତି।
କିଶୋରନଗର ବ୍ଲକ ହଣ୍ଡପା ପଞ୍ଚାୟତର ଖୋଲାରେଗେଡ଼ା, ବାଲିଆମ୍ବ, ନୂଆଁବାଲିଖମଣ ଗ୍ରାମରେ ମୋବାଇଲ ନେଟୱର୍କ ନାହଁି। ସେହିପରି କଣ୍ଟେଇକୋଳିଆ ପଞ୍ଚାୟତର ଅଁଳାବେରେଣି, ବାଲିଖମଣ, ହିଞ୍ଜିରିଡା, ଗୁଣ୍ଡୁରିଝରଣ, ରାଜନପାଳ, ଲକ୍ଷ୍ମୀପ୍ରିୟାପୁର, ବାଲିଆମ୍ବ ଏବଂ ଜାମ୍ବୁନାଳୀ ପଞ୍ଚାୟତର ମଧପୁର, ଗୋଳାସର, ବାଦିବାହଳ, ଅଶ୍ରୁବାହଳ, ନଗାଝରଣ, ଖଣ୍ଡବର ଆଦି ଗ୍ରାମରେ ମୋବାଇଲ ନେଟୱର୍କ ଏବେ ବି ଅପହଞ୍ଚ ରହିଛି। ଫଳରେ ଏସବୁ ଅଞ୍ଚଳର ଲୋକେ ସରକାରଙ୍କ ପକ୍ଷରୁ ଏସ୍‌ଏମ୍‌ଏସ୍‌ରେ ଦିଆଯାଉଥିବା ବିଭିନ୍ନ ଯୋଜନା ସମ୍ପର୍କିତ ସୂଚନା ଠିକ୍‌ଭାବେ ପାଇପାରୁ ନାହାନ୍ତି। ଜଙ୍ଗଲ ଅଧ୍ୟୁଷିତ ଏହି ଗ୍ରାମଗୁଡିକରେ ଅନେକ ଦିନମଜୁରିଆ ଅଛନ୍ତି। ସେମାନେ ଜବ୍‌ କାର୍ଡ କରିଥିବା ବେଳେ ମଜୁରି ଟଙ୍କା ଆକାଉଣ୍ଟକୁ ଆସିଲା କି ନାହିଁ ଜାଣିପାରୁନାହାନ୍ତି। ଏଥିପାଇଁ ଅଯଥାରେ ସେମାନଙ୍କୁ ୧୫ ରୁ ୨୦ କିଲୋମିଟର ଦୂର ବଇଣ୍ଡାସ୍ଥିତ ବ୍ୟାଙ୍କକୁ ଯିବାକୁ ପଡ଼ୁଛି। ସେହିପରି ଲିଙ୍କ୍‌ ନ ଥିବାରୁ ରାଶନକାର୍ଡଧାରୀମାନେ ଡିଲରଙ୍କ ସହ ମୋବାଇଲ୍‌ ଧରି ନିକଟସ୍ଥ ପାହାଡ ଉପରକୁ ଯାଉଛନ୍ତି। ସେଠାରେ ନେଟଓ୍ବର୍କ ଆସୁଥିବାରୁ ଲିଙ୍କ୍‌ କରିବା ପରେ ଚାଉଳ, ଗହମ ପାଇପାରୁଛନ୍ତି। ସରକାର ଏବେ ପ୍ରତ୍ୟେକ ବ୍ୟବସ୍ଥାକୁ ଅନ୍‌ଲାଇନ ମାଧ୍ୟମରେ ଲୋକଙ୍କ ନିକଟରେ ପହଞ୍ଚାଇବାକୁ ଚାହଁୁଥିବାରୁ ଏହି ୧୭ ଗ୍ରାମବାସୀ ସେଥିରୁ ବାଦ୍‌ ପଡ଼ୁଛନ୍ତି। କଟକ-ସମ୍ବଲପୁର ୫୫ ନମ୍ବର ଜାତୀୟ ରାଜପଥରୁ ୧୫ କିଲୋମିଟର ଦୂରରେ ଥିବା ଏସବୁ ଗ୍ରାମବାସୀ ଜାମ୍ବୁନାଳୀ ଠାରେ ଏକ ମୋବାଇଲ ଟାୱାର ବସାଇବାକୁ ୧୨ ମେ ୨୦୧୭ ଓ ୨୫ ଜୁନ ୨୦୧୯ରେ ଜିଲା ପ୍ରଶାସନ ଠାରୁ ଆରମ୍ଭ କରି ଟେଲିକମ୍‌ ମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରିଥିଲେ ମଧ୍ୟ ଏଯାଏ କୌଣସି ପଦକ୍ଷେପ ନିଆଯାଇ ନ ଥିବାରୁ ଅସନ୍ତୋଷ ପ୍ରକାଶ କରିଛନ୍ତି।

ଟେଲିକମ୍‌ ସଂସ୍ଥାଗୁଡ଼ିକୁ ଅବଗତ କରାଯିବ
୩ ପଞ୍ଚାୟତର ୧୭ ଗ୍ରାମରେ କିଭଳି ମୋବାଇଲ ସେବା ପହଞ୍ଚିବ ସେ ନେଇ ବିଏସ୍‌ଏନ୍‌ଏଲ୍‌ ସହ ଟେଲିକମ ସଂସ୍ଥାଗୁଡ଼ିକୁ ଅବଗତ କରାଯିବ। ସରକାରଙ୍କ ପକ୍ଷରୁ ଏସ୍‌ଏମ୍‌ଏସ୍‌ ଦ୍ୱାରା ଦିଆଯାଉଥିବା ସମସ୍ତ ସୂଚନା କିପରି ଏଠାକାର ଲୋକେ ମୋବାଇଲ ଦ୍ୱାରା ପାଇପାରିବେ ସେ ଦିଗରେ ଦୃଷ୍ଟି ଦିଆଯିବ।
-ଶ୍ୟାମଳ କୁମାର ରାଏ, ବିଡିଓ, କିଶୋରନଗର

ଅଭିଯୋଗ ସତ୍ତ୍ୱେ ପଦକ୍ଷେପ ନାହିଁ
ଜାମ୍ବୁନାଳୀ ପଞ୍ଚାୟତର ଗୋଟିଏ ଗାଁକୁ ଛାଡିଦେଲେ ଅନ୍ୟ ଗ୍ରାମଗୁଡିକରେ ମୋବାଇଲ ନେଟଓ୍ବର୍କ ଆସୁନି। ଲୋକଙ୍କ ନିକଟରେ ସରକାରଙ୍କ ଏସ୍‌ଏମ୍‌ଏସ୍‌ ପହଞ୍ଚୁ ନାହଁି। ଏ ନେଇ ପଞ୍ଚାୟତ ପକ୍ଷରୁ ଜିଲା ପ୍ରଶାସନ ଠାରୁ ଆରମ୍ଭ କରି କେନ୍ଦ୍ର ଟେଲିକମ ମନ୍ତ୍ରୀଙ୍କୁ ଅବଗତ କରାଯାଇଛି। ଦୀର୍ଘଦିନ ଅପେକ୍ଷା ପରେ ମଧ୍ୟ ସୁଫଳ ମିଳୁନି।
-ସ୍ବୟମ୍ବର ପ୍ରଧାନ, ସରପଞ୍ଚ, ଜାମ୍ବୁନାଳୀ

ଜଙ୍ଗଲ ଅଞ୍ଚଳ ହୋଇଥିବାରୁ ଅବହେଳା
ଜଙ୍ଗଲ ଅଞ୍ଚଳରେ ଏହି ଗ୍ରାମଗୁଡିକ ଥିବାରୁ ସରକାରୀ ସ୍ତରରେ ଅବହେଳା କରାଯାଉଛି। ମୋବାଇଲ ନେଟଓ୍ବର୍କ କି ଇଣ୍ଟରନେଟ୍‌ ସୁବିଧା ଲୋକଙ୍କୁ ମିଳୁନି। ବିଭିନ୍ନ ବିକାଶମୂଳକ କାର୍ଯ୍ୟ ମଧ୍ୟ ହୋଇପାରୁନାହିଁ। ଗ୍ରାମାଞ୍ଚଳରେ ବ୍ୟାଙ୍କର ଗ୍ରାହକ ସେବା କେନ୍ଦ୍ର ସ୍ଥାପନ ହୋଇପାରୁ ନାହିଁ।
-ଅଜୟ ସାହୁ, ଲକ୍ଷ୍ମୀପ୍ରିୟାପୁର

୨ କିଲୋମିଟର ଯିବାକୁ ପଡ଼ୁଛି
ଗ୍ରାମରୁ ୨ କିଲୋମିଟର ଦୂରକୁ ଗଲେ ମୋବାଇଲରେ ନେଟଓ୍ବର୍କ ଆସୁଛି। ଜରୁରୀ କାର୍ଯ୍ୟ ପାଇଁ ଲୋକେ ସେଠାକୁ ଯାଇପାରୁଛନ୍ତି। ହେଲେ ଛାତ୍ରୀଛାତ୍ରମାନେ ଅନ୍‌ଲାଇନ କ୍ଲାସ କରିପାରୁ ନାହାନ୍ତି। ତୁରନ୍ତ କିପରି ମୋବାଇଲ ଟାୱାର ବସାଯିବା ସେ ଦିଗରେ ପ୍ରଶାସନ ପଦକ୍ଷେପ ନେଲେ ସମସ୍ୟାର ସମାଧାନ ହୁଅନ୍ତା।
– ଅପି ଦେହୁରୀ, ଅଁଳାବେରେଣି

ଜରୁରୀ ସମୟରେ ଯୋଗାଯୋଗ ହେଉନି
ନେଟଓ୍ବର୍କ ନ ଥିବାରୁ ଜରୁରୀ ବେଳେ କାହାକୁ ଯୋଗାଯୋଗ କରିହେଉ ନାହିଁ। ବିଶେଷକରି ବିପଦ ସମୟରେ ଥାନା କି ଅଗ୍ନିଶମ ବିଭାଗକୁ ଫୋନ କରିହେଉ ନାହିଁ। ମଜୁରି ଅର୍ଥ ହେଉ କି ସବ୍‌ସିଡି, ଆକାଉଣ୍ଟକୁ ସରକାର ଟଙ୍କା ପଠାଇଛନ୍ତି କି ନାହିଁ ତାହା ଜାଣିହେଉ ନାହିଁ। ରାଶନ ସାମଗ୍ରୀ ପାଇଁ ମଧ୍ୟ ହଇରାଣ ହେବାକୁ ପଡ଼ୁଛି।
-ଶିବାନୀ ପ୍ରଧାନ, ଗୋଳାସର


Enter your email to get our daily news in your inbox.

All Right Reserved By Dharitri.Com

ବାଜ୍ୟାପ୍ତି ହେବ ରାଜାଙ୍କ ବହୁ କୋଟି ଟଙ୍କାର ବେଆଇନ ସମ୍ପତ୍ତି: ଇଣ୍ଟରନ୍ୟାଶନାଲ ଲିଙ୍କ୍‌ ନେଇ ମିଳିଲା ପ୍ରମାଣ

ଭୁବନେଶ୍ୱର, ୨୬।୯(ବ୍ୟୁରୋ): ଧୂଳିସାତ୍‌ ହେବ ଡ୍ରଗ୍ସ ଡିଲର ତଥା ବ୍ରାଉନସୁଗାର ର଼୍ୟାକେଟର କିଙ୍ଗ୍‌ପିନ୍‌ ସେକ୍‌ ରାଜାଙ୍କ କଳାସାମ୍ରାଜ୍ୟ। କ୍ରାଇମବ୍ରାଞ୍ଚ ଏସ୍‌ଟିଏଫ୍‌ ତାଙ୍କୁ ୭ ଦିନିଆ ରିମାଣ୍ଡରେ...

ବାଲିମେଳା କାର୍ଯ୍ୟନିର୍ବାହୀ ଅଧିକାରୀଙ୍କ ବାସଭବନ ଉପରେ ମରଣାନ୍ତକ ଆକ୍ରମଣ

କୋରୁକୋଣ୍ଡା,୨ା୬(ଡି.ଏନ୍‌.ଏ.): ବାଲିମେଳା କାର୍ଯ୍ୟ ନିର୍ବାହୀ ଅଧିକାରୀଙ୍କ ବାସଭବନ ଉପରେ ମରଣାନ୍ତକ ଆକ୍ରମଣ। ଗୁରୁବାର ଏପରି ଏକ ଅଭାବନୀୟ ଘଟଣା ମାଲକାନଗିରି ଜିଲା ବାଲିମେଳା ଏନ୍‌ଏସିରେ ଦେଖିବାକୁ...

ପୁରୁଣା, ନୂଆମୁହଁକୁ ନେଇ ଲଢ଼େଇ

ଜଗତ୍‌ସିଂହପୁର ଅଫିସ,୩୧ା୧: ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ଜଗତ୍‌ସିଂହପୁର ୪ନଂ. ଜୋନ ସଭ୍ୟ ପଦ ଅଣସଂରକ୍ଷିତ ରହିଛି। ଗତ ନିର୍ବାଚନରେ ଏହି ଜୋନଟି ଅନୁସୂଚିତ ଜନଜାତି ମହିଳାଙ୍କ...

କୋର୍ଟରେ ହାଜର ହେଲେ ଶର୍ମିଷ୍ଠା

ଭୁବନେଶ୍ୱର,୨୮।୩(ବ୍ୟୁରୋ): ବହୁ ଚର୍ଚ୍ଚିତ କ୍ୟାମେରାମ୍ୟାନ ହତ୍ୟାମାମଲାରେ ମୁଖ୍ୟ ଅଭିଯୁକ୍ତ କୁହାଯାଉଥିବା ଶର୍ମିଷ୍ଠା ରାଉତ ସୋମବାର କୋର୍ଟରେ ହାଜର ହୋଇଛନ୍ତି। ତାଙ୍କୁ କ୍ରାଇମବ୍ରାଞ୍ଚ ଚାନ୍ଦବାଲି ଜେଏମ୍‌ଏଫସି କୋର୍ଟରେ...

ଉତ୍ପାଦିତ ଚାରାକୁ ଜଙ୍ଗଲରେ ଫୋପାଡ଼ି ଦେଲେ

ନୂଆଗାଁ,୧୭।୬ (ଡି.ଏନ.ଏ.): ନୟାଗଡ଼ ବନଖଣ୍ଡ ମହୀପୁର ବନ ବିଭାଗର ପ୍ରତି କ୍ଷେତ୍ରରେ ଦୁର୍ନୀତି ହେଉଥିବା ଅଭିଯୋଗ ହେଉଛି। ସେହିଭଳି ଚାରା ଉତ୍ପାଦନ କ୍ଷେତ୍ରରେ ମଧ୍ୟ ଦୁର୍ନୀତି...

କରୋନାରୁ ସୁସ୍ଥ ହେବା ପରେ ହୃଦଘାତ: ଶ୍ରୀମନ୍ଦିର ବରିଷ୍ଠ ଦଇତାପତି ସେବକ ପ୍ରେମାନନ୍ଦଙ୍କ ପରଲୋକ

ପୁରୀ ଅଫିସ,୨୦।୯: ଶ୍ରୀମନ୍ଦିରର ବରିଷ୍ଠ ଦଇତାପତି ସେବକ ପ୍ରେମାନନ୍ଦ ଦାସ ମହାପାତ୍ର(୬୫)ଙ୍କ ପରଲୋକ ହୋଇଯାଇଛି। କିଛି ଦିନ ତଳେ ସେ କରୋନାରୁ ସୁସ୍ଥ ହୋଇ ହୋମ୍‌...

ଆଜି ଗୃହରେ ସରକାରଙ୍କୁ ଘେରିବେ ବିରୋଧୀ

ଭୁବନେଶ୍ୱର,୪ା୭(ବ୍ୟୁରୋ): ବିଧାନସଭା ମୌସୁମୀ ଅଧିବେଶନ ଶନିବାରଠାରୁ ଆରମ୍ଭ ହୋଇଛି। ଅଧିବେଶନ ଆରମ୍ଭ ହେବା ପୂର୍ବରୁ ବିରୋଧୀ ଭାଜପା ଏବଂ କଂଗ୍ରେସର ବିଧାୟକ ଦଳ ବୈଠକ ଅନୁଷ୍ଠିତ...

ଆହୁରି ସପ୍ତାହେ ବର୍ଷା ନାହିଁ, ନିଅଣ୍ଟିଆ ବର୍ଷାକୁ ନେଇ ଚିନ୍ତାରେ ଚାଷୀ

ଭୁବନେଶ୍ୱର,୮ା୭(ବ୍ୟୁରୋ)-ରାଜ୍ୟରେ ବର୍ଷା ସ୍ଥିତି ବେଳକୁ ବେଳ ସଙ୍ଗୀନ ହେବାରେ ଲାଗିଛି । କେଉଁଠି ଅସରାଏ ଦି ଅସରା ବର୍ଷା ହେଉଛି ତ ଅନ୍ୟ କେଉଁଠି ଟାଁଏ...

Advertisement
Archives

Model This Week