ଗୃହ ସଙ୍ଗରୋଧ ପାଇଁ ଭିତ୍ତିଭୂମି ନାହିଁ

କେନ୍ଦ୍ରାପଡ଼ା ଅଫିସ,୩।୫: କରୋନା ସଂକ୍ରମିତଙ୍କ ସଂଖ୍ୟା କେନ୍ଦ୍ରାପଡ଼ା ଜିଲାରେ ୧୦ ହଜାର ଟପିଛି। ଶନିବାର ଚିହ୍ନଟ ୭୦ଜଣଙ୍କ ସହ ଏମାନଙ୍କ ସଂଖ୍ୟା ୧୦,୧୦୬ରେ ପହଞ୍ଚତ୍ଛି। ଏଥିମଧ୍ୟରୁ ୯,୫୨୩ ସୁସ୍ଥ ଥିବା ବେଳେ ଜିଲାର ୫୫୩ ସଂକ୍ରମିତ ଚିକିତ୍ସିତ ହେଉଛନ୍ତି। ତେବେ ଅଧିକାଂଶ ସଂକ୍ରମିତ ଗୃହ ସଙ୍ଗରୋଧରେ ରହିଥିବା ବେଳେ ଘର, ପାଇଖାନା, ବାସନ କୁସନ ଆଦିର ଅଭାବ ପରିଲକ୍ଷିତ ହେଉଛି। ଶଟ୍‌ଡାଉନ, ସାପ୍ତାହିକ କଟକଣା ସହର ମଧ୍ୟରେ ସୀମିତ ରହୁଛି। ପ୍ରବାସୀ ଘରକୁ ଫେରୁଥିବା ବେଳେ ଗ୍ରାମାଞ୍ଚଳରେ କଟକଣା ମାନୁନାହାନ୍ତି। ସେହିପରି ଟିକାକରଣ କ୍ଷେତ୍ରରେ କେନ୍ଦ୍ରାପଡ଼ା ଜିଲା ବହୁ ପଛରେ ଅଛି। କରୋନା ସଂକ୍ରମଣକୁ ପ୍ରତିହତ ପାଇଁ ଭିତ୍ତିଭୂମି ଅଭାବ ପୂରଣ କରିବାକୁ ବୃଦ୍ଧିଜୀବୀ ବର୍ଗରେ ସ୍ବର ଉଠିଛି।
ବୁଦ୍ଧିଜୀବୀ ଗଣେଶ ଚନ୍ଦ୍ର ସାମଲ, ବାନାମ୍ବର ସାହୁ, ପ୍ରତାପ କୁମାର ପାଢୀ, ଡା. ପି.ଏନ. ଗୌରାଙ୍ଗ, ଶିବାଶିଷ ମହାନ୍ତି ପ୍ରମୁଖ କହିଛନ୍ତି, ଜିଲାରେ କରୋନା ସଂକ୍ରମଣ ଗ୍ରାଫ୍‌ ଦିନକୁ ଦିନ ବଢ଼ୁଛି। ଦ୍ୱିତୀୟ ଲହରରେ ପ୍ରତିଦିନ ୫୦ରୁ ଊର୍ଦ୍ଧ୍ୱ ସଂକ୍ରମିତ ଚିହ୍ନଟ ହେଉଛନ୍ତି। ଜିଲାରେ ସପ୍ତାହାନ୍ତ କଟକଣା ଶନିବାର ଓ ରବିବାର ରହିଛି। ଏଥିସହ ସୋମବାରଠାରୁ ଅପରାହ୍ନ ୨ଟାଠାରୁ ପରଦିନ ସକାଳ ୭ଟା ପର୍ଯ୍ୟନ୍ତ ଦୋକାନ ବଜାର ବନ୍ଦ ରଖିବାକୁ ବ୍ୟବସାୟୀମାନେ ନିଷ୍ପତ୍ତି ନେଇଛନ୍ତି। ଏହାସହ ଆସନ୍ତା ୫ରୁ ୧୯ ତାରିଖ ପର୍ଯ୍ୟନ୍ତ ଲକ୍‌ଡାଉନ କରିବାକୁ ରାଜ୍ୟ ସରକାର ଘୋଷଣା କରିଛନ୍ତି। ଏହାସତ୍ତ୍ୱେ ଗ୍ରାମାଞ୍ଚଳରେ କଟକଣାକୁ ଗୁରୁତ୍ୱ ଦିଆଯାଉନାହିଁ। ଜିଲା ପ୍ରଶାସନ ସହର ମଧ୍ୟରେ ସୀମିତ ଥିବା ବେଳେ ବ୍ଲକ ପ୍ରଶାସନ ପାଇଁ ଆବଶ୍ୟକ ପୋଲିସ ବ୍ୟବସ୍ଥା ହୋଇପାରିନାହିଁ। କରୋନା ସଂକ୍ରମଣର ପ୍ରଥମ ଲହରରେ ଜିଲାକୁ ପ୍ରାୟ ୩ ଲକ୍ଷ ପ୍ରବାସୀ ଘରକୁ ଫେରିଥିଲେ। ଦ୍ୱିତୀୟ ଲହରରେ ଅଧିକାଂଶ ରାଜ୍ୟ ଲକ୍‌ଡାଉନ ଆରମ୍ଭ ହେଉଥିବାରୁ ଜିଲାର ପ୍ରବାସୀ ଘରକୁ ଫେରୁଛନ୍ତି। ଏହି ପ୍ରବାସୀଙ୍କୁ ପ୍ରଶାସନ ପକ୍ଷରୁ ବ୍ୟବସ୍ଥିତ ପଞ୍ଚାୟତସ୍ତରୀୟ ସଙ୍ଗରୋଧ କେନ୍ଦ୍ରରେ ରଖାଯାଇ ସଂକ୍ରମଣଜନିତ ପରୀକ୍ଷା କରାଯାଉଥିଲା। ଏବେ ତାହା ମଧ୍ୟ ବନ୍ଦ ଅଛି। ଜିଲାର ୬୫ପ୍ରତିଶତ ଲୋକଙ୍କ ଆର୍ଥିକ ସ୍ଥିତି ଅତି ଦୁର୍ବଳ। ଗୋଟିଏ ଘରେ ପରିବାରର ସମସ୍ତ ସଦସ୍ୟ ରହୁଛନ୍ତି। ଜିଲାରେ ୮୦ ପ୍ରତିଶତ ଘରେ ଗାଧୁଆ ଘର ନ ଥିବାବେଳେ ପ୍ରାୟ ୪୦ ପ୍ରତିଶତଙ୍କ ଘରେ ପାଇଖାନା ନାହିଁ। ସେହିପରି ସହରାଞ୍ଚଳ ବସ୍ତିରେ ପାଇଖାନା ଓ ଗାଧୁଆ ଘରର ସମସ୍ୟା ରହିଛି। ସଙ୍ଗରୋଧରେ ରହୁଥିବା କରୋନା ସଂକ୍ରମିତଙ୍କ ପାଇଁ ପୃଥକ୍‌ ଘର ନ ଥିବାରୁ ଗୃହ ସଙ୍ଗରୋଧ ନିୟମ ଧର୍ମକୁ ଆଖିଠାର ହୋଇଛି। ୨୦୨୦ରେ ବିଭିନ୍ନ ପଞ୍ଚାୟତରେ ସଙ୍ଗରୋଧ କେନ୍ଦ୍ର ଓ କୋଭିଡ୍‌ ଚିକିତ୍ସାଳୟ ବ୍ୟବସ୍ଥା ହୋଇଥିଲା। ତେବେ ଦ୍ୱିତୀୟ ଲହରରେ ଏହି ବ୍ୟବସ୍ଥା ପୂରା ଶୀତଳଭଣ୍ଡାରକୁ ଚାଲିଯାଇଛି। କରୋନା ସଂକ୍ରମଣ ରୋକିବାକୁ ଟିକାକରଣ ଏକମାତ୍ର ଉପାୟ ହୋଇଥିବା ବେଳେ କେନ୍ଦ୍ରାପଡ଼ା ଜିଲା ରାଜ୍ୟର ଅନ୍ୟ ଜିଲା ତୁଳନାରେ ବହୁ ପଛରେ ପଡିଛି। ଜିଲାର ୧୨ଲକ୍ଷରୁ ଅଧିକ ଲୋକ ଟିକା ନେବାକୁ ଉପଯୁକ୍ତ ଥିବା ବେଳେ ଅଦ୍ୟାବଧି ମାତ୍ର ୧ ଲକ୍ଷ ୭୭ ହଜାର ଡୋଜ୍‌ର ଟିକାକରଣ ହୋଇଛି। ଏଥିରୁ ମାତ୍ର ୩୪ ହଜାର ଲୋକ ଟିକାର ଦୁଇ ଡୋଜ୍‌ ନେଇଥିବା ବେଳେ ୧ ଲକ୍ଷ ୯ ହଜାର ଲୋକ ପ୍ରଥମ ଡୋଜ୍‌ ନେଇଛନ୍ତି। ଟିକାର ଅଭାବ ପାଇଁ ଟିକାକରଣ ବନ୍ଦ ରହୁଛି। ପର୍ଯ୍ୟପ୍ତ ଟିକା ଜିଲାକୁ ଆଣିବା ସହ ଟିକାକରଣ ପାଇଁ ଅଧିକ କାଉଣ୍ଟର ଆବଶ୍ୟକ। ସେହିପରି ସଙ୍ଗରୋଧ କେନ୍ଦ୍ର ଓ କୋଭିଡ୍‌ ଚିକିତ୍ସା କେନ୍ଦ୍ର ଭିତ୍ତିଭୂମିକୁ ସୁଦୃଢ଼ ପାଇଁ ସେମାନେ ଦାବି କରିଛନ୍ତି। ଏ ସମ୍ପର୍କରେ ଏଡିଏମ୍‌ ବସନ୍ତ କୁମାର ରାଉତ କହିଛନ୍ତି, ଟିକାକରଣ ସମସ୍ୟା ସୁଧୁରି ଯାଇଛି। ଅଧିକ କାଉଣ୍ଟରର ବ୍ୟବସ୍ଥା ହେଉଛି। ଗ୍ରାମାଞ୍ଚଳରେ କଟକଣାକୁ ଠିକ୍‌ ଢଙ୍ଗରେ ପାଳନ ପାଇଁ ସଚେତନତା ସହ ପ୍ରଶାସନିକ ସ୍ତରରେ ଉଦ୍ୟମ ଚାଲିଛି।


Enter your email to get our daily news in your inbox.

All Right Reserved By Dharitri.Com

ଚିଲିକା ମଝିରେ ଅଟକିଲା ଭସାପୋଲ : ୨ଘଣ୍ଟା ଧରି ୧୦୦ ଯାତ୍ରୀ ଜଳବନ୍ଦୀ

କୃଷ୍ଣପ୍ରସାଦ,୯ା୨ (ଡି.ଏନ.ଏ.): ପୁରୀ ଜିଲା କୃଷ୍ଣପ୍ରସାଦ ବ୍ଲକ ଜହ୍ନିକୁଦା-ସାତପଡା ଚିଲିକା ମଝିରେ ଶନିବାର ଏକ ଯାତ୍ରୀବାହୀ ଭେସେଲ (ଭସାପୋଲ) ୨ ଘଣ୍ଟା ଧରି ଅଟକି ରହିଥିଲା।...

ନିର୍ବାଚନ ପ୍ରସ୍ତୁତି କାର୍ଯ୍ୟରେ ଅବ୍ୟବସ୍ଥା: ପୋଲିଂ ପାର୍ଟି ହଇରାଣ

କେନ୍ଦୁଝର,୨୨ା୪ (ସ୍ବ.ପ୍ର.) ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ରବିବାର ଦିନ ସ୍ଥାନୀୟ ମାଇନିଂ ସ୍କୁଲ ପରିସରରେ ପୋଲିଂ ପାର୍ଟିଙ୍କୁ...

୨୨୦ ଲିଟର ଦେଶୀ ରନ୍ଧା ମଦ ସହ ୩ ବାଇକ୍‌ ଜବତ, ୩ ଗିରଫ

ଭଦ୍ରକ ଅଫିସ,୨୧ା୬: ଜିଲା ଅବକାରୀ ବିଭାଗ ପକ୍ଷରୁ ଗଠିତ ଏକ ସ୍ବତନ୍ତ୍ର ଟିମ୍‌ ଦ୍ୱାରା ବାସୁଦେବପୁର ଥାନା ଅନ୍ତର୍ଗତ ନୂଆଗାଁ ଓ ବାରାପୁର ଗ୍ରାମ ଅଞ୍ଚଳରେ...

ସ୍ବାସ୍ଥ୍ୟ ବିପର୍ଯ୍ୟୟ ପ୍ରଶମନ ତାଲିମ କେନ୍ଦ୍ର ପ୍ରତିଷ୍ଠା ପ୍ରସ୍ତାବ ଦେଲେ ସ୍ବାସ୍ଥ୍ୟମନ୍ତ୍ରୀ

ଝାରସୁଗୁଡା ଅଫିସ,୧୬ା୪-ରାଜ୍ୟ ସରକାରଙ୍କ କ୍ଷମତାପୂର୍ଣ୍ଣ ମନ୍ତ୍ରୀ ଗୋଷ୍ଠୀଙ୍କ ବୈଠକ ଗୁରୁବାର ଅନୁଷ୍ଠିତ ହୋଇଯାଇଛି। ଭିଡିଓ କନ୍‌ଫରେନ୍ସ ଜରିଆରେ ଏହି ବୈଠକ ଅନୁଷ୍ଠିତ ହୋଇଥିଲା। ଝାରସୁଗୁଡା ଜିଲାପାଳଙ୍କ...

ଶିଁକ୍‌ଲା ବଁଧା ଜୀବନ୍‌ ବିତଉଛନ୍‌ ଟୁନୁରାମ

ସିନାପାଲି, ୧।୧୧(ଡି.ଏନ୍‌.ଏ.)- ସରକାର ମାନସିକ୍‌ ରୁଗୀକର ଚିକିଛା ଲାଗି ଅନେକ ଯୋଜନା କାଯ୍‌କାରୀ କରୁଛନ୍‌। ହେଲେ ଅନେକ୍‌ ଜାଗାରେ ସଚେତନତା ଅଭାବୁ ଗରିବ୍‌ଦୁଖି ସରକାରକଁର ଇ...

କୁଶୁନୁପୁରରେ ଅଗ୍ନିକାଣ୍ଡ: ୯ ପରିବାର କ୍ଷତିଗ୍ରସ୍ତ

କଣ୍ଟାପଡା,୬।୧୦(ଡି.ଏନ୍‌.ଏ.): କଟକ ଜିଲା କଣ୍ଟାପଡ଼ା ତହସିଲ ଅନ୍ତର୍ଗତ ଡିମିରି ପଞ୍ଚାୟତର କୁଶୁନୁପୁର ଗ୍ରାମରେ ଅଗ୍ନିକାଣ୍ଡ ଘଟିଥିଲା। ଏଥିରେ ୯ଟି ପରିବାର କ୍ଷତିଗ୍ରସ୍ତ ହୋଇଥିବା ଜଣାପଡ଼ିଛି। ସୂଚନାଯୋଗ୍ୟ,...

ଡୁବୁରୀ-ସୁକିନ୍ଦା ୫୩ ନମ୍ବର ଜାତୀୟ ରାଜପଥ :ମରାମତି ଦାବି କଲା ବ୍ୟବସାୟୀ ସଂଘ

ଡୁବୁରୀ,୪-୯(ଡି.ଏନ୍‌.ଏ.)- ଡୁବୁରୀ-ସୁକିନ୍ଦା ୫୩ ନମ୍ବର ଜାତୀୟ ରାଜପଥ ମରାମତି ଓ ରକ୍ଷଣାବେକ୍ଷଣ ଅଭାବରୁ ଶୋଚନୀୟ ହୋଇପଡିଛି। ଡୁବୁରୀ-ସୁକିନ୍ଦା ୯ କିଲୋମିଟର ପାଖାପାଖି ରାସ୍ତାର ଅଧିକାଂଶ ସ୍ଥାନ...

ଅସ୍ଥାୟୀ ଡମ୍ପିଂୟାର୍ଡ ହଟାଇବା ଦାବିରେ ଆନ୍ଦୋଳନ

ଜଗତ୍‌ସିଂହପୁର ଅଫିସ, ୧୫।୨: ସ୍ଥାନୀୟ କଲେଜ ଛକ ନିକଟ ଅସ୍ଥାୟୀ ଡମ୍ପିଂୟାର୍ଡ ଯୋଗୁ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହେଉଛି। ବିଶେଷକରି ଅଳିଆ ଗଦାରେ ନିଆଁ ଲଗାଇ...

Advertisement


Archives

Model This Week