ମିଳୁନି ସରକାରୀ ବିହନ, ସାର

ସୋନପୁର,୧୪।୭(ନି.ପ୍ର.)-ସୁବର୍ଣ୍ଣପୁର ଜିଲାରେ ଚାଷୀମାନେ ଧାନ ବୁଣା, ରୁଆକାର୍ଯ୍ୟ ପାଇଁ ଜମି ପ୍ରସ୍ତୁତି କରିଛନ୍ତି । ହେଲେ ଏ ଯାଏ ସେମାନଙ୍କୁ ସରକାରୀ ବିହନ ମିଳିଲା ନାହିଁ। କେବେ ମିଳିବ ସେ ନେଇ ମଧ୍ୟ କୃଷି ବିଭାଗ ବା ପ୍ରାଥମିକ କୃଷି ସମବାୟ ସମିତି(ପ୍ୟାକ୍ସ) ପକ୍ଷରୁ କୌଣସି ସୂଚନା ମିଳୁନାହିଁ । ତେଣୁ ଏବେ ଚାଷୀ ଚିନ୍ତାରେ ରହିଛି। ତଳି ପକାଇବା ଅନିଶ୍ଚିତ ହୋଇଥିବାରୁ ଅନେକ ଚାଷୀ ବାଧ୍ୟହୋଇ ବାହାରୁ ଚଢ଼ାଦରରେ ବିହନ ଓ ସାର କିଣୁଛନ୍ତି।
ଜିଲାରେ ୧ଲକ୍ଷ ୩୦ହଜାର ୧୫୦ ହେକ୍ଟର କୃଷି ଉପଯୋଗୀ ଜମି ରହିଛି। ସେଥିରୁ ଚଳିତ ଖରିଫରେ ୧ଲକ୍ଷ ୨ହଜାର ୩୫ ହେକ୍ଟର ଜମିରେ ଧାନ ଚାଷ କରିବାକୁ ଲକ୍ଷ୍ୟ ରହିଛି। ଚଳିତ ଖରିଫରେ ୨୭ହଜାର ୨୯୫ କୁଇଣ୍ଟାଲ ଧାନ ବିହନ ଆବଶ୍ୟକ। ୬୬ଟି ପ୍ୟାକ୍ସ ଦ୍ୱାରା ସବ୍‌ସିଡି ଦରରେ ସରକାରୀ ବିହନ ଓ ୧୩୫ଟି ପ୍ରାଇଭେଟ୍‌ ଡିଲରଙ୍କ ଦ୍ୱାରା ଅଧିକ ଅମଳକ୍ଷମ ବିହନ ଚାଷୀଙ୍କୁ ବିକ୍ରି ପାଇଁ ଜିଲା କୃଷି ବିଭାଗ ଲକ୍ଷ୍ୟ ରଖିଥିଲା। ମାତ୍ର ଜିଲାର କେବଳ ୩୮ଟି ପ୍ୟାକ୍ସ ଚାଷୀଙ୍କୁ ଧାନ ବିହନ ବିକ୍ରି କରିଥିବା ଜଣାପଡିଛି। ବର୍ତ୍ତମାନ ସୁଦ୍ଧା ଓଡ଼ିଶା ରାଜ୍ୟ ଯୋଗାଣ ନିଗମ ୧୩ହଜାର ୩୩୦କୁଇଣ୍ଟାଲ ବିହନ ଯୋଗାଣ କରିପାରିଛି । ସେହିପରି ୯୬୪୬ ମେଟ୍ରିକ୍‌ ଟନ୍‌ ୟୁରିଆ ସାର ପ୍ୟାକ୍ସ ଓ ଲାଇସେନ୍ସପ୍ରାପ୍ତ ପ୍ରାଇଭେଟ୍‌ ଡିଲରଙ୍କ ଦ୍ୱାରା ଜିଲାର ଚାଷୀଙ୍କୁ ଯୋଗାଇଦେବାକୁ କୃଷି ବିଭାଗ ପକ୍ଷରୁ ଧାର୍ଯ୍ୟ କରାଯାଇଛି। ତେବେ ବର୍ତ୍ତମାନ ସୁଦ୍ଧା ଜିଲାକୁ ମାତ୍ର ୩ ହଜାର ମେଟ୍ରିକ୍‌ ଟନ୍‌ ୟୁରିଆ ସାର ମିଳିଛି। ନିଅଣ୍ଟିଆ ବିହନ ଓ ସାର ଯୋଗାଣ ଯୋଗୁ ଚାଷୀ ହଇରାଣ ହେଉଛନ୍ତି। ସରକାରୀ ବିହନ ଓ ସାରରେ ଚାଷୀଙ୍କୁ ରିହାତି ମିଳିଥାଏ। ମାତ୍ର ଏହା ଯଥେଷ୍ଟ ହେଉ ନ ଥିବାରୁ ଚଢ଼ାଦରରେ ଚାଷୀ ବାହାରୁ ବିହନ ଓ ସାର କିଣୁଛନ୍ତି। ଜଳସେଚିତ ବିନିକା ଓ ଡୁଙ୍ଗୁରିପାଲି ବ୍ଲକର ଚାଷୀ ବାହାର ଜିଲାରୁ ସାର ଆଣି ଆବଶ୍ୟକତା ମେଣ୍ଟାଉଥିବା ଜଣାପଡିଛି । ସାଧାରଣତଃ ଜୁନ୍‌ ମାସରୁ ଚାଷୀମାନେ ତଳି ପକାଇଥାନ୍ତି । ତଳି ପ୍ରାୟ ୧ ମାସ ହେବା ପରେ ତାହାକୁ ଉପାଡ଼ି କାଦୁଅ ଜମିରେ ରୁଆ ଯାଏ । ହେଲେ ଆଜି ପର୍ଯ୍ୟନ୍ତ ଜିଲାର ବହୁ ଚାଷୀ ଧାନ ବିହନ ପାଇ ନାହାନ୍ତି । ପ୍ରାୟ ଏକ ମାସ ବିଳମ୍ବ ହୋଇ ସାରିଲାଣି। ଆହୁରି ବିଳମ୍ବ ହେଲେ ସେପଟେ ତଳିରୁଆ ବିଳମ୍ବ ହେବ।
ସୁବର୍ଣ୍ଣପୁର ଜିଲାର ବିନିକା ଓ ଡୁଙ୍ଗୁରିପାଲି ବ୍ଲକ ହୀରାକୁଦ କମାଣ୍ଡ ଏରିଆରେ ଅଛି। ସେହିପରି ହରିହରଯୋର ଜଳସେଚନ ପ୍ରକଳ୍ପ ଯୋଗୁ ଉଲୁଣ୍ଡା ଓ ବୀରମହାରାଜପୁର ବ୍ଲକର କିଛି ଅଞ୍ଚଳ ଜଳସେଚିତ ହୋଇପାରୁଛି । ଏହାବ୍ୟତୀତ ତରଭାରେ ମେଗା ଉଠାଜଳସେଚନ ପ୍ରକଳ୍ପ ଓ ଅନ୍ୟ ସ୍ଥାନରେ ଉଠା ଜଳସେଚନ ପ୍ରକଳ୍ପ ଦ୍ୱାରା ଜମି ଜଳସେଚିତ ହେଉଛି। ତେଣୁ ତୁରନ୍ତ ବିହନ ଯୋଗାଇଦେବାକୁ ଅଞ୍ଚଳର ଚାଷୀ ଅନୁରୋଧ କରିଛନ୍ତି। ବିନିକା ସିଂଘିଯୁବା ଅଞ୍ଚଳର ଚାଷୀ ଆଶିଷ କୁମାର ଦାଶ କୁହନ୍ତି, ଧାନଚାଷ ପାଇଁ ୟୁରିଆ ସାରର ବହୁଳ ଆବଶ୍ୟକତା ରହିଛି। ମାତ୍ର ସାର ମିଳୁ ନ ଥିବାରୁ ବ୍ୟବସାୟୀଙ୍କଠାରୁ ଚଢ଼ା ଦରରେ କିଣିବାକୁ ପଡୁଛି। ସେହିପରି ବାଙ୍କିଘିର୍ଡି ଅଞ୍ଚଳର ଚାଷୀ ଆନନ୍ଦ ଭୁଏଙ୍କ କହିବା ଅନୁଯାୟୀ ସରକାରୀ ଧାନ ବିହନ ମିଳିଲାନି। ବିଳମ୍ବ ହେବାରୁ ବ୍ୟବସାୟୀଙ୍କଠାରୁ ବାଧ୍ୟ ହୋଇ ଅଧିକ ଦାମରେ କିଣିଲୁ। ଭାରପ୍ରାପ୍ତ ଜିଲା ମୁଖ୍ୟ କୃଷି ଅଧିକାରୀ ପ୍ରଶାନ୍ତ କୁମାର ଶତପଥୀ କୁହନ୍ତି, ବିହନ ଓ ସାରର ଅଭାବ ନାହିଁ। ଅଧିକାଂଶ ଚାଷୀ ବେଶି ଅମଳ ଆଶାରେ ବ୍ୟବସାୟୀଙ୍କଠାରୁ ଅଧିକ ଅମଳକ୍ଷମ ବିହନ କିଣୁଛନ୍ତି। ସାର ଏବେ କମ୍‌ ଆସିଛି। ଏହି ଅଭାବ ରହିବ ନାହିଁ। ଠିକ୍‌ ସମୟରେ ଚାଷୀ ରିହାତି ମୂଲ୍ୟରେ ସାର ପାଇବେ ବୋଲି ସେ କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

ବିନା ଟେଣ୍ଡରରେ କାମ ହାତେଇଛି ଦିଲୀପ କନ୍‌ଷ୍ଟ୍ରକଶନ

ପୁରୀ ଅଫିସ, ୩୦ା୧: ଗତ ୨୪ତାରିଖରେ ଭୁବନେଶ୍ୱରସ୍ଥ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ଛାତ ଭୁଶୁଡ଼ି ଜଣେ ଶ୍ରମିକଙ୍କ ମୃତ୍ୟୁ ଘଟିଥିଲା। ଏହି ଘଟଣାରେ ସମ୍ପୃକ୍ତ...

CORONAVIRUS UPDATE: ଆଜି ଚିହ୍ନଟ ହେଲେ ୫୯୫ ଆକ୍ରାନ୍ତ; ମୋଟ ସଂଖ୍ୟା ୧୩,୧୨୧କୁ ବୃଦ୍ଧି

ଭୁବନେଶ୍ୱର,୧୨।୭(ବ୍ୟୁରୋ): ରାଜ୍ୟରେ ରବିବାର ୫୯୫ ନୂଆ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏଥିରୁ ୩୯୪ କ୍ୱାରାଣ୍ଟାଇନ୍‌ କେସ୍‌ ଥିବା ବେଳେ ୨୦୧ ଲୋକାଲ କେସ୍‌ ରହିଛି।...

ଶାରଳା ମନ୍ଦିରରେ ଏଜି ଅଡିଟ୍‌: ୨୮କର୍ମଚାରୀଙ୍କ ନିଯୁକ୍ତି ତଥ୍ୟ ମିଳୁନାହିଁ

ଜଗତ୍‌ସିଂହପୁର ଅଫିସ,୨୬ା୧୨: ଜଗତ୍‌ସିଂହପୁର ଜିଲାର ଅଧିଷ୍ଠାତ୍ରୀ ଦେବୀ ମା’ ଶାରଳାଙ୍କ ପୀଠରେ ହେଉଥିବା ଅବ୍ୟବସ୍ଥା ସମ୍ପର୍କରେ ବହୁ ତଥ୍ୟ ଲୋକଲୋଚନକୁ ଆସିଛି। ମନ୍ଦିର ପ୍ରଶାସନ ଅଧୀନରେ...

୨ କ୍ୟାଡର ମାଓବାଦୀଙ୍କ ଆତ୍ମସମର୍ପଣ

ମାଲକାନଗିରି,୧୮ା୭(ଡି.ଏନ୍‌.ଏ.): ମାଲକାନଗିରି ଗସ୍ତରେ ପୋଲିସ ମହାନିର୍ଦ୍ଦେଶକ ଅଭୟ ଆସିଥିବା ବେଳେ ଏନେଇ ତେମୁରପାଲିଠାରେ ବିଏସ୍‌ଏଫ୍‌ କ୍ୟାମ୍ପର ମାଓବାଦୀଙ୍କ ସ୍ଥିତି ନେଇ ସମୀକ୍ଷା କରିଛନ୍ତି। ତାଙ୍କ ଗସ୍ତ...

ମେଡିକାଲ, ଇଞ୍ଜିନିୟରିଂରେ ସରକାରୀ ସ୍କୁଲ ପିଲାଙ୍କ ନାମଲେଖା ପ୍ରସଙ୍ଗ: ୧୫% ସଂରକ୍ଷଣ ନେଇ ବିଜ୍ଞପ୍ତି

ଭୁବନେଶ୍ୱର, ୧।୩ (ବ୍ୟୁରୋ): ସରକାରୀ ସ୍କୁଲ ଛାତ୍ରୀଛାତ୍ରଙ୍କ ପାଇଁ ମେଡିକାଲ ଓ ଇଞ୍ଜିନିୟରିଂ ଶିକ୍ଷା କ୍ଷେତ୍ରରେ ସରକାର ୧୫% ସଂରକ୍ଷଣ ବ୍ୟବସ୍ଥା କରିଛନ୍ତି। ଏନେଇ ଦକ୍ଷତା...

ଶିକ୍ଷୟିତ୍ରୀଙ୍କ ବଦଳି ପ୍ରତିବାଦରେ ଧାରଣା : ବିଇଓ କାର୍ଯ୍ୟାଳୟରେ ତାଲା ପକାଇଲେ ଗ୍ରାମବାସୀ

ଗଞ୍ଜାମ,୨୯ା୧୦(ଡି.ଏନ.ଏ.)-ଗଞ୍ଜାମ ବ୍ଲକ ସାନରାମଚନ୍ଦ୍ରପୁର ପଞ୍ଚାୟତ ମଧୁରଚୁଆଁ ଉଚ୍ଚ ପ୍ରାଥମିକ ବିଦ୍ୟାଳୟ ସହ-ଶିକ୍ଷୟିତ୍ରୀ ଭାଗ୍ୟବତୀ ବେହେରାଙ୍କୁ ବଦଳି ନ କରିବାକୁ ଗ୍ରାମବାସୀ ସୋମବାର ବିଇଓ କାର୍ଯ୍ୟାଳୟରେ ତାଲା...

ସମ୍ଭାବ୍ୟ ବାତ୍ୟା ନେଇ ଉଚ୍ଚସ୍ତରୀୟ ବୈଠକ: ମ୍ୟାନ ପାଓ୍ବାର, ମେସିନାରୀ ପ୍ରସ୍ତୁତ ରଖିବାକୁ ନିର୍ଦ୍ଦେଶ

ଭୁବନେଶ୍ୱର,୨୦।୫(ବ୍ୟୁରୋ): ଓଡିଶାରେ ସମ୍ଭାବ୍ୟ ବାତ୍ୟା ମୁକାବିଲା ନେଇ ଗୁରୁବାର ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଥିଲା। ଭିଡିଓ କନ୍‌ଫରେନ୍ସିଂ ଜରିଆରେ ସମ୍ଭାବ୍ୟ ବାତ୍ୟା ନେଇ ଆଇଏମ୍‌ଡିଙ୍କ...

ସୁକୁମାରେ ସୁରକ୍ଷାକର୍ମୀ-ମାଓବାଦୀ ଗୁଳି ବିନିମୟ: ଜଣେ ମହିଳା ମାଓବାଦୀଙ୍କ ମୃତ୍ୟୁ

ମାଲକାନଗିରି,୯।୭(ଡି.ଏନ୍‌.ଏ.): ମାଲକାନଗିରି ଜିଲା ସୀମାନ୍ତ ଛତିଶଗଡ଼ ସୁକୁମା ଜିଲାରେ ମଙ୍ଗଳବାର ସକାଳେ ସୁରକ୍ଷାକର୍ମୀ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛିି। ଏଥିରେ ଜଣେ ମହିଳା...

Advertisement


Archives

Model This Week