ମରାମତି ହେଉନି ଡ୍ରେନ୍‌ , ପଡୁନି ସ୍ଲାବ୍‌

ଜଟଣୀ,୨୮।୯(ଡି.ଏନ୍‌.ଏ.): ଖୋର୍ଦ୍ଧା ଜିଲା ଜଟଣୀ ପୌରାଞ୍ଚଳର ଅନେକ ସ୍ଥାନରେ ମୁକୁଳା ଡ୍ରେନ ରହିଛି। ଏଥିଯୋଗୁ ଅନେକ ସମୟରେ ଦୁର୍ଘଟଣା ଘଟୁଥିବା ନଜିର ରହିଛି। ମଇଳା ଜମା ହୋଇ କେଉଁଠି ଡ୍ରେନ ପୋତି ହୋଇଗଲାଣି ତ’ ଆଉ କେଉଁଠି ଡ୍ରେନ୍‌ ଥିବା ଜଣାପଡୁନାହିଁ। ପୌର ପ୍ରଶାସନ ପକ୍ଷରୁ କୌଣସି ଡ୍ରେନ ଠିକ୍‌ ଭାବେ ସଫା କରାଯାଉ ନାହିଁ। ପ୍ରତିବର୍ଷ ବିଭିନ୍ନ ବାବଦକୁ ପୌର ପ୍ରଶାସନ ପକ୍ଷରୁ ଲକ୍ଷାଧିକ ଟଙ୍କା ଟିକସ ଆଦାୟ କରାଯାଉଛି। ତେବେ ଡ୍ରେନଗୁଡ଼ିକର ରକ୍ଷଣାବେକ୍ଷଣ ଏବଂ ମରାମତି ତ ଦୂରର କଥା ଜନଗହଳିପୂର୍ଣ୍ଣ ସ୍ଥାନ ଏବଂ ସାହିଗଳିରେ ରହିଥିବା ଡ୍ରେନଗୁଡିକର ସ୍ଲାବ ଥିଲେ ମଧ୍ୟ ପଡି ନ ଥିବା ସାଧାରଣରେ ଅଭିଯୋଗ ହେଉଛି।
ପୌରାଞ୍ଚଳର ହାଟବଜାର, ରାଜାବଜାର, ଗତପତିନଗର, କୁଦିଆରୀ, ବାଛରା, ବାଲିଛକ ସାହି, ରାମଚନ୍ଦ୍ରପୁର ବଜାର ଭଳି ଅନେକ ଓ୍ବାର୍ଡରେ ରହିଥିବା ଛୋଟବଡ଼ ଡ୍ରେନ୍‌ ମୁକୁଳା ହୋଇ ରହିଛି। ରାଜାବଜାର ୪ନଂ. ଓ୍ବାର୍ଡ ସୀତାରାମ କଲୋନୀରେ ଦୀର୍ଘ ବର୍ଷ ଧରି ଡ୍ରେନ୍‌ ସଫା କି ମରାମତି ନ ହେବାରୁ ଆବର୍ଜନା ଜମାହୋଇ ରହିବା ଫଳରେ ସ୍ଥାନୀୟ ଲୋକେ ନାହିଁ ନ ଥିବା ହଇରାଣ ହେଉଛନ୍ତି। ବର୍ଷାଦିନେ ଉକ୍ତ ସାହିବାସିନ୍ଦାଙ୍କ ଅବସ୍ଥା କହିଲେ ନ ସରେ। ଏନେଇ ବାରମ୍ବାର ପୌର ପ୍ରଶାସନ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ ପରେ ଗତ ୬ତାରିଖରେ ତରବରିଆ ଭାବେ ସୀତାରାମ କଲୋନୀରେ ଥିବା ଡ୍ରେନ୍‌ରୁ ମାଟି, ଗୋଡି ଓ ମଇଳାକୁ ଜେସିବି ଦ୍ୱାରା ସଫା କରାଯାଇଥିଲା। ତେବେ ଉକ୍ତ ଡ୍ରେନ୍‌ରେ ପଡିଥିବା ସ୍ଲାବଗୁଡିକୁ ଉଠାଇ ଦେବା ଫଳରେ ଡ୍ରେନ ମୁକୁଳା ହୋଇ ପଡିରହିଛି। ପୌର ପ୍ରଶାସନ ପକ୍ଷରୁ ଅଦ୍ୟାବଧି ଡ୍ରେନର ମରାମତି କିମ୍ବା ସ୍ଲାବ ପକାଯାଇନାହିଁ। ଏଥିଯୋଗୁ ଯାନବାହନ ଘରୁ ବାହାର କରିପାରୁ ନ ଥିବା ସ୍ଥାନୀୟ ବାସିନ୍ଦା କହିଛନ୍ତି।
୪ନଂ.(ରାଜା ବଜାର)ର ପୂର୍ବତନ କାଉନସିଲର ଲକ୍ଷ୍ମୀପ୍ରିୟା ସାହୁ କୁହନ୍ତି, ପୂର୍ବରୁ ଜନସାଧାରଣଙ୍କ ଆବଶ୍ୟକ ମୁତାବକ କାମ କରାଯାଉଥିଲା। ୩ବର୍ଷ ହେବ କାଉନସିଲର କେହି ନ ଥିବାରୁ ସହରର କେଉଁ ସ୍ଥାନରେ କ’ଣ ଅସୁବିଧା ହେଉଛି ବିଭାଗୀୟ ଅଧିକାରୀମାନେ ଜାଣିପାରୁ ନାହାନ୍ତି। ଫଳରେ ସାଧାରଣ ଲୋକେ ହଇରାଣ ହେଉଛନ୍ତି ବୋଲି ସେ କହିଛନ୍ତି। ଏନେଇ ବିଭାଗୀୟ ଯନ୍ତ୍ରୀଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ପ୍ରତିକ୍ରିୟା ମିଳିପାରି ନାହିଁ। ଅନ୍ୟପଟେ ଏ ସମ୍ପର୍କରେ ଭୁବନେଶ୍ୱର ଉପଜିଲାପାଳ ଦେବବ୍ରତ ସାହୁ କହିଛନ୍ତି, ପୌର ପ୍ରଶାସନରେ ଥିବା ଫଣ୍ଡ ମୁତାବକ କାର୍ଯ୍ୟ କରାଯାଉଛି। ଜଟଣୀକୁ ସୁନ୍ଦର ସହରରେ ପରିଣତ କରିବା ଆମର ଲକ୍ଷ। ତେବେ ସୀତାରାମ କଲୋନୀର ସ୍ଥିତି ବୁଝିବା ସହ ଖୁବଶୀଘ୍ର ସମସ୍ୟାର ସମାଧାନ କରାଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଅନୁଗୋଳ ବଜାରକୁ ଆସିଲା ନୂଆ ପଲସର ସ୍ପ୍ଲିଟ୍‌ ସିଟ୍‌

ଅନୁଗୋଳ ଅଫିସ, ୨ା୭- ନୂଆ କରି ଆସିଥିବା ବଜାଜ୍‌ ପଲସର ସ୍ପ୍ଲିଟ ସିଟ୍‌-୧୨୫ ସିସି (ବିଏସ୍‌-୬) ଅନୁଗୋଳ ବଜାରରେ ପ୍ରବେଶ କରିଛି। ସ୍ଥାନୀୟ ଯମୁନା ବଜାଜ୍‌ରେ...

ବର୍ଷାଙ୍କ ଅନ୍ତରୀଣ ଜାମିନ ୧୭ ଯାଏ ବୃଦ୍ଧି

କଟକ ଅଫିସ, ୯ା୮:ଜାତିଆଣ ଆକ୍ଷେପ ମାମଲାରେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ମିଳିଥିବା ଅନ୍ତରୀଣ ଜାମିନ ଅବଧିକୁ ସୋମବାର ହାଇକୋର୍ଟ ଆଗାମୀ ୧୭ ତାରିଖ ଯାଏ ବୃଦ୍ଧି...

ଦଲାଲଙ୍କ ମସୁଧା

କୋରାପୁଟ ଜିଲାରେ ଚାଷୀଙ୍କ ଉତ୍ପାଦିତ ଖରିଫ ଧାନକିଣା ପାଇଁ ପ୍ରଶାସନ ୪୪ଟି ମଣ୍ଡି ସ୍ଥାପନ କରିଥିଲା। ପ୍ରଥମ ପର୍ଯ୍ୟାୟରେ ସାଢ଼େ ୧୩ ଲକ୍ଷ କୁଇଣ୍ଟାଲ ଧାନ...

ଅସହାୟଙ୍କୁ ଶୁଖିଲା ଖାଦ୍ୟ ବଣ୍ଟନ

ଭବାନୀପାଟଣା,୨୨।୪(ସ୍ବ.ପ୍ର): କରୋନା ମହାମାରୀ ଯୋଗୁଁ ସାରାଦେଶରେ ତାଲାବନ୍ଦ ଜାରିରହିଛି। ଏଥିପାଇଁ ଅନେକ ଗରୀବ ଲୋକ ପ୍ରଭାବିତ ହୋଇଛନ୍ତି। ଯାହାଫଳରେ ସେମାନଙ୍କ ଚଳିବା କଷ୍ଟକର ହୋଇପଡିଛି। ଏପରି...

୨ ବାଘ ଛୁଆ ଉଦ୍ଧାର

କୋରାପୁଟ,୩୦।୪(ସ୍ବ.ପ୍ର.): କୋରାପୁଟ ଜିଲା ବୋରିଗୁମ୍ମା ବ୍ଲକ ଗୁମୁଡା ପଞ୍ଚାୟତ କେନ୍ଦୁଗୁଡା ଗ୍ରାମର ଏକ ବିଲରୁ ୨ଟି ବାଘ ଛୁଆ ଉଦ୍ଧାର ହୋଇଛି।  ସୂଚନା ଥାଉକି କିଛି...

ପୋଲିସ ହେପାଜତରେ ଥିବା ଯୁବକଙ୍କ ମୃତ୍ୟୁ ନେଇ ଉତ୍ତେଜନା

ବରଗଡ଼ ଅଫିସ,୨୫ା୯(.): ପୋଲିସ ଉଠାଇ ନେଇଥିବା ଯୁବକଙ୍କ ମୃତ୍ୟୁକୁ ନେଇ ଉତ୍ତେଜନା ସୃଷ୍ଟି ହୋଇଛି। ପୋଲିସ ତାଙ୍କୁ ପିଟି ପିଟି ମାରି ଦେଇଥିବା ଅଭିଯୋଗ କରିଛନ୍ତି...

ଜଳଖିଆ ପାଇଁ ଯାଇଥିଲେ ୨ ଭଉଣୀ, ଫେରିବା ବେଳେ କୂଅରେ ଖସିପଡ଼ିଲେ

କାମାକ୍ଷାନଗର,୩୧।୭(ଡି.ଏନ.ଏ.): ଢେଙ୍କାନାଳ ଜିଲା ଭୁବନ ଥାନା କହ୍ନେଇପାଳ ଗ୍ରାମରେ ଶନିବାର ସନ୍ଧ୍ୟାରେ ଅଭାବନୀୟ ଘଟଣା ଘଟିଛି। ଏକ ନିର୍ମାଣାଧୀନ କୂଅରେ ପଡ଼ି ଦୁଇ ସମ୍ପର୍କୀୟ ଭଉଣୀଙ୍କ...

ପରିଣତ ବୟସରେ ଆବାସ ଯୋଜନାରୁ ବଞ୍ଚିତ କଳାକାର, ଘର ଖଣ୍ଡିଏ ପାଇଁ ଗୁହାରି ସତ୍ତ୍ୱେ ପ୍ରଶାସନର ନିଦ ଭାଙ୍ଗୁନି

କେନ୍ଦୁଝର,୨୪।୧୨(ସ୍ବ.ପ୍ର.): ସରକାର ଗରିବମାନଙ୍କୁ ପକ୍କା ଘର ଯୋଗାଇ ଦେବା ଲାଗି ଆବାସ ଯୋଜନା କରିଛନ୍ତି। ହେଲେ ଆଜି ବି ରାଜ୍ୟର ଅନେକ ଯୋଗ୍ୟ ହିତାଧିକାରୀ ଏଥିରୁ...

Advertisement
Archives

Model This Week