ଉଭୟ ପ୍ରିୟଙ୍କା ଚୋପ୍ରା ଏବଂ ନିକ୍ ଜୋନାସ ଚଳିତ ବର୍ଷ ଆରମ୍ଭରେ ମାତାପିତା ହେବାର ସୌଭାଗ୍ୟ ଅର୍ଜନ କରିଛନ୍ତି। ଏହି ସୁଖ ଉଭୟଙ୍କ ଜୀବନରେ ସରୋଗେସି ମାଧ୍ୟମରେ ଆସିଛି। ମାତୃ ଦିବସରେ ଦେଶୀ ଗର୍ଲଙ୍କ ସହ ତାଙ୍କ ଝିଅର ନାମ ସହିତ ଏକ ଫଟୋ ଶେୟାର କରିଥିଲେ। ଡାକ୍ତରଖାନାରେ ୧୦୦ ଦିନ ରହିବା ପରେ ଝିଅ ଘରକୁ ଆସିଛନ୍ତି। ଏହା ପରେ ଉଭୟଙ୍କ ଖୁସି କହିଲେ ନ ସରେ। ଏବେ ଦୁହେ ଝିଅକୁ ରାଜକୁମାରୀ ଭଳି ଅନୁଭବ କରୁଛନ୍ତି। ନିକ୍ ତାଙ୍କ ଝିଅ ମାଳତୀକୁ ମାତ୍ର ଏକ ମିନିଟ୍ ବି କାନ୍ଦିବାକୁ ଦେଉନାହାନ୍ତି। ନିଜ କୋଳରେ ଉଠାଇ ତାଙ୍କୁ ଶାନ୍ତ କରିଦେଉଛନ୍ତି।
ନିକ ଝିଅକୁ ଏକ ଗୀତ ଗାଇ ଶାନ୍ତ କରନ୍ତି। ସ୍ବାମୀ ନିକ୍ଙ୍କ ଏହି କାର୍ଯ୍ୟରେ ପ୍ରିୟଙ୍କା ମଧ୍ୟ ଖୁସି ହୋଇଛନ୍ତି। ପ୍ରିୟଙ୍କା କହିଛନ୍ତି, ମାଳତୀ ପିତାଙ୍କ ସ୍ବର ଶୁଣିବା ମାତ୍ରେ ଚୁପ୍ ହୋଇଯାଉଛି।
ପରିବାର ଲୋକେ କହିଛନ୍ତି, ମାଳତୀ ପିତାଙ୍କ ଗୀତ ଶୁଣି ଚୁପ୍ ହୋଇଯାଉଥିବାରୁ ତାଙ୍କ ପରିବାରକୁ ଆଉ ଜଣେ ସଙ୍ଗୀତଜ୍ଞ ଆସିଛନ୍ତି। ନିକଟରେ ପ୍ରିୟଙ୍କା ଏକ ପୋଷ୍ଟ ଶେୟାର କରି ଏଥିରେ କ୍ୟାପଶନ ଲେଖିଛନ୍ତି, ‘ପ୍ରତ୍ୟେକ ପରିବାରର ଯାତ୍ରା ଅଲଗା ଏବଂ ଏହା ଏକ ନିର୍ଦ୍ଦିଷ୍ଟ ସ୍ତରର ବିଶ୍ୱାସ ଆବଶ୍ୟକ କରେ, ଏବଂ ଯେତେବେଳେ ଆମର କିଛି ଚ୍ୟାଲେଞ୍ଜିଂ ମାସ ରହିଥିଲା, ପଛକୁ ଚାହିଁଲେ ଏହା ସ୍ପଷ୍ଟ ଯେ ପ୍ରତ୍ୟେକ ମୁହୂର୍ତ୍ତ କେତେ ମୂଲ୍ୟବାନ ଅଟେ। ଆମେ ବହୁତ ଖୁସି ଯେ ଆମ ଝିଅ ଘରକୁ ଫେରିଛି।
