ଚେନ୍ନାଇ, ୮।୩ : ଆଗାମୀ ତାମିଲନାଡୁ ବିଧାନସଭା ନିର୍ବାଚନରେ ଏନ୍ଡିଏ ଓ ୟୁପିଏ ସହ ପ୍ରତିଦ୍ୱନ୍ଦ୍ୱିତା କରିବ ଆଉ ଏକ ମେଣ୍ଟ। ଆସନ୍ତା ମାସରେ ହେବାକୁ ଥିବା ନିର୍ବାଚନା ଲାଗି ଟି.ଟି.ଭି. ଦିନାକରଣଙ୍କ ଆମା ମକଲ ମୁନେଟ୍ରା କାଝାଗମ (ଏଏମ୍ଏମ୍କେ) ସହ ହାତ ମିଳାଇଛି ଅସାଦୁଦ୍ଦିନ ଓ୍ବାଇସିଙ୍କ ଏଆଇଏମ୍ଆଇଏମ୍। ବିହାର ନର୍ବାଚନରେ ୫ଟି ଆସନ ହାତେଇଥିବା ହାଇଦ୍ରାବାଦ ଏମ୍ପିଙ୍କ ଦଳ ଭାଜପାର ବି’ ପାର୍ଟି ବୋଲି ଦାବି କରିଆସୁଛି କଂଗ୍ରେସ। ଭୋଟ କଟର ଭାବେ କାର୍ଯ୍ୟ କରୁଥିବା ଏଆଇଏମ୍ଆଇଏମ୍ ଯୋଗୁ ଭାଜପା ନେତୃତ୍ୱାଧୀନ ମେଣ୍ଟ ଫାଇଦାରେ ରହୁଛି।
ତେବେ ୨୩୪ ଆସନ ବିଶିଷ୍ଟ ତାମିଲନାଡୁ ନିର୍ବାଚନରେ କେବଳ ୩ଟି ଆସନରେ ନିର୍ବାଚନ ଲଢ଼ିବ ଓ୍ବାଇସିଙ୍କ ଦଳ। ଏହି ରାଜ୍ୟରେ ସରକାରରେ ଥିବା ଏଆଇଏଡିଏମ୍କେ, ଭାଜପା ଓ ପିଏମ୍କେ ସହ ମେଣ୍ଟ କରିଥିବାବେଳେ ବିରୋଧୀ ଡିଏମ୍କେ, କଂଗ୍ରେସ, ବାମପନ୍ଥୀ ଓ ଅନ୍ୟ ଦଳ ମେଣ୍ଟ କରିଛନ୍ତି। କମଲ ହାସନଙ୍କ ଏମ୍ଏନ୍ଏମ୍ ପ୍ରଥମ ଥର ପାଇଁ ନିର୍ବାଚନ ଲଢ଼ିବ।
