ନୂଆଦିଲ୍ଲୀ,୨।୧୨: ଇସ୍ରାଏଲ-ହାମାସ ଯୁଦ୍ଧର ଦୁଇ ମାସ ପାଖେଇ ଆସୁଥିବା ବେଳେ ଦେଶର ଗୁଇନ୍ଦା ସଂସ୍ଥାଙ୍କୁ ବଡ଼ ନିର୍ଦ୍ଦେଶ ଦେଇଛନ୍ତି ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ। ଅନ୍ତର୍ଜାତୀୟ ଚାପରେ ଯୁଦ୍ଧରେ ବିରାମ ଲାଗିଥିବା ବେଳେ କେବଳ ଗାଜା ଷ୍ଟ୍ରିପ୍ ସମେତ ସମଗ୍ର ବିଶ୍ୱରେ ହମାସ୍ ନେତାମାନଙ୍କୁ ଖୋଜି ଖୋଜି ମାରିବାକୁ ଦେଶର ପ୍ରମୁଖ ଗୁପ୍ତଚର ଏଜେନ୍ସିମାନଙ୍କୁ ନିର୍ଦ୍ଦେଶ ଦେଇଛନ୍ତି ନେତାନ୍ୟାହୁ। ୱାଲ୍ ଷ୍ଟ୍ରିଟ୍ ଜର୍ଣ୍ଣାଲ୍ ରିପୋର୍ଟ ଅନୁଯାୟୀ ଇସ୍ରାଏଲର ଗୁପ୍ତଚର ସେବା ଏହି ନିର୍ଦ୍ଦେଶକୁ କାର୍ଯ୍ୟକାରୀ କରିବା ପାଇଁ ବଡ଼ ଯୋଜନା କରିଛି।
ନିର୍ଦେଶ ପାଇବା ପରେ ଏଜେନ୍ସି ଗୁଡ଼ିକ ତୁର୍କୀ, ଲେବନାନ ଏବଂ କତାରରେ ହମାସ ନେତାଙ୍କୁ ଖୋଜୁଛନ୍ତି। ଗତ ଦଶନ୍ଧି ଧରି କଟାର ଏହାର ରାଜଧାନୀରେ ହମାସ ନେତାଙ୍କୁ ସେମାନଙ୍କର ରାଜନୈତିକ କାର୍ଯ୍ୟାଳୟ ଖୋଲିବାକୁ ଅନୁମତି ଦେଇଛି। ତେବେ ଦୁଇ ଦେଶ ମଧ୍ୟରେ ୭ ଦିନ ହେଲା ଶାନ୍ତ ପଡିଥିବା ଯୁଦ୍ଧ ପାଇଁ ଦୁଇ ପକ୍ଷ ମଧ୍ୟରେ ଆଲୋଚନା ପାଇଁ ଏକ ପ୍ରମୁଖ ଭୂମିକା ତୁଲାଇଛି।
ତେବେ ଏହି ଅପରେସନକୁ ଯଥା ସମ୍ଭବ ସିକ୍ରେଟ ରଖିବାକୁ ଏଜେନ୍ସି ମାନଙ୍କୁ କୁହାଯାଇଛି। ଗତ ନଭେମ୍ବର ମାସରେ ଦେଶକୁ ସମ୍ବୋଧନ କରିବା ସମୟରେ ଇସ୍ରାଏଲ୍ ପ୍ରଧାନମନ୍ତ୍ରୀ କହିଥିଲେ ”ମୁଁ ମୋସାଦକୁ (ଇସ୍ରାଏଲର ବୈଦେଶିକ ଗୁପ୍ତଚର ସେବା) ହାମାସର ମୁଖ୍ୟଙ୍କ ବିରୁଦ୍ଧରେ କାର୍ଯ୍ୟ କରିବାକୁ ନିର୍ଦ୍ଦେଶ ଦେଇଛି।
