ନୂଆଦିଲ୍ଲୀ,୫ ।୯: ରାଜଧାନୀ ଦିଲ୍ଲୀର ଚାନ୍ଦିନି ଚୌକ ମେଟ୍ରୋ ଷ୍ଟେଶନ ନିକଟରେ ଥିବା ଏକ ବିଲଡିଂରେ ଭୟଙ୍କର ଅଗ୍ନିକାଣ୍ଡ ହୋଇଛି । ଏହି ବିଲଡିଂରେ କପଡା ଭର୍ତ୍ତି ଥିବାରୁ ନିଆଁ ଶୀଘ୍ର ବ୍ୟାପିଯାଇଥିବା କୁହାଯାଉଛି । ନିଆଁ ଲାଗିଥିବା ଖବର ମିଳିବା ପରେ ଘଟଣାସ୍ଥଳରେ ଦମକଳ ବାହିନୀର ୧୫ ଗାଡି ପହଞ୍ଚିଥିଲେ । ନିଆଁ ଲାଗିବାର ସୂଚନା ରବିବାର ରାତି ପ୍ରାୟ ୧୦ଟା ୪୦ରେ ମିଳିଥିଲା । ତେବେ ନିଆଁ କେମିତି ଲାଗିଲା ତାହା ଏପର୍ଯ୍ୟନ୍ତ ଜଣାପଡି ନଥିବା ବେଳେ ଏଥିରେ କେହି ମୃତାହତ ହୋଇ ନ ଥିବା କୁହାଯାଉଛି ।
ଡେପୁଟି ଫାୟାର ଅଫିସର ଧର୍ମପାଲ ଭରଦ୍ୱାଜ ଘଟଣା ସମ୍ପର୍କରେ ସୂଚନା ଦେଇ କହିଛନ୍ତି, ଦମକଳର ୨୫ ଗାଡି ନିଆଁ ଲିଭାଇବା ପାଇଁ ପହଞ୍ଚିଛି । ହେଲେ ଛୋଟ ଗଳି ହୋଇଥିବାରୁ ଘଟଣାସ୍ଥଳକୁ ଯିବା ଆସିବାରେ ଅସୁବିଧା ହୋଇଛି । ଏହା ୪ ମହଲା କୋଠା ହୋଇଥିବା ବେଳେ ଏଥିରେ କପଡା ଭର୍ତ୍ତି ଥିବାରୁ ନିଆଁ ଶୀଘ୍ର ବ୍ୟାପିଯାଇଛି । ଏହାକୁ ଆୟତ୍ତ କରିବାକୁ ସମୟ ଲାଗିବ ବୋଲି ସେ କହିଛନ୍ତି ।
