ପାଟଣା, ୩୧ା୮(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ମୁଖ୍ୟାଳୟସ୍ଥିତ ଆନନ୍ଦେଶ୍ୱର ଶିବମନ୍ଦିର କଲ୍ୟାଣମଣ୍ଡପରେ ରବିବାର ଡିଜିଟାଲ ନ୍ୟୁଜ ପ୍ଲାଟଫର୍ମ ‘ନଜର ଓଡ଼ିଶା’ର ଲୋକାର୍ପଣ ଉତ୍ସବ ଅନୁଷ୍ଠିତ ହୋଇଛି। ବରିଷ୍ଠ ଖବରଦାତା ନୃସିଂହ ନାଥ ସିଂହଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବେ ପାଟଣା ବିଧାୟକ ଅଖିଳ ଚନ୍ଦ୍ର ନାଏକ ଯୋଗଦେଇ ‘ନଜର ଓଡ଼ିଶା’ର ଲୋଗୋ ଉନ୍ମୋଚନ କରିଥିଲେ।
ଏହି ଅବସରରେ ବିଧାୟକ ନାଏକ କହିଥିଲେ, ଗଣମାଧ୍ୟମ ପ୍ରତିନିଧିମାନେ ପାଟଣା ଅଞ୍ଚଳର ବିକାଶ ପାଇଁ ନିର୍ଭୀକ ଓ ନିରପେକ୍ଷ ଭାବେ ଖବର ପରିବେଷଣ କରିବା ଆବଶ୍ୟକ। ଏଥିସହ ଲୋକଙ୍କ ବୃହତ୍ତର ସ୍ବାର୍ଥ ସମ୍ବଳିତ ଖବରକୁ ପ୍ରାଧାନ୍ୟ ଦେବାକୁ ସେ ପରାମର୍ଶ ଦେଇଥିଲେ।
ସମ୍ମାନିତ ଅତିଥି ଭାବେ ପୂର୍ବତନ ପାଟଣା ବ୍ଲକ ଅଧ୍ୟକ୍ଷ ଇଂ. ବିଦ୍ୟାଧର ଦାଶ, ବଡ଼ପାଟଣା ସରପଞ୍ଚ ବିନତୀ ବାନରା, ସାମାଜିକ କର୍ମୀ ଅଜୟ କୁମାର ଦାଶ, ସନାତନ ଦାଶ ଓ ଲକ୍ଷ୍ମଣ କୁମାର ଦାଶ ପ୍ରମୁଖ ଯୋଗଦେଇଥିଲେ।
‘ନଜର ଓଡ଼ିଶା’ର ମୁଖ୍ୟ ପରିଚାଳକ ଯୁବ ଖବରଦାତା ବିଜୟରତ୍ନ ପତି ଓ ପ୍ରତିଷ୍ଠାତା ସମ୍ପାଦକ ପାର୍ଥସାରଥୀ ପାତ୍ର କାର୍ଯ୍ୟକ୍ରମ ପରିଚାଳନା କରିଥିଲେ। ଉତ୍ସବରେ ବରିଷ୍ଠ ଖବରଦାତା କିଶୋର ଚନ୍ଦ୍ର ମହାନ୍ତ, ସନ୍ତୋଷ କୁମାର ପତି, ସାମାଜିକ କର୍ମୀ ଯୁଗଳ କିଶୋର ଦାଶ, ଶିବନାରାୟଣ ମିଶ୍ର, ଯତୀନ୍ଦ୍ର ସେଠୀ, ଭୂତ ମହାନ୍ତ, ଖବରଦାତା କାମିନୀକାନ୍ତ ଦ୍ୱିବେଦୀ, ରଞ୍ଜନ କୁମାର ବାରିକ, ଦଶରଥ ବାରିକ, ନିଶିକାନ୍ତ ବେହେରା, ରତୀରଞ୍ଜନ ମହାନ୍ତ, ଜିତେନ୍ଦ୍ର ସେଠୀ, ରବୀନ୍ଦ୍ର କୁମାର ପୃଷ୍ଟି, ଉଗ୍ରସେନ ପୃଷ୍ଟୀ, ବିଜୟ କୁମାର କାରୁଆଙ୍କ ସମେତ ଅଞ୍ଚଳର ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ।
