ଚଣ୍ଡିଗଡ଼,୧୭।୩: ପ୍ରଥମ ଥର ପାଇଁ ପଞ୍ଜାବରେ ଆମ ଆଦମୀ ପାର୍ଟି(ଏଏପି) କ୍ଷମତାକୁ ଆସିଛି। ବୁଧବାର ଏଏପି ମୁଖ୍ୟମନ୍ତ୍ରୀ ଚେହେରା ଭଗଓ୍ବନ୍ତ ମାନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରି ସରକାର ଗଠନ କରିଛନ୍ତି। ଅନ୍ୟପକ୍ଷରେ ପଞ୍ଜାବରେ ଖରାପ ପ୍ରଦର୍ଶନ କରି ପରାଜୟ ହୋଇଥିବା କଂଗ୍ରେସ ରାଜ୍ୟ ସଭାପତି ନବଜୋତ ସିଂ ସିଦ୍ଧୁ ମଧ୍ୟ ତାଙ୍କ ପଦରୁ ଇସ୍ତଫା ଦେଇଛନ୍ତି। ଇସ୍ତଫା ଦେବା ପରେ ସେ ଭଗଓ୍ବନ୍ତ ମାନଙ୍କୁ ଅଭିନନ୍ଦନ ଜଣାଇଛନ୍ତି। ସେ ଟୁଇଟ କରି କହିଛନ୍ତି, ମାନ ଏକ ମାଫିଆ ବିରୋଧୀ ଯୁଗର ଆରମ୍ଭ କରିଛନ୍ତି। ସୂଚନାଯୋଗ୍ୟ, ଗୁରୁବାର କଂଗ୍ରେସ ନେତା ନବଜୋତ ସିଂ ସିଦ୍ଧୁ ପଞ୍ଜାବର ନୂତନ ମୁଖ୍ୟମନ୍ତ୍ରୀ ଭଗଓ୍ବନ୍ତ ମାନଙ୍କୁ ପ୍ରଶଂସା କରିଛନ୍ତି। ଏଥିସହ ଟୁଇଟ କରି କହିଛନ୍ତି, ସବୁଠାରୁ ଭାଗ୍ୟବାନ ବ୍ୟକ୍ତି ସିଏ, ଯାହାଠାରୁ କେହି ଆଶା କରନ୍ତି ନାହିଁ। ମାନ ଏକ ବିଶ୍ୱାସ ନେଇ ରାଜ୍ୟରେ ମାଫିଆ ବିରୋଧୀ ଯୁଗର ଆରମ୍ଭ କରିଛନ୍ତି। ଆଶା କରୁଛି ସେ ଲୋକଙ୍କ ଆଶା ପୂରଣ କରିବେ ଏବଂ ଲୋକଙ୍କ ସ୍ବାର୍ଥରେ ତିଆରି କରାଯାଇଥିବା ନୀତିକୁ ଆପଣାଇ ପୁଣିଥରେ ପଞ୍ଜାବକୁ ସଠିକ୍ ରାସ୍ତାକୁ ଫେରାଇ ଆଣିବେ ବୋଲି ସିଦ୍ଧୁ କହିଛନ୍ତି।
