ନୂଆଦିଲ୍ଲୀ,୨୦।୧୨: ଚଳିତ ବର୍ଷ କ୍ରୀଡ଼ା ପୁରସ୍କାର ପାଇଁ ଆଥଲେଟ୍ମାନଙ୍କ ନାମ ଘୋଷଣା କରାଯାଇଛି। ଏଥିରେ ବ୍ୟାଡମିଣ୍ଟନ ଷ୍ଟାର ଯୋଡି ଚିରାଗ ଶେଟ୍ଟୀ ଏବଂ ସତଭିକ୍ ସାଇରାଜ ରାଙ୍କିରେଡିଙ୍କୁ ସବୁଠାରୁ ବଡ ସମ୍ମାନ ଖେଳ ରତ୍ନ ପୁରସ୍କାର ପ୍ରଦାନ କରାଯିବ। ଷ୍ଟାର କ୍ରିକେଟର ମହମ୍ମଦ ଶାମି ମଧ୍ୟ ଅର୍ଜୁନ ପୁରସ୍କାର ପାଇଁ ମନୋନୀତ ହୋଇଛନ୍ତି।
୯ ଜାନୁଆରୀ ୨୦୨୪ ରେ ରାଷ୍ଟ୍ରପତି ଭବନରେ ଆୟୋଜିତ ଏକ କାର୍ଯ୍ୟକ୍ରମ ସମୟରେ ଏହି ସମସ୍ତ ଜାତୀୟ କ୍ରୀଡ଼ା ପୁରସ୍କାର ପ୍ରଦାନ କରାଯିବ। ରାତ୍ରପତି ଦ୍ରୌପଦୀ ମୁର୍ମୁ ଏହି ସମସ୍ତ ପୁରସ୍କାର କରିବେ ବୋଲି କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।
କ୍ରୀଡ଼ା ମନ୍ତ୍ରଣାଳୟ କହିଛି ଯେ କମିଟିର ସୁପାରିଶ ଆଧାରରେ ଏବଂ ସଠିକ୍ ଅନୁସନ୍ଧାନ ପରେ ସରକାର ଏହି ସମସ୍ତ ଖେଳାଳି, କୋଚ୍ ଏବଂ ଅନୁଷ୍ଠାନକୁ ପୁରସ୍କାର ପାଇଁ ମନୋନୀତ କରିଛନ୍ତି। ମନ୍ତ୍ରଣାଳୟ ସମସ୍ତ ପୁରସ୍କାର ଗ୍ରହଣ କରୁଥିବା ଖେଳାଳି, ପ୍ରଶିକ୍ଷକ ଏବଂ ଅନୁଷ୍ଠାନର ତାଲିକା ମଧ୍ୟ ପ୍ରକାଶ କରିଛି।
