କେତେକ କାରଣ ଯୋଗୁ କିଛି ଲୋକଙ୍କ ହାତ ଏବଂ ଗୋଡ଼ ନଖ ସଂକ୍ରମିତ ହୋଇଥାଏ। ଏହା ଯୋଗୁ ନଖ ରଙ୍ଗ ବଦଳି ହଳଦିଆ ବା ଧଳା ହୋଇଯାଏ ଅବା ମୋଟା ହୋଇ ସ୍ଥାନଚ୍ୟୁତ ହୋଇଥାଏ। ଏହି ସମସ୍ୟାକୁ ଡାକ୍ତରୀ ଭାଷାରେ ଓନିକୋମାଇକୋସିସ କୁହାଯାଇଥାଏ। ଏହାର ଅନ୍ୟ ନାମ ଟିନିଆ ଅଙ୍ଗୁଇଅମ। ଏହା ଏକ ପ୍ରକାର କବକ ସଂକ୍ରମଣ ଯାହା ନଖକୁ ସଂକ୍ରମିତ କରିଥାଏ । ଉଭୟ ପାଦ ଓ ହାତ ନଖ ସଂକ୍ରମିତ ହୁଏ। କିନ୍ତୁ ପାଦ ନଖ ଅଧିକ ସଂକ୍ରମିତ ହୋଇଥାଏ । ସମସ୍ୟା ଅଧିକ ଜଟିଳ ହେଲେ ଗୋଡ଼ ତଳ ଭାଗରେ ସେଲ୍ୟୁଲାଇଟିସ ହୁଏ । ଫଳରେ ଯନ୍ତ୍ରଣା ମଧ୍ୟ ହୋଇଥାଏ।
ଓନିକୋମାଇକୋସିସ, ଡର୍ମାଟୋଫାଇଟ ଓ ଫୁସାରିଅମ ଆଦି କବକ ସଂକ୍ରମଣ ଯୋଗୁ ଏହି ସମସ୍ୟା ସୃଷ୍ଟି ହୋଇଥାଏ। ଆଥଲେଟ ଫୁଟ, ଅନ୍ୟାନ୍ୟ ନଖ ରୋଗ, ପେରିଫେରାଲ ଭାସ୍କୁଲାର ଡିଜିଜ, ଇମ୍ମ୍ୟୁନୋସପ୍ରେସନ ଆଦି ସମସ୍ୟା ଥିଲେ ଥିଲେ ଏହି ସଂକ୍ରମଣ ଅଧିକ ସଙ୍କଟ ସୃଷ୍ଟି କରିଥାଏ। ନଖର ଅବସ୍ଥା ଦେଖି ଓ ଲାବୋରେଟରୀ ପରୀକ୍ଷା କରି ଏହି ସମସ୍ୟାକୁ ଚିହ୍ନଟ କରାଯାଇଥାଏ।
ଓନିକୋମାଇକୋସିସ ସମସ୍ୟାର ବେଳେ ବେଳେ ଆପେ ଆପେ ଠିକ ହୋଇଯାଇଥାଏ। ଆଣ୍ଟିଫଙ୍ଗାଲ ଔଷଧ ମଧ୍ୟରେ ଟରବିନାଫାଇନ ବ୍ୟବହାର କଲେ ଏହି ସମସ୍ୟା ଦୂର ହୋଇଥାଏ। ତେବେ ଏହାଦ୍ୱାରା କେତେକଙ୍କଠାରେ ଯକୃତ ସମସ୍ୟା ସୃଷ୍ଟି ହୋଇପାରେ ବୋଲି ଡାକ୍ତର କହିଥାନ୍ତି। ସଂକ୍ରମିତ ନଖ କାଟିଦେଲେ ନୂଆ ନଖ ଉଠି ସମସ୍ୟା ମଧ୍ୟ ହୋଇଥାଏ । ସାଇକ୍ଲୋପାଇରକ୍ସ ଥିବା ନେଲପଲିସ ବ୍ୟବହାର ଦ୍ୱାରା ସାମୟିକ ସୁରକ୍ଷା ମିଳିଥାଏ। କେତେକଙ୍କଠାରେ କିଛି ଦିନ ପରେ ପୁଣି ସମସ୍ୟା ଲେଉଟିଆସେ । ପୃଥିବୀର ମୋଟ ଜନସଂଖ୍ୟାର ୧୦ ପ୍ରତିଶତ ଲୋକଙ୍କରଠାରରେ ଏହି ସମସ୍ୟା ଦେଖାଦେଇଥାଏ। ଏହି ରୋଗ ହୁଏ । ବୟସାଧିକ ଲୋକଙ୍କଠାରେ ଏହି ସମସ୍ୟା ଅଧିକ ଦେଖିବାକୁ ମିଳେ । ମହିଳାଙ୍କ ଅପେକ୍ଷା ପୁରୁଷମାନେ ଏଥିରେ ଅଧିକ ଆକ୍ରାନ୍ତ ହୁଅନ୍ତି । କବକ ଯୋଗୁ ଏହି ସମସ୍ୟା ସୃଷ୍ଟି ହେଉଥିବା ସମ୍ପର୍କରେ ୧୮୫୩ରେ ଜର୍ଜ ମେଇସନର ପ୍ରଥମେ ସୂଚନା ଦେଇଥିଲେ ।
