ରହସ୍ୟଜନକ ଶବ୍ଦ: ଲୋକେ ଆତଙ୍କିତ
7:12 amJune 3, 2023June 3, 2023 / 02

କୋଟ୍ଟାୟାମ୍‌,୩ା୬: କେରଳର କୋଟ୍ଟାୟାମ୍‌ ଜିଲା ଚେନ୍ନାପଡ୍ଡି ଗ୍ରାମରେ ଶୁକ୍ରବାର ସକାଳେ ଦୁଇଥର ରହସ୍ୟଜନକ ଭୂତଳ ଶବ୍ଦ ଶୁଣିବାକୁ ମିଳିଛି। ଏହାକୁ ନେଇ ସ୍ଥାନୀୟ ଲୋକେ ଆତଙ୍କିତ ହୋଇଯାଇଛନ୍ତି। ସମ୍ପୃକ୍ତ ଅଞ୍ଚଳରେ କିଛିଦିନ ପୂର୍ବେ ମଧ୍ୟ ଅନୁରୂପ ଶବ୍ଦ ଶୁଣିବାକୁ ମିଳିଥିଲା। ତେବେ ଏହି ଶବ୍ଦ ଯୋଗୁ ପାରିପାର୍ଶ୍ୱକ ସ୍ଥିତିରେ କିଛି ପରିବର୍ତ୍ତନ ଆସିନାହିଁ। କେବଳ ଏକ ବୈଜ୍ଞାନିକ ଅନୁଧ୍ୟାନ ହିଁ ଏହି ଭୂତଳ ଶବ୍ଦର କାରଣ ଖୋଜିପାରିବ ବୋଲି ଗ୍ରାମବାସୀ କହିଛନ୍ତି। ପ୍ରଥମ ଥର ଶବ୍ଦ ଶୁଣାଯିବା ପରେ କେରଳର ମାଇନିଂ ଓ ଜିଓଲୋଜି ବିଭାଗ ଅଧିକାରୀମାନଙ୍କ ବିଶେଷଜ୍ଞ ଟିମ୍‌ ସେହି ସ୍ଥାନକୁ ଯାଇ ଯାଞ୍ଚ କରିଥିଲା। ସେଣ୍ଟର ଫର୍‌ ଆର୍ଥ ସାଇନ୍ସେସ୍‌ (ସିଇଏସ୍‌)ର ଏକ ଟିମ୍‌ ଖୁବ୍‌ଶୀଘ୍ର ସେଠାରେ ବିସ୍ତୃତ ଅଧ୍ୟୟନ କରିବ ବୋଲି ଜଣାପଡ଼ିଛି।