ନୂଆଦିଲ୍ଲୀ,୬।୨: ଜାତୀୟ ଓ ଅନ୍ତର୍ଜାତୀୟ ବଜାର ଭୌଗୋଳିକ କାରଣରୁ ଆଶା ଓ ଆଶଙ୍କା ମଧ୍ୟରେ ଗତି କରୁଛି। ଏଭଳି ସମୟରେ ଜଣେ ଯତ୍ନଶୀଳ ନିବେଶକଭାବେ ବଜାରରେ ଥିବା ଅସ୍ଥିରତାଠାରୁ ନିଜ ପୋର୍ଟଫୋଲିଓକୁ ସୁରକ୍ଷିତ ରଖିବାକୁ ଚାହିଁଥାନ୍ତି। ତଥାପି ବଜାରର ଗତିବିଧିକୁ ନେଇ କେହି ବି ପୂର୍ବାନୁମାନ କରିପାରି ନ ଥାନ୍ତି। ତେଣୁ ସମ୍ପତ୍ତି ବର୍ଗ ମଧ୍ୟରେ ପାଣ୍ଠି ଏପଟସେପଟ କରିବା ପରିବର୍ତ୍ତେ ଅସ୍ଥିରତାକୁ ହରେଇବା ପାଇଁ ଜଣକୁ ଦୀର୍ଘ ସମୟ ପର୍ଯ୍ୟନ୍ତ ବିନିଯୋଗ କରିବାକୁ ଲକ୍ଷ୍ୟ ରଖିବା ଉଚିତ। ଏ ସମ୍ପର୍କରେ ଆକ୍ସିସ ମ୍ୟୁଚୁଆଲ ଫଣ୍ଡର ଇକ୍ୱିଟି ପାଣ୍ଠି ପରିଚାଳକ ଅନୁପମ ତିୱାରୀ କହିଛନ୍ତି, ବଜାର ଉତ୍ଥାନ ପତନର ଲାଭ ଉଠାଇବା ପାଇଁ ଜଣେ ନିବେଶକ ବ୍ୟବସ୍ଥିତ ଭାବେ ବଜାରରେ ବିନିଯୋଗ କରିପାରିବେ। ଏପରିକି ବଜାରର ଦୁର୍ବଳତା ସମୟରେ ଜଣେ ନିବେଶକ ଅଧିକ ୟୁନିଟ୍ ପାଇଥାନ୍ତି। ହେଲେ ବଜାର ଉପରକୁ ଉଠିଲେ ତାହା ସେମାନଙ୍କ ସପକ୍ଷରେ ଯାଇଥାଏ। ବିଶେଷକରି ଶୃଙ୍ଖଳିତ ଏବଂ ବ୍ୟବସ୍ଥିତ ବିନିଯୋଗ ମଧ୍ୟରୁ ଗୋଟିଏ ଆଦର୍ଶ ଉପାୟ ହେଲା ଏସ୍ଆଇପି ମାଧ୍ୟମରେ ବିନିଯୋଗ କରିବା। ଫଳରେ ନିବେଶକଙ୍କୁ ତାଙ୍କ ବିନିଯୋଗର ମୂଲ୍ୟ ସମାନ ଏବଂ ସନ୍ତୁଳିତ ପରିମାଣ ଉପତ୍ନ୍ନ କରିବାକୁ ସକ୍ଷମ କରାଇବା ଏସ୍ଆଇପି ଅବଧି ଅନ୍ତରାଳରେ ନିୟମିତ ବିନିଯୋଗକୁ ସୁଗମ କରିଥାଏ। ନିବେଶ ପାଇଁ ପ୍ରତ୍ୟେକ ନିବେଶକଙ୍କ ଲକ୍ଷ୍ୟ ସହ ସଙ୍କଟ ଉଠାଇବା କ୍ଷମତା ଏବଂ ନିବେଶ ଅକ୍ଷତ ରଖିବା ଅବଧି ଭିନ ଭିନ୍ନ । ଏଭଳି କାରକଗୁଡିକ ଆଧାରରେ ଜଣେ ନିବେଶକ ସେମାନଙ୍କ ପ୍ରୋଫାଇଲ ଅନୁଯାୟୀ ବିଭିନ୍ନ ସମ୍ପତ୍ତିରେ ଇଚ୍ଛା ମୁତାବକ ଅନୁପାତରେ ନିବେଶ ଆବଣ୍ଟନ କରିପାରିବେ। ଏପରିକି ଋଣ, ଇକ୍ୱିଟି, ସୁନା, ଜମିବାଡ଼ି ଇତ୍ୟାଦି ବିଭିନ୍ନ ସମ୍ପତ୍ତି ବର୍ଗରେ ପୁଞ୍ଜି ବିନିଯୋଗ କରିବା ନିବେଶକମାନଙ୍କୁ ସେମାନଙ୍କର ପୋର୍ଟଫୋଲିଓଗୁଡିକୁ ବିଭିନ୍ନ ବଜାର ଅବସ୍ଥାରେ ଖୋଲିବାକୁ ସକ୍ଷମ କରିଥାଏ। ଏହାଦ୍ୱାରା ତାଙ୍କ ପୋର୍ଟଫୋଲିଓରେ ସାମଗ୍ରିକ ଅସ୍ଥିରତା ସୀମିତ ହୋଇଥାଏ।
