୬୦ ରୁ ୭୦ ଦଶକରେ ପରଦାରେ ରାଜ୍ କରୁଥିଲେ ଚୁଲ୍ବୁଲି ଅଭିନେତ୍ରୀ ମମତାଜ୍। ଗୋଟିଏ ପରେ ଗୋଟିଏ ହିଟ୍ ଫିଲ୍ମରେ ଅଭିନୟ କରି ଦର୍ଶକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଥିଲେ। ଯଦିଓ ଆଜି ସେ ଫିଲ୍ମ ଦୁନିଆରେ ସକ୍ରିୟ ନାହାନ୍ତି, କିନ୍ତୁ ଏବେ ବି ପ୍ରଶଂସକ ତାଙ୍କୁ ମନେ ରଖିଛନ୍ତି। ସମୟ ଥିଲା ମମତାଜ୍ ଗୋଟିଏ ସେ ସମୟରେ ୧୦ ଲକ୍ଷ ଟଙ୍କା ଫିସ୍ ନେଉଥିଲେ। ଏହି କଥାରୁ ଜଣାପଡେ ସେତେବେଳେ ତାଙ୍କ କ୍ରେଜ୍ କେତେ ଅଧିକ ଥିଲା।
ବଲିଉଡ୍ର ରଙ୍ଗୀନରେ ପରଦାରେ ସେ ସମୟରେ ବି ବୋଲ୍ଡ ସିନ୍କୁ ନେଇ ବେଶ୍ ଚର୍ଚ୍ଚା ହେଉଥିଲା। କିନ୍ତୁ ମମତାଜ୍ ଏହାକୁ ନେଇ ଟିକେ ଭିନ୍ନ ଥିଲେ। ସେ ନିଜ ଶାଶୁଘର ଲୋକଙ୍କ ଭୟରେ ପରଦାରେ ବୋଲ୍ଡ ସିନ୍ କରିବାକୁ ରାଜି ହେଉ ନ ଥିଲେ। ତଥାପି ଲାଜକୁଳୀ ସ୍ବଭାବର ମମତାଜ୍ ସାଧାରଣ ଶୈଳୀରେ ଅଭିନୟ କରି ମଧ୍ୟ ଦର୍ଶକଙ୍କ ହୃଦୟ ଜିତିଥିଲେ। ନିକଟରେ ଏକ ସାକ୍ଷାତକାରରେ ସେ କହିଥିଲେ, ଯଦି ମୁଁ ପଡିଆରେ ବୋଲ୍ଡ ସିନ୍ କରିଥାନ୍ତି ତେବେ ମୋ ଶାଶୁଘର ଲୋକେ ମୋତେ ଆପଣାଇବାକୁ କୁଣ୍ଠାବୋଧ କରିଥାନ୍ତେ। ଏହି କାରଣରୁ ମୁଁ ପରଦାରେ କୌଣସି ହିରୋଙ୍କୁ ଚୁମ୍ବନ ଦେଇନାହିଁ।
ମମତାଜଙ୍କୁ ମାତ୍ର ୧୮ ବର୍ଷ ହୋଇଥିବାବେଳେ ଶମ୍ମି କପୁର ତାଙ୍କୁ ବିବାହ ପାଇଁ ପ୍ରପୋଜ କରିଥିଲେ। ମମତାଜ୍ ମଧ୍ୟ ଶମ୍ମିଙ୍କୁ ହୃଦୟ ଦେଇ ଭଲ ପାଉଥିଲେ। କିନ୍ତୁ ଶମ୍ମି କପୁର ବିବାହ ପାଇଁ ଏକ ସର୍ତ୍ତ ରଖିଥିଲେ। ସର୍ତ୍ତଟି ହେଉଛି ବିବାହ ପରେ ମମତାଜ୍ଙ୍କୁ ଫିଲ୍ମ କ୍ୟାରିୟର୍ ଛାଡିବାକୁ ପଡିବ। କିନ୍ତୁ ମମତାଜ୍ ଏହା କରିବାକୁ ମନା କରିଦେଇଥିଲେ।
