ରାଉରକେଲା ଅଫିସ,୧୨ା୧-ଦୁଇ ମାସରୁ ଊର୍ଦ୍ଧ୍ୱ ହେବ ଦିଲ୍ଲୀରେ କୃଷକମାନେ ଆନ୍ଦୋଳନ କରୁଛନ୍ତି। ପ୍ରାୟ ୮୦ରୁ ଊର୍ଦ୍ଧ୍ୱ କୃଷକଙ୍କ ମୃତ୍ୟୁ ଘଟିଲାଣି। କୃଷକମାନଙ୍କ ସହ ଆନ୍ଦୋଳନରେ ନିଜକୁ ସାମିଲ କରିବା ପାଇଁ ରାଉରକେଲାର ସାମାଜିକ କର୍ମୀ ମୁକ୍ତିକାନ୍ତ ବିଶ୍ୱାଳ ସାଇକେଲ ଯୋଗେ ରାଉରକେଲାରୁ ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି। ମଙ୍ଗଳବାର ମୁକ୍ତିକାନ୍ତ ଏହି ଯାତ୍ରା ଆରମ୍ଭ କରିଛନ୍ତି । ସେ ପ୍ରତ୍ୟେକ ଦିନ ଶହେ କି.ମି ସାଇକେଲ ଯୋଗେ ଯାତ୍ରା କରିବେ। ସୁସ୍ଥ ଶାରୀରିକ କ୍ଷମତାକୁ ଆଖିଆଗରେ ରଖି ମୁକ୍ତିକାନ୍ତ ୧୫ଦିନ ଭିତରେ ଦିଲ୍ଲୀରେ ପହଞ୍ଚିବାକୁ ଲକ୍ଷ୍ୟ ରଖିଛନ୍ତି। ସୂଚନାଯୋଗ୍ୟ, ରାଉରକେଲାରେ ବ୍ରାହ୍ମଣୀ ନଦୀରେ ଦ୍ୱିତୀୟ ବ୍ରିଜ୍ ଓ ଆଇଜିଏଚ୍କୁ ସୁପରସ୍ପେଶିଆଲିଷ୍ଟ ହସ୍ପିପିଟାଲ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସହରବାସୀଙ୍କୁ ପ୍ରତିଶ୍ରୁତି ଦେଇଥିଲେ। ଏହି କାର୍ଯ୍ୟ ବିଳମ୍ବ ହେଉଥିବାରୁ ୨୦୧୮ରେ ମୁକ୍ତିକାନ୍ତ ରାଉରକେଲାରୁ ଦିଲ୍ଲୀ ପଦଯାତ୍ରା କରି ଚର୍ଚ୍ଚିତ ହୋଇଥିଲେ।
