ହାଟଡିହୀ/ଛେନାପଦୀ,୭।୬(ଶୁଭକାନ୍ତ ନାୟକ/ନିରାକାର ପରିଡା): କେନ୍ଦୁଝର ଜିଲା ହାଟଡିହୀ ବ୍ଲକ ମୁଗୁପୁର ହାଇସ୍କୁଲ ପରିସରରେ ୨୦୧୦ ମସିହା ମ୍ୟାଟ୍ରିକ ବ୍ୟାଚର ପୁରାତନ ଛାତ୍ରୀଛାତ୍ର ମାନଙ୍କୁ ନେଇ ଏକ ବନ୍ଧୁମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ଦୀର୍ଘ ୧୬ ବର୍ଷ ପରେ ପୁରୁଣା ସାଙ୍ଗମାନଙ୍କୁ ପାଖରେ ପାଇ ସମସ୍ତେ ଭାବବିହ୍ୱଳ ହୋଇପଡ଼ିଥିଲେ । ଏହି ଅବସରରେ ବ୍ୟାଚ୍ର ପ୍ରାୟ ସମସ୍ତ ଛାତ୍ରୀଛାତ୍ର ଯୋଗଦେଇ ନିଜ ନିଜର ପୁରୁଣା ସ୍ମୃତି, ସ୍କୁଲ ଦିନର ଦୃଷ୍ଟାମି ଓ ଅଭିଜ୍ଞତା ବାଣ୍ଟିଥିଲେ। ବର୍ତ୍ତମାନର ବ୍ୟସ୍ତବହୁଳ ଜୀବନ ଭିତରୁ କିଛି ସମୟ ବାହାର କରି ପିଲାଦିନର ସେହି ସୁବର୍ଣ୍ଣ ସମୟକୁ ଆଉ ଥରେ ଜିଇଁବାର ପ୍ରୟାସ ସମସ୍ତଙ୍କ ମନରେ ଏକ ଅପୂର୍ବ ଶିହରଣ ସୃଷ୍ଟି କରିଥିଲା।
ଏହି କାର୍ଯ୍ୟକ୍ରମରେ କେବଳ ସ୍ମୃତି ଚାରଣ ନୁହେଁ, ବରଂ ଆଗାମୀ ଦିନରେ ବିଦ୍ୟାଳୟର ଉନ୍ନତି ଏବଂ ସମାଜ ମଙ୍ଗଳ ପାଇଁ ମିଳିତ ଭାବେ କାର୍ଯ୍ୟ କରିବାକୁ ସମସ୍ତେ ସଂକଳ୍ପ ନେଇଥିଲେ। ମଧ୍ୟାହ୍ନ ଭୋଜନ ସହ ବିଭିନ୍ନ ମନୋରଞ୍ଜନଭିତ୍ତିକ କାର୍ଯ୍ୟକ୍ରମ ଏହି ଉତ୍ସବର ମୁଖ୍ୟ ଆକର୍ଷଣ ସାଜିଥିଲା। ବ୍ୟାଚର ସଦସ୍ୟମାନଙ୍କ ମିଳିତ ସହଯୋଗରେ ସମଗ୍ର କାର୍ଯ୍ୟକ୍ରମଟି ସଫଳତାର ସହ ସମ୍ପନ୍ନ ହୋଇଥିଲା।
ଜ୍ଞାନ ରଂଜନ ସେଠୀ, ସନ୍ତୋଷ କୁମାର ଜେନା, ଲକ୍ଷ୍ମୀଧର ପଣ୍ଡା, ଅମ୍ବରିଶ ସେଠୀ, କିଶୋର କୁମାର ସେଠୀ, ରଞ୍ଜିତ୍ ଜେନା, ତାପସ କୁମାର ଦାସ, ଅଳ୍ପନା ବିହାରୀ, ଶୁଶ୍ରୀସଙ୍ଗୀତା ରାଉତ , ଶୁଭସ୍ମିତା ଜେନା, ସତ୍ୟଜିତ୍ ସାହୁ, ଅଜୟ କୁମାର ସାହୁ, ସନ୍ତୋଷ ଖଟୁଆ, ବିଶେଶ୍ୱର ପାଣି, ପ୍ରମୋଦ ବାରିକ, ଶୁଭଶ୍ରୀ ସଙ୍ଗୀତ ସେଠୀ, ପ୍ରକାଶ ଚନ୍ଦ୍ର ସାହୁ, ହେମନ୍ତ କର, ନିରଞ୍ଜନ ପଣ୍ଡା, ବିଷ୍ଣୁପ୍ରସାଦ ସାହୁ, କୁନା, ବାସୁଦେବ ଦଳେଇ, ଭାଗିରଥୀ, ଅଳ୍ପନା, ଲିଶା ରାଣୀ ସାହୁ ପ୍ରମୁଖଙ୍କ ସମେତ ୨୦୧୦ ବର୍ଷ ର ବହୁ ସଂଖ୍ୟାରେ ଛାତ୍ରୀଛାତ୍ର ଉପସ୍ଥିତ ଥିଲେ ।
